لاعت جبدي

[كويتيه وافتخر]

السلام عليكم

اشلونكم حبيباتي كويتيات

سمعوا السالفه

انا فيني طبع تنبش بتلفون زوجي المهم شفت رساله مرسلها لربعه

ياشباب ترى انا مااحب هالسوالف لاتدزون لي ايميلات من هالنوووع انا اخاف الله في عيالي وحيلكم بالنكت والادعيه


المهم
الحمدلله انا زوجي محترم ادري
بس الفضول قلت باشوف شنو دازين له
وبصراحه اعرف ايميله

بطلت الايميل والا تقريبا 362 رساله
معظمها افلام سكس قذاره شيء مو طبيعي وصور حريم وعري وسوالف تلوع الجبد


واسامي المرسلين ربعه
واعرفهم يقعد معاهم

واحد منهم مطلق زوجي يموت عليه ودايم يسب مرته ويقول اهوا احسن منها
ودي ابطها بوجهه واقوله يخسي الفاسد مو مكفيه فساده حتى يبي يخربك


انا شسويت دليت لكل الرسايل

بس مقهوره
الحمدلله زوجي مايبطل الايميل ولا يعترف بالنت كلش ملش


بس هذولي الخايسين ربعه اكيد راح يسولفون له اكيد راح يجرونه لوساختهم مدري شسوي ودي ابعده عنهم

بس مو بيدي مو بس ربعه عيال حارته يعني عشرة عمر فوق العشرين سنه من كانوا صغار
موانا اللي اقدر ابدل ربعه


جان زينه ربعه كلهم دينين ومحترمين علشان ارتاح

مدري اشرايكم ؟؟

 

[ماني من الناس]

قوليله ابيك تبعد عن عيال الحرام ,,,,,,,,,,عشان محد يتأذى في علاقتنا

وشلي حادك عليهم ما تاخذ منهم غير الذنوب وابو طبيع ما يجوز عن طبعه خلاص

اهم كبروا وطبعهم جذيه والله يهديهم ,,,,,,,,,,وابعد عنهم منت بحاجه لهالاشكال

ش كثر الرجال الصالحين بالمساجد وانا لو ما احبك ما غرت عليك وما تمنيت لك الخير بالدنيا والاخره

 

[الباحثه]

الله يهديج انتي تدورين عوار الراس شكو تنبشين بتليفون ريلج شنو كنتي ادورين بضبط وشنو متوقعه تشوفين بالضبط
ويوم شفتي مسج ريلج حق ربعه ما رتحتي رحتي اتنبشين بالايميل لالالا اسمحيلي عيب عيب عليج
ريلج الحمد الله ريال يخاف ربه وصاين عرضه ماله داعي هالتصرفات اهو مو لدج عشان اتوجيهينه وتعلمين اهو احرص علي نفسه منج
اتقي الله في نفسج وزوجج وبيتج

 

[الأميرة الحزينة]

يعني اهو ماتأثر فيهم واهو ياهل ومراهق بيتأثر فيهم الحين عقب ماصار ريال وعييل .. تعوذي من ابليس الله يكمله بعقله ان شالله دوووم ويسخره لج ولعياله وبيته ..ونصيحه لج تركي عنج التنبش ترا ماوراه الا عوار الراس .. واذا درى ريلج بيقلب عليج وبيسوي هالشغلات بس عناد عليج الله لا يقوله .. بس اخذي هالنصيحه مني ....:tek: وعسى الله يوفقج

 

[ام شووووق]

رد : لاعت جبدي

سبحان الله اللي ربج هاديه هاديه

((وليس عليك هداهم انما الله يهدي من يشاء)) تدرين لو ريلج درى شنو بتكون نظرته لج؟

لاتشغلين بالج بهالسوالف واهو لو يبي يشوفهم جان مادز هالايميل لربعه

انتي تطمني ولا تخلين ابليس يوسولج

 

[كويتيه وافتخر]

رد : لاعت جبدي

مشكورين

بس انا التنبش فيني فيني وزوجي يعرف اني احب اقرى مسجاته ومعظم الوقت يكون ماسح مسجاته لربعه

بس اهوا مشترك بمسجات الخراز فانا اقرى فيها وشركه ثانيه دينيه اقرى فيها
وهم اعترف فيني غيره واخاف عليه احب اشيك من فتره لي فتره ادري غلط بس ماقدرت اغيره

انا همي ان ربعه اخلاقهم سيئه بالنسبه للي شفته ماابي يجي اليوم اللي يجرونه فيه للرذيله

 

[ميار2010]

الله يبعد عن زوجج عيال الحرااام

 

[كاميليا1]

والله التنبيش يضيق الصدر نصيحه لالالاتلمسيه

ماشاءالله عليه الله الهادي من نفسه هوردعليهم مايحتاج تنصحيه

 

[ابدا يالغالي مانساك]

رد : لاعت جبدي

حبيبتي هذا طبع بالشباب يحبون جذيه حركات ويضخكون ويا بعض وداام زوجج مو حاط بباله هالسوالف زين وهاي كاه خرابيط ومن فيه من شبابنا مايطالع هالحركات انا قوول لاتقولي لزوجج شي وبعدي عن التنبش مايب الاعوار الراس والمشاااكل يالغلا وربي يهديه ويسخره لج ومايشوف مراءه بحياته الا انتي ويبعده عن اصدقاء السو ياارب:33_1185028183:

 

[Tom ♥ Jerry]

رد : لاعت جبدي

.


أول شي آدعي ربج أنه يبعد عنهم و يهديهمـ !
بعدين ماشالله عليه زوجج مبين خوش وآحد و مآ عنده هالسوالف :/
يعني مآكو خوف عليه ان شاء الله .. :**

حآولي تقربينه من الله (=
يعني أول مآ يأذن قوليله يلا حبيبي روح المسيد !
خليه يقرا قرآن يتصدق يسوي اشياء زينه عشان قلبه مآ يروح حق المو زين (=


و الدعااااااااااااء ثم الدعاء لا تنسين هالشي ..
(=

 

[الكويت حياتي]

ابعديه عنهم انتي وشطارتج

 

[حرم راشد الماجد]

انا ضد التنبش ورا الريال


لان مثل ما انا ما حب احد يشكك فيني وينبش وراي انا بعد ما نبش ورا احد


وبعدين الواحد محاسب عن اخلاقه وسلوكه مو سلوك الناس يعني انا الحين لو وحده من رفيجاتي تدز لي ايميل ما يعجبني معناة هذا من حق ريلي ان يدخل بخصوصياتي


اكيد لا



واكرر انا ضددددددددددددد التنبش ورا الريال بأي امر

 

[اشتياق]

الله يهديه اكثر واكثر

 

["خانتني دموعي"]

رد : لاعت جبدي

عسالله يبعد زوجج وازواج االمسلمات عن الحرام وصحبتهم
استهدي بالله ولا تتكلمين معا زوجج بهالموضوع
وانتي عرفتي وجهة نظره ماله داعي الضيق
وعلى فكره الحرام والخراب موجود بكل مكان
بس الانسان الله يحفظ نفسه
وانتي ادعي له بكل صلاتج ان يبعد عن الحرام ويخليه لكم

 

[هاديهـ&مطيعهـ]

ماله داعي تكبرين الموضوع وتفطنينه بهالسوالف خلاص اهو داز حق ربعه المسج معناته كاره الشي ومو حابه ولاحتى فيه فضول يشوف باقي الايميلات ديري بالج تفتحين موضوع الايميلات ترى بيوسوس له الشيطان وبيفتح واحد واحد وترى على سمعت من أكثر من وحده زوجها يكون دين ويشوف هالمناظر مو شرط الديانه تمنع هالشي طوفي السالفه ولا كأنه شي صار ونصيحه مني لج اذا بتنبشين من وراه بتتعبييييييييييييييييين وبتلوع جبدج وبتكرهين حياتج وبتكرهينه فيج مهما كان كل انسان يحب الخصوصيه ومو من حقج تمنعينه من ربعه عشرة عمر معاهم بتفتحين عليج باب ماراح يتسكر

 

[الأميرة جوري]

رد : لاعت جبدي

صدقيني اذا بتنبشين را تتعبين ومادام انه ماتاثر فيهم وكل وحده تعرف ريلها اذا فاسد او صالح ....اذا صالح حمدي ربج ..انه مايهمه ...هالاشكال ...لاتعبين عمرج ....وطوفى وانسي اللي شفتيه ..ممكن تنصحينه كنصيحه اما تبعدينه اعتقد مستحيل

 

[Tutti-Frutti]

رد : لاعت جبدي



الله يهديه ويوخره عن اصدقاء السووء

وتركي عنج التنبش
خلاص عرفتي زوجج انسان زين ومحترم وعارف اهو شنو قاعد يسوي مو ياهل

 

[eman84]

يعني اهو ماتأثر فيهم واهو ياهل ومراهق بيتأثر فيهم الحين عقب ماصار ريال وعييل .. تعوذي من ابليس الله يكمله بعقله ان شالله دوووم ويسخره لج ولعياله وبيته ..ونصيحه لج تركي عنج التنبش ترا ماوراه الا عوار الراس .. واذا درى ريلج بيقلب عليج وبيسوي هالشغلات بس عناد عليج الله لا يقوله .. بس اخذي هالنصيحه مني ....:tek: وعسى الله يوفقج

كوكو ياقلي انا مع راي الاخت جملة وتفصيل

وعسى ربج يخليه لكم ويبعده عن درب الحرام يااارب واصحاب السوء

 

[شــغــب]

الحمدلله انه مو متآثر فيهم ولا همه هـلي يدزوونه . وإنتي قريتي المسج بنفسجّ

بس الله يفكه من هـ الربع ان شاءالله

ويهنييكمّ

 

[شوكلت هاوس]

يعني اهو ماتأثر فيهم واهو ياهل ومراهق بيتأثر فيهم الحين عقب ماصار ريال وعييل .. تعوذي من ابليس الله يكمله بعقله ان شالله دوووم ويسخره لج ولعياله وبيته ..ونصيحه لج تركي عنج التنبش ترا ماوراه الا عوار الراس .. واذا درى ريلج بيقلب عليج وبيسوي هالشغلات بس عناد عليج الله لا يقوله .. بس اخذي هالنصيحه مني ....:tek: وعسى الله يوفقج

كلامج مضبوووط

واتفق معاج بكل حرف كتبتيه

:eh_s(7):