لايطوفكم لافام الخالدبه ولافام الجديد للاطفال

[العروس الضايعه]

مساء الخير
الله وناسه عاد صج وقته والله من زمان خاطري فيه:ada: بس مولاقيه مكان قريب بس بغيت اسال يالغاليه 100اشتراك شهر بس للرقص ولامع سباحه وجم ساعه اقعد تدرين دوامات عاد انا دوامي من4-8بالليل وخاطري ادش مع بنيتي 5سنين تعلمونها شرقي عشان نصير الأم وبنتها رقاصات:krkrkr: هههه لالا صج البنات اشتراكهم يشمل شنو بالضبط والله موعارفه انسق بنتي دوام صبح وانا دوام عصر وماعندي سياره الصبح ازمه صح ادري اذيتج باسألتي بس والله انا غشيمه بهالسوالف صج ضايعه :dddds:ههههه ومشكوره مقدما _03BA:
سيوووو

 

[shayom al-q]

انزين في كلاسات بس حق الرقص من غير رياضه واجهزه
لان 100 وايد بس على كلاسات رقص وانا ودي اتعلم بصراحه لاني ما اعرف ارقص كلش

 

[Om-BmbOSha]

انا بشترك بس ودي اطلب منج طلب

بليز

ابي اهتمام لاني ودي اتعلم الرقص بكل انواعه

لانه لمن اروح عروس مع اهل زوجتي اقعد مااعرف ارقص والبنات يقومون يرقصون ويستانسون وانا يصير بخاطري


ودي اتعلم من قلب

ابي لمن اشترك الاقي اهتمام
شنو قلت

 

[Om-BmbOSha]

انا بشترك بس ودي اطلب منج طلب

بليز

ابي اهتمام لاني ودي اتعلم الرقص بكل انواعه

لانه لمن اروح عروس مع اهل زوجي اقعد مااعرف ارقص والبنات يقومون يرقصون ويستانسون وانا يصير بخاطري


ودي اتعلم من قلب

ابي لمن اشترك الاقي اهتمام لاني مره اشتركت بمعهد فلكس وكانت المدربه اللي درب الرقص كله حصتها زحمه وماتعطي اهتمام حق الكل فما كملت

لاني ما اعرف كلش ارقص بس ودي اتعلم

بس همن مشكلتي اني استحي تقدرين تساعديني

بغيت اعرف اوقاتج متى ؟؟
وعندج حصص الصبح ؟؟ وساعه جم

وشاكره لج حبيبتي
بس ابيج تبدين معاي خطوه بخطوه[/quote]

 

[شكيرا]

يابعد عمري الدوام متواصل من 8 الصبح ل 10 بالليل يعني تروحين وتردين على كيفج وبالنسبه لخواتي اللي سالوا 100 شامله شنو ؟ شامله كل شي ماعدا المساج والباور بليت , يعني 100 للسباحه والسونا والبخار والجاكوزي والاجهزه والايروبيكس والرقص وفحص الجسم والسبيننغ وكل شي :ada:

 

[السفيرة عزيزه]

والله شجعتيني يا شكيرا انا دشت لافام من قبل سننتين بس صج الستاف سيئ جدااااااااا ومالهم خلق يدربون وماكو مواعيد كلش ما يمشون على الجدول وكل يوم مغيرينه آنا اتكلم عن حصص تدريب السباحه والأكوا بس الظاهر الستاف تغير والله يعطيج العافيه بشوف يوم وأمر الصبح بس مافي تخفيض حق اللي مشتركات من قبل فلكس كان فيه مادري عن لافام ياليت تسإلين لي وجزاج الله كل خير على هالتشجيع مشكووووووووووره وايد

 

[akadenia]

يعني اذا ييت يا شكيرا

ووريتكم الترهلات علشان تركزون عليها --- في احد متخصص فهالموضوع ؟؟؟؟

واللا تهدون الاوادم بروحهم يخبصون

 

[شكيرا]

هلا والله يااختي , شوفي حبيبتي لما تشتركين نسوي لج فحص لجسمج , عندنا جهاز ممتاز يقيس لج نسبة الدهون والسوائل والعضلات في جسمج وقولي ملاحظاتج وراح ندونها مع نتايج الفحص وراح نسوي لج برنامج خاص لج تمشين عليه بانتظام وانشالله يالغاليه توصلين لهدفج بسرعه :RoadRunner: ,,,,,,, شدي حيلج :ada:

 

[r3ashi]

بشترك انشالله بعد العيد شكيرا وانا كنت داخله نادي واللي نحشني منه البعد وزحمة الطريج لأن بالسالميه وكان فيه كلاس رقص شرقي حلو وتعلمت مبادئ وانا ميييييييييييييييييييييييج قبلها بس لللأسف نسيت لأن لي ست شهور مارقصت أو أكثر ياليت تعيدين ذكرياتي

 

[نسمه بارده]

للرفع
شجعتيني ودي اروح ارقص فيني حررررررررررررررره رقص

 

[شموخ آنثى]

يااااااااااااربيه تشجعت والله هههههههههههههههه

احس الرقص يضعف ومافيه ملل

عاد انا بالعارضيه احس مشوار عن الخالديه


بس بحاول اشترك هاليومين

 

[حضن امى]

تصدقين شكيرا انا ودى اشترك لانى اسم الله عليج كنت بالفراش اكثر من 7شهور وجسمى الحين احس كله مخدر
وقالوا لى لازم على الاقل تسوين رياضه السباحه شوى تلين جسمى
ان شاء الله نشوفج قريب

 

[COOCOO-STYLE]

لازم التزم بالرقص الشرقي مع المدربه والا يصير ارقص بروحي ؟

 

[اللافندر79]

يسألج شكيرا في تدريب للسباحه بخاطري اتعلم سباحه ويوم الجمعه فاتحين

 

[Miss sensitive]

ايييييه اله كريم

ان شا الله اولد بالسلامه واييكم