لاصفــــــــــي القصــــة

[لآلــئ]

السلام عليكم..
ويعطيكم ألف ألف عافية
وعسااكم عالقوة انشالله وبالأخص المعلمة القديرة إلي بصراحه تتحفنا بأفكارها العجيييبة : أبلة نيرو
أنا من عشاق هالمنتدى بصراحة لما فيه من ثراء علمي وأدبي وأخلاقي ومهني
الصراحة أنا تعيين يديد توني مداومة من اسبوعين وحدي متخوفة
وسلمتني المشرفة الفنية مشروع اللاصفي للقصة
يعني توهم مفضين فصل ويبون يخلونه اللاصفي للقصة يعني مثل ماللمرسم فصل بروح واللبيئة والثقافي والعلمي فصل بروح بيسوون للقصة أيضا فصل والفصل إلي سلموني إياه مافيه ولاشي فاضي غير الستاير والبلاط
الله يخليكم ويرضى عليكم ياليتكم تساعدوني
أبي أفكار حق اللاصفي (القصة) وشلون أسوي الديكورات والأشغال الفنية واليدوية
لا تحرمووني من أفكاركم وابداعاتكم الرائعة
أنا بإنتظاركم وبإنتظار أفكاركم
ومشكوووووورين::33_1185028183:

 

[*أبلة*]

انتي بروحج مكلفينج حق هالمهمة ؟؟؟

 

[*أبلة*]

قوليلي حجم الصف تقريبا

وجم لوحة حائط موجودة وشكبرها تقريبا

 

[لآلــئ]

مشكورة أختي على مرورج
ولا والله أنا ومعاي معلمة ثانية بس باردة حيل ومالها خلق حق شي
وتقريبا الغرفة حجمها 5 بخمسة
وماعليها لوحات حائط كلش
خااالية
ويعطيج ألف عافية ولا تحرمينا من أفكارج

 

[*أبلة*]

انزين حبيبتي

انا بزهب لج جم شغله

وبحطهم لج

بس عطيني وقت شويه

 

[المستغفرة 74]

غريبة القصة لها غرفة خاصة.؟؟؟
معروف ان القصة نشاط لا صفي غير مقيد بمكان معين مثلا انا احب انوع بتقديم القصة مرة بالحديقة ومرة بركن المنزل ومرة بركن الرمل.
بس عموما الغرفة الي تبين تجهزينها للقصة لازم تكون مفروشة موكيت لان الاطفال اذا اعجبتهم القصة ممكن انهم يتسدحون.ولازم تكون الصبغة مريحة والوان مبهجة وبنفس الوقت تكون الوان مريحة للنظر مثل بنفسجي هادي وردي هادي ممشمشي .
وتكون فيها ايضا ستاندات لوضع مناظر القصة .
ومسجل وجهاز العرض العلوي.
وتكون بها خزانة متوفر بها الملابس المختلفة لتمثيل الفصة (ملابس اب ام ملابس شعبية ).
اما الطوف فحطي فيها مناظر لقصص المكبرة (من رايي المفروض ما ينحط فيها شيء لانها راح تشتت انتباه الطفل.
وحطي بعد هدفونات لركن الاستماع.
وسوي فيها ركن لمشاهدة مناظر قصة .وعمل البوم للقصة وشخصيات القصة .
وسلامتكم .

 

[لآلــئ]

مشكورة حبيبتي تفاحة ويعطيك الف عافية
وأنا بإنتظارج يا أحلى أبلة وعساج عالقوة
وعلى فكرة ياتفاحة ترى انا توني تعيين يديد وماعرف حتى شنو يعني البوم قصة سوري بس ياليت توضحونلي زيادة لأنيي ميييييييييييييييييييييييييييح
ومشكوورين

 

[معلمة شيسمونه]

اذا في امكانيه حاولي تخلين على الحائط صور مكبره تحكي قصه

يعني صور منسقة في كل صوره ينظر فيها الطفل يرى قصه

وتكون رسوم لقصص معروفه ومختلفه

صدقني بتكون شييييييييييييييي

 

[المستغفرة 74]

حبيبتي لالء البوم القصة يكون عبارة عن البوم صور عادي وسلة بها مناظر للقصص اوشخصيات القصص ويقوم الطفل بترتيب هذي المناظر بالالبوم.وبس واي شيء انا بالخدمة

 

[لآلــئ]

مشكووره تفاحةوماتقصرين
وشدعوة أبلات
ليش باخلين علي جذي
عطوني أفكار ديكوورات
وانا بإنتظارج يا أبله
بليييييييييييييييز لا تخيبون ظني!!!!

 

[*أبلة*]

سامحيني أخيتي تاخرت عليج

مثل ما قالت لج تفاحه الكويتيه

وانا بعد يبت لج مجموعة من الصور اتمنى تفيدج بتعليقها على جدران اللاصفي

في بعض الصور حطيتها مثل ما اهي

وبعض الصور ركبت لج عليها لوحة للكتابه عليها

مثلا .. اسم القصة .. اسم الفصل والمعلمة .. الخ

وتقدرين تخلينها خلفيات لعرض مناظر القصة لو كنتي تبين تعرضين مناظر

هذا الرابط

http://dc159.4shared.com/download/141244702/3dc85628/story.doc


ولازم يكون موجود مسرح عرايس



كورنر او مكان تميزينه بديكور يشد الطفل ويكون مجهز لسرد القصة




وركن للتمثيل مثل ما ذكرت أخيتي تفاحه




* * * * *

انا يتروالي ان لاصفي للقصة هذا مبتكر من ادارتج نفسها

والا جان سووه نادي لغوي ويستخدم لاكثر من غرض بدال ما اخليه للقصة فقط

لان فعلا مثل ما ذكرت تفاحه ان القصة مالها مكان معين

بس انا حاولت اساعدج وان شاء الله اكون قدرت اسوي لج شي بسيط













​

 

[لآلــئ]

يا بعد عمري والله
مشكورة والله يجزاج ألف خير
ويا بنات ما عليكم أمر اذا في وحده عندها فكرة حلوة حق صبغ الغرفة أو رسومات معينة ياليت تفيدني فيها
وعسااااااااااااكم عالقوة انشالله

 

[*أبلة*]

الصبغ اختاري الوان هادية مثل لون الكيوي والا التفاحي

وخلي كل ركن رسماته تعبر عنه

ونصيحة الرسومات خليها على خشب

علشان اذا بغوا يغيرون الغرفة والا يصبغونها

الا اللوحات تقديرن تشيلينها وما تتحسفين عليها

واذا تبين رسام بلغيني​

 

[kajool_80]

الله يعطيج ألف ألف عافيه على هالصور

 

[لآلــئ]

الصبغ اختاري الوان هادية مثل لون الكيوي والا التفاحي

وخلي كل ركن رسماته تعبر عنه

ونصيحة الرسومات خليها على خشب

علشان اذا بغوا يغيرون الغرفة والا يصبغونها

الا اللوحات تقديرن تشيلينها وما تتحسفين عليها

واذا تبين رسام بلغيني​

تسلميييييييييييييين والله
لا خلا ولا عدم يا بعد عمري
والله يخليج ولا يحرمنا من ابداعاتج
ومشكووووووووووووورة

 

[*أبلة*]

الله يعطيج ألف ألف عافيه على هالصور

الله يعافيج

وانتي بعد اذا تبين اي شي او صور معينة

بلغيني

 

[remoo_007]

اب اب

 

[doweha]

شوفي حبيبتي لازم تقسمين المكان الي اركان ركن للتمثيل واكون فية ملابس واكسسورات وشعر ولحية وحقيبه للتمثيل وركن لسرد القصه واكون فية استاندات للقصه وللمناظر المكبرة بحيث توضع داخله واكون عندجج ركن القصص الى اهو مثل الاستاند وبداخلة مناظر مكبرة ركن للمحسوسات واهى مسرح عرائس وعرائس وركن نفس السينما اذا عندكم داتا شو وركن للمسابقات وخلف كل ركن اشياء تعبر عنة الله اوفقج انشالله

 

[لباسه اللولو]

جزااااااااااااااكم الله خييييييييييير كل وحده عطتنا معلومه وياليت الي عندها معلووومات تفيدنا عساها بميزان اعمالكم قولوا امين

 

[لآلــئ]

عساكم عالقوة انشالله
ويعطسكم ألف عافية لا خلا ولا عدم انشالله