لاعت جبدي وعندي دراسه ببجي ببجي ضغط ضغط

[كتكات احمر]

لااااعت جبدي والله بنتحر .. طلاق وتطلقنا انزين بكمل دراستي بجابل كتب بنجح بييب مجموع بكمل ماستر تكفون يااا ناس مستقبلي متوقف علي هالولد الدعله الدلوع الي مو متربي بهالبيت !!!!

ولد اخوي وبنت اخوي // دلع - قله ادب - عدم تربيه - لسان طويل - تنقل حجي وفتن - عناد

عمره 5 سنين تخيلو ؟!!! يعني المفروض احنا انمشيه مو اهو يمشينا !!

وامي ماسكه مسؤوليته من الالف الي الياء ودللللللع ....!!! حتى الحمام ماتقدر تروح

والام مثل ...... ووالله مادري شقووول :rgewrg: تطقطق بالكعب من طلعه الي طلعه

متنااااا متنااااا ابوي من رد من السفر وهو برا البيت ما ارتاح واذا قعد جابل امي وتكلم معاها

قرقره ولد اخوي ماتخلص قرررررقه مايعطي احد فرصه يتكلم طق طقينا زف وزفينا ماكو فايده

والام () مابي اقول كلمه عوده / بس امد ايدي اطقه اتيي ركض ولدي ولدي وتلمه اي ولدج اي

بطيخ امي الي مربيه وامي الي تعبانه () مابي اقول كلمه عوده بس صج تعبناااا بمووت بمووت

وبنت اخوي الصغيره لساااااااااان امبيه لساااان اول مره اشوف بنت جذي بوقاحتها تقولي انا مو

قاعده اكلمج انا اكلم يدتي @@ واذا يه الغدا الام تتشقق وي ياحلاة ولدي قاعد يمي ههههههه

مسخره من الغيره تغار ليه يه قعد يم امي الي اهي يدته الحمدالله والشكر وييييييع تخلف

ابي حل ابي حل راح اموووت من الوضع ابي ادرس شنوو خلفناهم ونسيناهم :rgewrg:

 

[Tom ♥ Jerry]

,



شكو مآ يخليج تكملين دراستج و عمره 5 سنين !
تقدرين تكمليها اهوة شكو يعني /:

بعدين خل آمج تكلم آخوج عشان يكلم مرته
تمسك بيتها و عيالها و تجآبلهم شوي

و اذا آخوج مآ تكلم كلموها آنتوآ
مآيصير جذي يظلون اليهال بعدين يتمردون آكثر ترا
لازم الام تجابل شويييي

 

[تحت ظلك]

الله يعين .

 

[ريما الهاجري]

احسج مهوله السالفه الله يهدييييييييييييييييييييييييييييج كل الجهال جذي بس انتي ماتحبين مرت اخوج ولاموسالفت الجهال ودراسه

 

[كتكات احمر]

مو سالفه ما احبها بس دلع زايد اي شي ما نعطي يقعد يبجي جنه ميت له ميت وصرااخ مو طبيعي من الصبح الي الليل اضطر اسهر عشان بليل الوضع هدوء ويسكت ويخمد

امبيه مو طبيعي الولد محتاج طب نفسي صراااخ مو طبيعي

انكب قلاص الماي علي الارض راح يركض ويبجي بجي مينون

امبيه خلاص والله تعبنااا

 

[كتكات احمر]

الام مالها خلق تجابل تاخذ عيالها الهادين الي مالهم حس وتعطينا العوب

 

[كتكات احمر]

مو مسؤوليتنا صراااحه مو بس انه الولد عندنا

الولد مو متربي لسان طويل وماكو احترام

 

[ميـريام]

عيال هالوقت لوووعه وامهات هالوقت مرررض الا من رحم الله

الله يعينج حاسه فيج والله

 

[كتكات احمر]

ويطق الكبير والصغير ويبي اوامر تتنفذ بالحرف

 

[قطوه بيضاء]

حاسه فيج ياقلبي

 

[زوجة عزيز]

الله يعينج صاجه محد ايحب الحنه ولا احد يقدر يركز على شي وسط هاللويه والصراخ والحنه الله يوفقج بدراستج

 

[فرح يوسف]

لاتبين لهم انج مضايقه من لويتهم وصراخهم استحملي

وقت دراستج روحي برا البيت ودرسي رفيجاتج اقرابج اي شي

 

[قاهره عذالي]

هي الوحده بعد الطلاق

تصير حساسه وشوي متحطمه نفسيتها وتعبانه

محتاجه لهدوء ترتاح فيه

وجو شوي بعيد عن المشاحنات والازعاج

اللي تمرين فيه طبيعي انج مو طايقه الاذيه بأي شكل

كنتي ببيئه مافيها جهال وازعاج

شقتج مع طليقج كانت فاضيه وهدوء

اكيد قبل لا تزوجين كان ببيت اهلج في ازعاج ومغثه و سوالف

بس لانج الحين مجروحه ومن داخل مشحونه من اللي صار لج من طلاق

ماتحملين اذيه لو من نمله وتحسسين من اي شي ومن اي كلمه

هذي فتره وتزول

اول 3 شهور بعد الطلاق حزن وال3 شهور اللي وراها غضب وتذكرين مواقف الظلم اللي صار عليج من الزواج بقهر وعقب 3 الشهور اللي وراها شوي شوي تقبلين اللي صار لج ووضعج الجديد

يعني 9 شهور وتروح عنج اثار الطلاق النفسيه

وترجعين من جديد قويه وتحملين الحياة من جديد


والله يعوضج

 

[صحكة الايام]

نزلت موضوع وووين راح لقيت زوجي يشوف مقاطع

 

[Abla.mariom]

اهو طفل صغير !

٥ سنوات عمره

أكيد بيتدلع

لا تحطين عقلج بعقله

كلميه بالسياسة بينفع وياه

و البنت اذا طولت لسانها احقريها

جاهل سفيه احقريها :/

و امج لو مؤ مستانسه على الولد جان ما خلته عندها الله يخليها لج

الدنيا ما تسوا هدي هدي بعد عمري

و عيال اخوج حببيهم فيج

عطيهم كاكاو حلاو

لا تزفيهم سايسيهم

و الله يوفقج و يعوضج خير

 

[عادت ذكرياتي]

الله يعينج


مشكلة إذا كانت الأم باردة وتاركة مسؤولياتها



من رايي ::ييبيلهم هدية أو عطيهم شي يلهون فيه سوويلهم مسابقات لعبيهم وقعديهم معاج خليهم ياخذون من طبعج



وحاولوا تبعدون البنت عن مجالس الحريم

 

[مودي كويتي]

كلام قاهره عذالي صحيح 100% وكذلك لاتعطين الجهال وجه معليش عيال اخوك بس حاولي لاتتحملين مسؤليتهم يمكن امهم تحس شوي

 

[منـــاي]

الله يعينكم

بس ترا مالج حق تمدين ايدج عالياهل حتا لو امج مربيته

انا لو من الام واشوفج تطقين ولدي جن دست ببطنج

 

[الهما]

حبيبتي بكون واضحه و صريحه معاج...
الولد قرقه : he is 5 على قوله الاجانب
هذا شي زين ان طفل طبيعي و يسولف حبيبي وين المشكله!!!!؟؟؟؟

البنت وقاحه !!!!!!!!!!!!!!!!!!!! .......كاتبه انها صغيره.... لمن تقول قاعد اكلم جدتي ما اكلمك ..بالنسبة لطفله هذا رد ذكي بدايه بناء شخصيتها ......ابدا ما شوفها وقاحه.... لمن تصفينها بالصفه هذي فالمشكله عندج.....


مرة اخوج لمن تخلي عيالها عند خالتها و عيال اخوج متعودين على جدتهم اللي اهي امج ..هذا شي زين الاحفاد الحين صايرين اغراب يستحون من جدتهم خاصه الجده من طرف الابو ...

شكلك ماره بمشكله و حاطه حرتج بالاطفال .....

حبيبتي نصيحه اذا عندج اخ او محرم تمونين عليه روحي عمره يومين ... و اذا بتدرسين روحي غرفتك او مكان هادي درسي.... ولا تخربين علاقتك بمرة اخوج و احتوي عيال اخوج

و الدنيا حلوه
اتمنى لك حياة سعيده و موفقة بدراستك :eh_s(17):​

 

[غلآإهآ]

أمممم ممأدري:\!

أحس ان الموضوع غلط:؟

يعني مو لهدرجه مايخليج تدرسين .. انزين ادرسي برا البيت .. او غيري مكان دراستج اي شي..

والولد حرام صغيير! صح الدلع مو زين وخصوصاً على الصبيان يخربهم .. بس انتي حاولي تغيرين فيه

قبل مايكبر ويخرب ..