لا تقصرون معاي بنات...,,ولا تفهموني غلط

[AL5YaAL »]

السلام عليكم’’:d

ترددت وايد قبل لا اكتب موضوعي

لاني كتبته مرة في منتدى اخر بصورة اخرى ومحد رحمني والكل اتهمني وفهمني غلط مع ان هم بنات بلادي الكويت ماعلينا الله يسامحهم


الموضوع اني اتمنى شخص معين ودايما ادعي الله انه يزوجني ياه

بتسألوني تعرفينه او تكلمينه بقولكم يشهد الله عليه اني ما كلمته لا في تلفون ولا غيره

شفته من سنين وهو اخو رفيجتي وقعدت اتمناه وتمر السنين واختفى والسنه هذي فالصيف رجع لي الامل والمشكلة يوم شافني قعد يلف على عمره وحسيت به انه مو مصدق يشوفني وانا طبعا لا بينت فرحتي ولا حاولت حتى اعطيه نظرة
مسكينة انا واللي مثلي الادب والخجل ...بس نرجع نقول كله في سبيل الله سبحانه
بتقولون ليش اتحبينه؟ بقولكم مادري
بترجعون وبتظنون اني كنت اطالعه وايد بقولكم الحمدالله انا متحجبة وخجولة وحتى في اوربا امشي بعباتي وحسيت منه نظرات الاعجاب
يمكن تستغربون مني بس والله احس روحي متعلقة فيه احاول انساه ويتقدموا لي اشخاص وافكر فيهم واستخير وما يصير نصيب
تمر الايام وانا افكر فيه واحس انه محد يملا عيني مثله يكفي انه محترم وماحاول في يوم انه يرقمني او يسوي مثل غيره
احلم فيه على فترات متباعدة مع انه احلامي في الاخرين بسرعة تتحقق وكم بنت عرفت انها بتتزوج قبل لا توصل بطاقات افراحهم والله من احلامي
لا تقولولي انسيه بقولكم ماقدر
بس طلبي منكم انه كل وحدة تزوجت الشخص اللي تتمناه تخبرني شو كانت تدعي بالضبط وشنو الاشياء اللي سوتها وتحققت امنيتها؟
انا الحمدالله مو مقصرة فالدعاء واشياء اخرى... كل شيء بيني وبين ربي الحمدالله ومو معترضة على حكمة رب العالمين
ساعدوني خواتي وادعولي انه يخطبني في اسرع وقت
وانا متاكدة انه يعرفني من اكون واسم عائلتي بحكم انه كنا ساكنين في نفس الفندق

يالله يا كريم القى منكم ردود مفرحة وتكونون معاي على قلب واحد ولا تنسون اجركم على الله سبحانه لاني اختكم في الاسلام ​

​

 

[AL5YaAL »]

وعلى فكره في اكثر من خيال بالمنتدى

 

[فوز السعودية]

اسمعي بقول لك شي انا حكايتي نفس حكايتك

اسمعيني انا اعرف وحدة قبل لا تتزوج تقول كانت تدعي بحضور النيه ومن قلبها مافي دعاء محدد

وتقرا سورة البقره يوميا يعني تقرينها كامله في يوم واحد واهم شي قيام الليل وتتحرين اوقات استجابه الدعاء واظبي على صلاتك

وادعي لي معاك ودام انتي ماشيه في طريق العباده ان شاء الله بتتيسر امورك

والله يكتب اللي فيه الخير لك وللجميع وراح ادعي لك من كل قلبي

 

[دندون الحلوة]

حتااااااااااااتي وربي فديييييييييييييتج وربي يجمعكم عل خيييييييييييييير قصتج رووعه انا بقوولج الصج وربي مااا تززوجت لحد الان وما جرربت ياا حبي بس رااح ادعيلج وانتي بعد كثرري من الدعااااااااااء حتااااااااااااااتي انتي والله يوفقكم ويجمعكم عل خيير اللهم امممممممممممين ​

 

[دندون الحلوة]

وان شااء الله تلقين الردود اللي تسررج ياارووحي

 

[AL5YaAL »]

:eh_s(2):

 

[غلاك عندي غير]

الله معااكم؟؟؟؟ ا
الحمدالله لا لا لا لا للحب
ولتعذيب القلب لحب مقبرة الانسااان؟؟؟؟
والله اادرري شقوووولج بس اعرررف بناات واايد بنفس الحاااله؟؟؟
سااااامحييني صراااحه الحب سرلعبتهاا بين العشااااشيق
وانا قيييم اوووووفر بالحب
وشباااب الكووويت اكبر جذااابين ونصااابين بالحب؟؟؟ا
لاالاالاالاالاالاالاللحب لاالاالاالالزوااااج؟؟؟
لاا

 

[عــذووب الغلا]

مااا علييج الا بالدعاااااء
والله يكتب اللي فيه الخير

 

[غلاك عندي غير]

اللي رااح اسووويه اني ادعيييلج؟؟؟

 

[دندون الحلوة]

اب اب للرفع

 

[AL5YaAL »]

غلاك عندي غير ادري الحبب عذاب بس هذا حبيته لاخلاقه ولطبعه ولطيبته والله يجزاج خير,,,تكفوون بنات لا تصرون بالدعاء لي

 

[~أركد ياقلبي~]

حبيبتي قصتج روووعه انتي احسن البناات اللي تاخذ رقمه
وسوالف اللي كذآ انتي ماشاء الله عليييييييييييييييج
باااااااين انج متربيه عدل ماعليج استمري بالدعااء والاستغفاار وصلآة الليل وابشري بالخييييييييييييييييييييير...

 

[غلاك عندي غير]

انشااااء الله اللي فييه الخير يجيبيه ربي ؟؟؟
وهذاااا نصيب؟؟؟

 

[بنوتة ذهبية]

حبيبتي الله يكتب لك الي فيه الخير ومافيه شيء مستحيل على ربي
ادعيه وان شاءالله يحقق أمنيتك ويسعدك يارب

 

[الـــــغــــلا]

آنشاءلله للي فيه خير ربــــــي يرزقك فيه وماااعليك قلبوو غير في الدعاء والله يكتبلكـ للي فيه خيــــــــــــر

 

[حلاها كويتي]

انتي ما تدرين عنه الي مع الناس ممكن يكون غير ببيته صوح ان ما خذاج اعرفي انها خيره ^ـ^ ولا تعبين عمرج بهالشغلات وانا اقول ان كان مثل ما وصفتيه الله يفرح قلبج فيه وان كان غير عن الوصف يعني ممكن تمر الايام يقعد ينكد حياتج ان شاء الله لا يعتب بيتكم اسفه هذا الي طلع مني انتي لا تدعين انه ياخذج ادعي اذا خير ياخذج لان واجد بنات مثلج بالنهايه تطلقوا وعانوا

اتمنى ما تزعلين مني

 

[كويتية و لي الفخر]

انتي ما تدرين عنه الي مع الناس ممكن يكون غير ببيته صوح ان ما خذاج اعرفي انها خيره ^ـ^ ولا تعبين عمرج بهالشغلات وانا اقول ان كان مثل ما وصفتيه الله يفرح قلبج فيه وان كان غير عن الوصف يعني ممكن تمر الايام يقعد ينكد حياتج ان شاء الله لا يعتب بيتكم اسفه هذا الي طلع مني انتي لا تدعين انه ياخذج ادعي اذا خير ياخذج لان واجد بنات مثلج بالنهايه تطلقوا وعانوا

اتمنى ما تزعلين مني

ماقصرت قالت اللي بالي كله

 

[شرمبي]

آنآ مع الاخت حلآهآ كويتي ...

آنتي مآتعرفينه شخصيآ وعمرج مآقعدتي معاه وماعرفتي شنو طريقته وشنو يفكر ... يمكن مآيعجبج تفكيره شدرآج
آنتي لآ تعلقيين حيآتج على مستقبل آنتي مآتدرين شنو مصيره ولا ترفضين كل من خطبج عشانه .. حبيه بس حكمي عقلج ..
وترآ آنآ معااج وبالعكس الحب شي حلوو ... آنتي آدعي اذا فيه الخير يآخذج .. عشآن لا تندمين بيووم الانسآن الي حلمتي تبينه يطلع انسان ثاني مع العشره والتعامل وتندمين عشان رديتي ناس خطوبج يمكن يكونون آحسن منه

حبيبتي آنآ بدعليييج .. ولا تحآتين آنشالله آذآ في نصيب والله كاتب بيآخذج ..

 

[فراولة فسفوريه]

قلبووو بقووولج شغله وحده


لاتدعييين ربي ارزقني فلااان


يمكن هالفلاان مافيه خييير لج


انا سمعت شييخ يقووول ادعي وقولي ياارب ارزقني الرجل الصاااالح


يعني ماايصير تحددين منو نصييبج اتمني فهمتيني

قلبووو كل شي نصييب ماابي اعطيج امل وبالنهاايه تنصدمين

وماابي احبطج

ابيج بس تقووليين ياارب ارزقني الرجل الصااالح بس

 

[شـمـوخ..!]

ربي يكتب لج اللي فيه الخير وادعي ربج ان الله يجعل الرجل الصالح من نصيبج ان كان اهو او غيره واذا ماتزوجتيه لا تضايقين نفسج تاكدي انها خيره من الله ومثل ماقلتي ماعمرج كلمتيه ويعني ماتعرفين عنه شي من ناحيه طبعه وغيره والرجال مع الناس والاهل غير واسلوبه مع البنت او نقول الزوجه غير
ما اخوفج ولا ابي اضيق خلقج سوري بس حبيت اوضح لج ... مو كل شي نتمناه ممكن يكون زين لنا
وان شاءالله اشا كان فيه الخير يكون من نصيبج .. لووول قرقت عليج وايد