لاعت جبدي بس خلآص !

[juice]

السلام عليكم

بنات تحيدون موضوعي

( ابي اتزوج ابي اتزوج !! متىى ؟ )

http://www.q8yat.com/t774248-5.html

نسيت اقولكم هاذا يوزر للمشآكل لول

المهم طبعا من دعاويكم الحلوه انخطبت والحمدالله وهو من اهلي

طبعا هاذا مو موضوعي الاسساسي

موضوعي وهو اني مليت من الدراسه صدق خلاص لاعت جبدي وابوي ماعنده مانع اني اقعد بالبيت

بس ابي اقنعهم يعني اكيد بالاول راح يعارض بس ابي طريقه اقنعهم

صدق انا ما اشوف نفسي بالدراسه واصلا مو فالحه

اروح المدرسسه اتعذذب وارجع البيت كل يوم على هاذا الموال

وفوق هاذا المدرسسه صراحه تقلل عندي الوازع الديني :eh_s(1):

يعني لو يلست فالبيت افضل لي من الناحيه النفسيه والدينيه من صدقي ترى !

يعني راح يكون لي وقت اكبر اني اقرى القران واحفظه صلاة الظهر ماراح تتأخر او تتطوف ووايد اشياء صراحه

وفوق هاذا خطيبي مايباني اكمل الدراسه الجامعيه واصلا انا من زمان مقرره مااكمل الدراسه الجامعيه

للعلم انا بقالي هاذي السنه واليايه راح اتخرج

وانا لو يلست فالبيت مو معناته اني راح اوقف تعليمي بالعكس راح اروح معاهد واتعلم بنفسي

بس مدرسسسه لآلآلآلآ ,,

ونحن عايلتنا الحمدالله مقتدره ماليا

ومادري قررت اتعلم المكياج وخبرت امي وشجعتني

كل اللي ابيه كيف افتح الموضوع مع الوالده مع اني بديت المح لها وهي تعرف هالشي

بليز ساعدوووني

 

[juice]

up

up

 

[متوفيه امس]

الحمدلله

ومبرووووك الخطبة

ومو شرط انج تكملين دراستج > خليج بالبيت ..دامج شايفة ان المدرسة مو زينه

والله يوفقج ​

 

[بالروح احساس]

اللي تشوفيينه بس استخييري اوول

 

[زبــــــــدة]

من صجج

الدراسه اهم شي بالهوقت ..ولازم يكون عندج شهاده !!!

وخل يكون عندج طمووح ... حرام تقعدين بالبيت ..راح تتحسفين وااايد


والله يوفقج

 

[رجااوي]

والله الددراسه اهم شي وبعدين تقولين كلام صح !

 

[Maybe_87]

أول شي مبروك ع الخطوبة
وحبوبة حتى لو الحمد لله مقتدره ماديا
بس الشهادة عز وذخر بهالزمن
واللي ما عنده شهادة ما يسوى شي

صدقيني ما تدربن بعدين مو بعايرج بمستواج الدراسي
ضغطي على عمرج بس هالسنتين وييلي اي نسبة
بس المهم عندج شهادة

وربي يوفقج بالزواج والدراسة

 

[athory]

كملي الثآنوي ع الأقل
و إذآ ع الجآمعه ~ إلى مآ تتخرجين إن شآء الله تغيرين رآيك

 

[! FABULOUS]

لا تتركين الدراسه !!!!
اغبى واخطر قرار بحياتج راح تاخذينه اذا تركتي الدراسه

 

[Beautiful soul]

حرام سنتين وتخلصين قسم بالله قهررر
اذا كلش مالج خاطر وقفي الكورس الجاي ارتاحي وعقب كملي صدقيني بتحسفين
الشهاده اهم شي بهالوقت الحين اللي مو مكمل رجع يكمل دراسته وانتي باقي لج سنتين

 

[silence]

لا يااختي لاتتركين الدراسه حرام
عليك ماباقي الا سنتين ووتتركينها والله انك اذا تركتيها راح تندمين قد عدد شعرك لانك الحين صغيره مو حاسه يخطورة قرارك تعوذي من ابليس وكملي دراستك ماراح ينفعك بعدين بعد الله الا شهادتك

 

[Queen N]

دام باجي لج سنه و تتخرجين .. تحملي شوية و ع الاقل كملي الثنوية
وبعدين تفرغي للمكياج و الزواج
لا تنسين باجر ايونج عيال لازم غير انج تربينهم لازم تدرسينهم و تعلمينهم
و حتى الريال لازم يحس انج مثقفة و متعلمة مو جاهلة
و سمحيلي ع الكلمه بس باجر بتفتشلين تقولين جدام عيالج انج ما كملتي مدرسة !!
والشهادة سلاح حتا للمقتدر ولا جان ما شفتي عيال الامراء و الملوك كملو دراسات عليا

 

[رويلتي]

الف مبروووووك يا قمر

شوفي الحين الريال طاير فيج في البدايه

باجر مع الوقت بيتعود عليج وتخيلي يضطر في يوم يحصي ايجابياتج وسلبياتج في ورقه

ويحط من سلبياتها ما عندها شهاده !!! ترا بعد الزواج والتعود تتغير الامول والانثى لازم تكون

لريلها مثقفه متعلمه دلوعه شطوره ذكيه لماحه خليها عندج لا تشتغلين خلصيها شوي شويحبه حبه الله يوفقج

 

[ابدا يالغالي مانساك]

غلطاااااانه الدراسه اشوفهااا سلاح للمراءه
حتن لو تزوجت بااااجر اتفيدها اقل شي مخلصه الثانويه
وعلي راحتج بعديا تبين تدشين جامعه معهد
كيفج
وتعالي هنيه من منا مالاعت جبده من الدراسه ام امه اللي مالاعت جبده ونغث
لاكن صبرنا ونلنااا شهداتناااا
والايام تمشي ماتدرين الا هالسنه رايحه
عليج انتي مارااح تندمين الحين لا راح تندمين عقب جم سنه وتتحسرين لاشفتي هذي بنت عمج شنو صارت وهذي بنت خالتج وغيرها وغيرهااا
وانتي تاركه ددراستج راجعي قراراج واتمني من قلبي ابوج يرفض طلبج

 

[sosowaty]

اااااب

 

[غرور الريم]

مع كلام خواتي اهم شي الشهاده انتي ع اقل كملي ثانوي كلها سنه منتي بخسرانه شي
وبعدين راح تندمين انج ماكملتيها

 

[تُخْفِي غَلَاها]

,’


لا اله الا الله
اول شــــــي الف مبــــــروك عـلى الخـــطبه والله يــتمم عليج حبيبتي
من وجهت نظـــري انا اشــــوف اكـــبر غلــط توقفــين دراٍســــه لاني اهــــــي
( ســـلاح المرأأأء)
ومــــــــــدمها سنـــتين تهـــــــــون فــديــتج
الله يكـــــــــــــتب لـــج الي فــــيه الخــــــــير حبيبتــــــــي

,’​

 

[بتول الرياض]

الف الف مبروك الخطبة والله يوفقك يارب وجميع بنات المسلمين

 

[*الهنوف*]

اكبر غلط تخلين دراستج
اللي فيج ضغط دراسي كلنا مرينا فيه
وحرام انتيً قطعتي شوط كبير مابقي لج شي

بليز لاتغلطين هالغلطه وكملي

والف مبروك عالخطبه وربي يبارك لج

 

[انا لها شمس]

بعدج يااهل وقرارج مبين قرار وحده مطﻳﻮﺭﻩ

منﻭ
و اليونم ماعندها شهاده ع اﻻقل رابعه ثنووﻱ

راجعي نفسج وكبري عقلج
ابسط شييييي شنو موقفج اذا عيللج يبونج تدرسينهم وماتعرفين
والله عار