لاني ما خضع لقانون كيفك منووو منكم مثلي

[محبوبه25]

السلام عليكم
صح النوم للي توهم قااعدين
و قود مورنينق للكل

وهذا البيبسي عشان ماتقولون اني ما ضيفتكم :eshrab:

اول شي اتمنى يعجبكم موضوعي واذا ماعجبكم
ان شاء الله انبلغ السلطات العليا يحذفونه لوووول تراني فاصله اليوم

اليوم موضوعي غريب دايما افكرفيه
اللي اهواا
ليش لازم اغير من نفسي وشخصيتي عشان ريلي يحبني و
عشان الناس اتحبني ؟؟؟

ليش الناس و ريلي ما يحبوني مثل ما انا

طبعااا مو قصدي انهم مره وحده ما يحبوني
لا قصدي انه في اشياء اكيد يتمنون تتغير فيني

و طبعااا كلكم سمعتو باغنية ما اخضع لقانون كيفك

واللي مو سامعتها هذي اهيا :


انا انا وانت انت...

لك كيانك ...لي
كياني .. ليه جامعني معك .. ما اخضع لقانون كيفك
سلطتك رايك هواك
انا
انا
انا ما اقدر اكون اللي تبيه
انا ما اقدر اكون الا انا .. انا
انا
الهوى احساس ليه متحس فيه؟
ليه مستكثر علي اكون انا؟
ضعت انا او حبك
اللي ضاع بي
في سراب الحلم كم عاشق فنى
لاني اللي فزت بك، و لا فزت بي
من
خسر نفسه هدم مهما بنى....

بصراحه اخر جمله روعه (( من خسر نفسه هدم مهما بنااا

بنااات انا وحده من الناس مريت بوايد ضروف
عشت تجاارب عرفت منو يحبني واللي ما يحبني
ياما غلطت وناس اغلطو بحقي و الحين اقول فقلبي ليش ما يتقبلني مثل مانا كمثال ((
متينه او ماعرف اطبخ او يتقبل اني مو اجتماعيه واني مهمله
لوووووول ))

ليش الناس ماتتقبل بعضهاا مثل ما اهيا ؟!
اذكر مره من المرات شفت تصرف من بنت خالتي وماعجبني
و قلت لها انه عيب بنت خالتي واحبها ولو ما احبها جان ما قلت لها
انه عيب المهم اهي عصبت وهم انا
عاد الحين اقول كل واحد و كيفه عالاقل اهي ما سوت شي حرام
كل الموضوع انه تصرفها غلط وبالاخير كبرت واقتنعت انه المفروض
نتقبل تصرفات الناس لان احنااا مو عايشين بنفس البيت اللي عاشو فيه
قصدي كل بيئه غير عن البيئه الثانيه

لازم الواحد يفتخر باصله و بتصرفاته مهما صاررر ؟؟
لانا احنا نبقى احنا وانا ابقى انا ههههههههههه

المهم اشرايكم انتوو معاي ولالا
و بالنهايه اترك المايك لكم

 

[۩۩ الجـــــود ۩۩]

صباح الخـــــــــــــــــير

 

[حلوه ولمآحه]

آوكي يفتخر باصله وتصرفااته مهما صآآر

بس مايتمسك في تصرفات غلط او طبائع غلط
يعني اذا كنت مهمله في بيتي وزوجي وعيالي
ليه ماحاول اغير هالطبع للاحسن واصير اهتم فيهم >>لان هالشي راح يسعدهم

واذا فرضا اني عصبيه واتنرفز من اي كلمه مو ممنوع اني اغير طبعي لانه راح يخليني اتعااايش مع النااس بشكل افضل
>>هذا من وجه نظري

 

[يمة يادلبي]

صح كلامج
بس الانسان الله خلقه اجتماعي
يسوي المستحيل عشان الناس تتتقبله حتى لو كان شي مو زين > للأسسسسف يعني

 

[لمسه حزن]

رد : لاني ما خضع لقانون كيفك منووو منكم مثلي

صباح الورد

حلو الانسان يطور من نفسه

ويعدل اخطائه و اطباعه الغلط

يعني عادي الانسان

يتغير

تحياتي

 

[Gourges]

معاج وبنفس الوقت لا

معاج ان الوحده ملتغير شخصيتها واهجر نفسها وتعيش واهيا مو اعيا
ولكن
أنا مو مع الامثله اللي حطيتيهاا
ليش مايتقبل أنا مهمله او أنا ما اطبخ او أنا متينه هلاشياء مو بكيفج

الحياة أطالبج وتلزمج انج تهتميين وماتكونين مهمله خصوصا ان في ارواح بذمتج عيالج مثلا اذا كنتي مهمله ممكن تهددين امنهم ..
واذا على الطبخ اهوا واجب من واجبات الزوجه الاساسي ولكن اذا تنازل عنها احد الأزواج فهذي مبادره حلوه أهوا مو مجبور فيها ...

نظرة الناس مهمه ومافيها شي لمن اغير من نفسي الافضل و سعي للكمال أنا الكسبانه الاولى والاخيره
واذا مثلا لازم يتقبل أنا متيناا لاا الريال مايتقبل ممكن ايمشي بسس راح تلفت نظره البنت الي فيها الجسم الي يبيع وشكل اللي يحب وفي رياييل وزوجي منهم تلوع جبده من الوزن الزائد ... فا نظرتج وموضوعج له تفرعات وايد



بس اللي أقوله لاتخضعين لقانون كيفه بدراستج كمليها لاتخلين عنها علشان الزواج لاتهملينها وتنسين نفسج
لاتهملين الاشياء الي تحبينها هواياتج اهتماماتج تمسكي فيها غيره خلج مرنه ولينه وتشكلي بالصح على اللي ايريحج ويتناسب مع واجباتج

تقبلي رأيي

 

[فاقده ابوهاااا]

رد : لاني ما خضع لقانون كيفك منووو منكم مثلي

يحليلج في احد يضيف بيبسي من صباح الله خير واااااي منج الظاهر البيبسي امأثر عليج .. ما علينا موضوعج حلوو بس الاحلى ان الانسان لازم ينبه الي يمه على اي تصرف خطأ كان وما يقبل بالخطأ لانج بهالطريقه قاعده تخلين الوضع يصير من سيء الي أسوأ يعني انا اعطيج مثال نفرض ان اختج او صديقتج دوم تتكلم بينكم وما تثمن الحجي الي تقوله او انها تحش لو ما تنبهينها بالخطأ الي سوته راح تتمادى واكيد بالمستقبل راح تصير منبوذه من الكل يعني انتي بطريقتج هذي هدمتيها وبعدين احنا عايشين بمجتمع ولازم الكل يتأقلم مع الثاني ويقدر يصلح من حاله علشان الناس تتقبله يعني انا مو مستعده أتأقلم مع وحده ثقيله طينه او جذابه او حقوده او اي صفه سيئه فيهااا ..بأختصار شلي حادني

 

[*peace*]

امممممممممم

انا اشووف ان مافيها شي لو غيرت نفسي للافضل

يعني تصرف مزعج مني وزوجي قالي غيري طبعج ترى مزعج

مافيها شي لو حاولت اغيره يعني والعكس صحيح

يعني كلامج فيه شي من الصحه

مشكوره

 

[محبوبه25]

رد : لاني ما خضع لقانون كيفك منووو منكم مثلي

ام غدي هلا والله

حلوه ولماحه انا معاج انه مو ممنوع انغير الطبع
بس ماادري بعض الناس يكونون اكبرو على طبع معين فتلقينهم صعب يتغيرون

يمه يادلبي مراااات وايد اشوف ناااس ينصحون نااس بس تدرين اشوفهم للاسف دايما
يغلطون

لمسة حزن هلا والله صباح النور صح بس في ناس مستحيل تتغير

قورقيس كلامج صح الموضوع له تفرعات وايد
و دراستي انا الحين قاعده اكملهاا ادعيلي انجح حدي متازمه

k&rya لوووول عاادي بس البيبسي اللي طرا على بالي
صح كلامج بس المشكله لمن اتنبهين اللي معاج اكثرهم ما يتقبلون

بيس:مشكوره على مروج الحلوو

 

[DooLy88]

عادي اغير نفسي للأحسن

لكن اتييج وحدة مثلا
ماتعرف تطبخ
وزوجها متين

تلقينها تتعلم وتتعب وتسوي تجارب كله حق هالريل يستانس !!
واهو ولاهمه جسمه ويدري ان زوجته تبيه يضعف
والله وكيلج كل يوم زايد 10 كيلو

صح كلامج

 

[لمسه حزن]

رد : لاني ما خضع لقانون كيفك منووو منكم مثلي

لمسة حزن هلا والله صباح النور صح بس في ناس مستحيل تتغير

ليش مافي احد يتغير ..؟؟

وااايد ريااايل كانوا قمه العصبيه

ونفسية بالسمااا

وحالته حاله و عقب الزواج تغير

و وايد حريم كااااانت

ريلاكس و صارت العكس

عقب الزواج

الانسان شوي شوي يتغير

متى ماحط هالشي بداخله

وحب يطور نفسه

بس الانسان الي يقول انا صح

ومافي احد غلط يبقى غلط طول عمره

ومايتغير و لا يتطور

ولا يعدل من اخطائه

تحياتي

 

[miss_jamsheer]

لوول توني قاعده اسمعها عاد
شوفي حلو الواحد يتمسك باصله وقيمه
بس انتي عايشه معاه طول عمرج ومجابلته اكيد بتسوي اللي يحبه ويبيه يعني خل نفرض ريلج وصخ انتي بتقولين كيفه جذي بيئته لا لازم اتعدلينه ريلج يسوي حركات اتفشله او تنرفزج هم بتقولين كيفه ترا صعبه الواحد في اخطاء وعيوب لازم يعدلها ويغير من نفسه عشان يقدر يستمر مع اللي معاه اهوه يحبج مايقدر يستغنى عنج فلابد اتغيرين من نفسج
وعلى بنتج خالتج تصرفج سليم اهي اغلطت وانتي ماعجبج يعني لو شفتيها مع واحد ماراح اتكلمينها بتقولين هذي تربيتهم ولا هذا طبعهم ولا امها فري اكيد انج بتنصحينها صح
وعالعموم كل واحد ووجهت اتمنى انج ماتزعلين

 

[miss_jamsheer]

لوول توني قاعده اسمعها عاد
شوفي حلو الواحد يتمسك باصله وقيمه
بس انتي عايشه معاه طول عمرج ومجابلته اكيد بتسوي اللي يحبه ويبيه يعني خل نفرض ريلج وصخ انتي بتقولين كيفه جذي بيئته لا لازم اتعدلينه ريلج يسوي حركات اتفشله او تنرفزج هم بتقولين كيفه ترا صعبه الواحد في اخطاء وعيوب لازم يعدلها ويغير من نفسه عشان يقدر يستمر مع اللي معاه اهوه يحبج مايقدر يستغنى عنج فلابد اتغيرين من نفسج
وعلى بنتج خالتج تصرفج سليم اهي اغلطت وانتي ماعجبج يعني لو شفتيها مع واحد ماراح اتكلمينها بتقولين هذي تربيتهم ولا هذا طبعهم ولا امها فري اكيد انج بتنصحينها صح
وعالعموم كل واحد ووجهت اتمنى انج ماتزعلين

 

[بقايا شهد]

الزوج ياقلبي جنتك ونارك بالدنيا والآخره
اذا ارضيتيه ترضين رب العالمين
وصدقيني اذا ربي كان راضي عنك بيرضي خلقه فيك

 

[الـوايـلـيـة]

حلو الانسان يكون له شخصيه مستقله

ويكون اهوا اهوا ... واهيا اهيا...

لكن ساعات يكون التغيير من باب التنازل لاستمرار الحياة ... وليس من باب التسلط مثل ما قالت اصاله بنت نصري <<< نمر بن عدوان حشى هههههههههههههههه

انا وحده من الناس تغيرت 180 درجه علشان زوجي في اشياء وااجد تركتها وغيرتها علشاااانه ... واهوا بعد نفس الشي...

الحياة ما راح تمشي اذا كل واحد قال انا انا وانت انت ...

والا شرايج....

ومره ثانيه بلييييييز البيبسي من غير ثلج فديتج

 

[FeShinGoOo]

رد : لاني ما خضع لقانون كيفك منووو منكم مثلي

عشان حياتكم الزوجيه تستمر لازم انتي تنتازلين ولازم الطرف الثاني يتنازل
وايد حركات وطبايع فيني كانت تضايق زوجي .. وكنا نتمشكل من وراها .. وعقب ماغيرتها الحمدالله ارتحنا ..
واهو نفس الشي غير وايد من اطباعه وتصرفاته .. والحين ارتحت ..
يعني قبل كان اذا دش الديوانيه يسكر تلفونه عقب ماشافني اتظايق لا قام يخلي تلفونه ويسولف معاي ويرد وقت ما ادق ..
هالشي قلل وايد مشاكل بينا ؟؟ ليش مايتغير اذا بيريح حبيبه ؟؟
الي يحب لازم يضحي ..
وترى كله اجر اذا ترضين زوجج ورسول الله وصانا بحسن التبعل للزوج ..

 

[داريني]

انا اتبع المثل انه زوجي اضافه عدد احبائي في حياتي مو سلطان حياتي
وما يمنع انه في امور اجاملها على شانه واغيرها
بس مو كل شي

 

[حرم راشد الماجد]

صباح النور

ومشكوره عالبيبسي ولو اني ما شربه

بالنسبه لموضوعج


انا من وجهة نظري ان الوحده اللي تبي الناس تتقبلها مثل ما هي


لازم هي بعد تتقبل الناس مثل ما هما


يعني تبين زوجج يقبلج مثل ما انتي

سألي نفسج هل انتي قابلته مثل ما هو ؟

واذا كانت اجابتج لأ

فاذا انتي مو مقتنعه ببعض تصرفاته وودج يتغير ( وهالشي اكيد ) لان ماكو انسان كامل

فانتي مجبوره انج تخضعين لقانون تقريب المسافات ( لان الدنيا ما فيها قانون كيفك اذا عيالج ما يمشون هالايام بكيفج عشان انتي تمشين بكيف ريلج او ريلج يمشي بكيفج )

شنو قانون تقريب المسافات مثل التاجر الي يبي يبيع سلعه وسعرها دينارين والزبون يقول له لا دينار ونص

قانون التقريب ان الزبون ياخذها ب1750 مو لان التاجر يمشي بكيف الزبون ولا لان الزبون يمشي بكيف التاجر

لا

لان السلعه بالنسبه للزبون حاجه
والسلعه بالنسبه للتاجر رزق


كل واحد فيهم له غايه من هالسلعه وعشان جذي قربو المسافات حق بعض


لما ريلي يكون انسان عصبي شراره وانا ما حب الاعصاب راح اطلب منه ان ما يكون عصبي اذا هو شاريني راح يقرب لي المسافه ويحاول يكون اهدا واذا انا شاريته راح اتقبل الحل الوسط

وبالتالي هدفي انا اكون عايشه عيشه هاديه
وهدفه هو رضاي

هذا بالنسبه للطبايع


اما بالنسبه للواجبات

هذي الي ما فيها تهاون بالنسبه لي

مثل ما انا ابي حقي منه كامل ( بيت . ومصرف . واحترام . استقرار )

لازم اعطيه حقوقه كااااااااااامله ( من طاعه . وحنان . واهتمام )

ولا فيها منه هذا يعتبر قانون اللعبه ولا فيه تنازل ولا تهاون ولا كيفي ولا كيفك


ومشكوره عالموضوع

 

[عذآب إلـ أنآ]

أب

 

[محبوبه25]

رد : لاني ما خضع لقانون كيفك منووو منكم مثلي

مشكوووورين بنات عالمرور
فديتكم يا احلى كويتيات