لازم تكونين كشخه ولا الموضوع بالنسبه لج عادي ؟؟ !!

[سلمى الخير]

صارت عزيمه

او يمعت صديقاتكم

تتزهبين لها

او تاخذين الموضوع عادي

يعني


بالامانه

يهمج تكونين نجمة الموجودات

ام اهم شي تكونين مرتبه وبس

وارد واقول للامانه

بنسمع رايج

وخطواتج

واذا في تعليقات من الناس هم مو مشكله تذكرينها:dddds:

بمعنى

هل صارت الكويت لبنان الثانيه

ام لا

والي مايعرف شعب لبنان

اهو الشعب الي كل معاشه ع الكشخه

بانتظاركم اكيد

 

[جنون العاطفه]

مدري كل وحدة حسب ستاااايلهاااا وشتحي يعني في بنااااات يحبوووون يكونون مميزين تهتم بكل شي ولازم تكون اكشخ وحدة وفي بنات يحبون البساااطة كااااشخة بس الكشخة النااااااااااااعمة وبنااااات اهم شي تكون مرتبة موضروي شي يلفت النظر
وبنااات ماتهتم عاااادي تلقين لبسهاااا داااااايم عااااادي

كلهم بنظري شي طبيبعي
يعني انتي شوفي شنوا ينااااااااسبج ولبسي شنوا تحبين ولبسي حتى لو بسيط اهم شي اللي ينااااااسبج

 

[لؤلؤية]

والله ياقلبي

ما اعتقد انه شعب لبنان كان سباق لحب الكشخه مثل دول الخليج

فانا اشوف انه دول الخليج بالاول ولبنان وراهم..ما ادري على اي اساس صار لبنان الاول...!!!

خاصة انه الامكانات متوفرة عندنا...سواء كان لبس او سيارات..او سفر...او بيوتنا

حتى كلامنا صار كله مباهاااه ومهايط :dddds:

و.......

ارد على سؤالج شي طبيعي اذا فيه يمعه او مناسبة صديقات او اهل لااااااازم وحتما احرص اني اكووون لابسه لبس حلو ومرتب ومتناسق...وحاطة مكياج..ومتعطرة ومتبخرة ..و.....هم مو شينه لو اييب معاي طبق حلو >>>مو قلنا نموت على المايط :ggdw:

 

[قـہۈه فـرنسيـہ™]

موضووووعج حلو...

بصراااحه ...على حسب الضيوف...اذا دايم أشوفهم (خوالي -عمامي) بالعكس أكون بطبيعتي...حتى أقعد ببجااامتي

أما اذا ناس مايزورونا الا بالمناسبات ... أو حتى جاراتنا ...أكيد لازم اتزقرت عندهم...على حسب المناسبه أحدد كشختي أووووفر ولا بسيط ...وأنا بطبعي أحب أحط مكياج داااايم حتى بالكليه ........

تحيااااتي

 

[*رتوووووجة*]

بالنسبه حق الدوام احب اكون مرتبة وانيقه بحدود البساطه لانه دوام ...




بس بصراحه في الحفلات ويمعات رفيجاتي والعروس احب اكون مميزة ونجمة الحفل ​

 

[غزلان]

صراحه صراحه
مجنونه كشخه انا يعني اذا في عزيمه ولا جمعه ازهب قبلها بيومين واذا ناقص شي اركض السوق اشتنريه
وحتى لو كنت مفلسه ومامعاي فلوس اتسلف عشان اشتري اشياا اكشخ فيهم
والله صار هاجس مرات عادي عندي ماكل بس اهم شي البس واكشخ
ويهمني حييييييييييل اكون بارزه بين الموجودات يعني اخب عمري حيل
جان زين ارقتنع يااحلو البساطه

 

[أساور]

البس اللي يريحني
يعني ممكن اروح اليمعات بجينز
لانهم عارفيني ومو اول مرة يشوفوني

 

[(كويتيه عسل)]

بنات الكويت يعرفون الكشخه قبل لا يعرفون لبنان

وشمعنه ذكرتي لبنان!!!!

اذا علشان مصممينهم ترى مصممينهم تغربوا واشتغلوا برا وبعد ماانجحوا ردوا ديرتهم وسوولهم محلات

والحمد الله احنا في الكويت عندنا مصممين اسسووا روحهم من ديرتهم مو من برا

ومصممين الكويتين صكوا على المصممين لبنان

واستغفر الله ياربي اغلب بنات لبنان عمليات تجميل حتى صاريين يشبهون بعض

ويشربون شيشا ويدخنون ماابي اكمل الله يستر عليهم

بالنسبه للكشخه

ايه انا احرص واحب اكون نجمة الحفلة او العزيمه

اول شي لازم اعرف متى العزيمه وبأي يوم ووين بتكون

وشنو المناسبه ومنو بيي <<<<<<<هذا اهم شي

بعدين احدد البدله والمستلزمات مثل الجوتي عزج الله والجنطه والاكسسوارات

اما اروح السوق واشتري كل شي يديد أو

بدله ولا مره لبستها وتلوق للمناسبه أو بدله محد شافها علي

أو ساعات اكرر البدله ماتفرق عندي

واذا ناقصني شي او ناقصد البدله شي اروح اشتريه

بعدين اشوف الميك آب والالوان اللي يلوق على البدله واشوف اذا انا بحط الميك آب بالبيت او احطه بالصالون
واذا يبيلي حف وهالسوالف


واحدد العطور والبخور واذا العزيمه مناسبه اروح اشتري هديه


وفي يوم الحفله او العزيمه اتزهب قبلها بساعات وبس

 

[سارونهh_a_z]

الكشخة والاناقه شي مهم وظروري والوحدة دايما تحب تكون مميزة ونجمة الحفل


وانا عن نفسي كنت احب اكوووووووووووووووووووووون مميزة حيل وملفته وغييييييييييييييييييير


ودايماااااااااااااا احب الفناتق والشغلات الملفته والغريبة


بس من عيون العالم


والامراض اللي تحوشج فجأه عقب الاعراس والعزايم


قمت احب اكوووون نورمل وطبيعية مو اووووووووفر


النعووووووووووووووووووووووووووووووووووووووووووووووووووومة اهم شي:tek::tek:

يعنييييييييي الزبدة ماقمت اختب اخذ الموضوع عادي​

 

[el3aNoOoNa]

بصراحة انا اهم شيء اني اطلع بشكل نااااااعم ماحب الكششخة الزايدة والخبة احب النعووومة احب الشيء الي يزيد نعومتي نعومه من غير تكككلف

وفعلا هاذا الي قاعدة اسمعه لي شافوني دايما يقولولي واااايد شكلج ناااعم =) واحس هالكلمة عندي احلا من كنتي كشخة ولا اي شيء ثاني

 

[Lemon Juice]

والله اهو يعتمد على حسب المكان و الحزه

انا بالنسبه لي أهم شي شكلي يكون مرتب و مقتنعه باللي لابسته

أكشخ بس انا معروفه بالبساطه

يعني من إييبون سيرتي بالهدوم على طول يتذكرون اللبس البسيط

حتى إذ كشخت كشخت .. لاازم تكون الكشخه مايله للبساطه

و بصراحه قدوتي باللبس اهما الاجانب

ذيك المره حلقات برنامج اوبرا كانت عن طريقة اللبس وشلون الوحده تختار لبسها

شي راقي و مرتب و الالوان هاديه

جان زين بنات الديره جذي

قواج الله اختي خووش موضوع

أحب هالمواضيع

 

[أم سالـمـين]

احب اكوون ناعمه وكشخه بنفس الوقت

ما احب الخبه اللي مالها داعي

شكرا لج غاليتي

 

[زبــــــــدة]

اكييد اتكشخ واحب اكوون احلى وحده

^_^

 

[لا مو صج!!]

حبيبتي على حسب اذا كانت اليمعه عاديه ويصيرولنا البس بدي او قميص حلو مع بنطرون جينز او تنوره قصيره وحط ميكب ناعم يعني ما اكشخ زياده عن اللزوم ويصير شكلي ناعم ومرتب

بس اذا كانت عزيمه وناس وايد يايين وماعرفهم اهني احب اكون كاشخه اكثر من اللازم ​

على حسب يعني

 

[End Girl]

ماحب اخب روحي جنه عيد

اهم شي يكون لبسي انيق وشكلي مرتب

ويازين البساطه ..

ومن تواضع لله رفعه ..

 

[كوب حليب]

شوفي هذا الموضوع ما في رأي صح أو غلط كل وحده حسب شلون يناسبها .... يعني هذا الموضوع راحة نفسية بالاساس وشلون الوحده تحب تظهر جدام الناس وبعدين هذا شي فطري أنه الوحده تهتم بشكلها ومظهرها اذا مو علشان تعجب الآخرين نفس ما عند البعض علشان ترضي و تشبع هالشي حق نفسها أولا و أخيرا .... و بخصوص شكثر هالشي يكلفها ماديا هم هالشي يختلف من وحده لي وحده في ناس ما يهمها الماده مقابل الكشخة و التميز وفي ناس تشوف الشي كشخة واااايد وأهوه رخيص و بعيون الناس عااادي المسأله أذواق

 

[NoWay2know]

مدري كل وحدة حسب ستاااايلهاااا وشتحي يعني في بنااااات يحبوووون يكونون مميزين تهتم بكل شي ولازم تكون اكشخ وحدة وفي بنات يحبون البساااطة كااااشخة بس الكشخة النااااااااااااعمة وبنااااات اهم شي تكون مرتبة موضروي شي يلفت النظر
وبنااات ماتهتم عاااادي تلقين لبسهاااا داااااايم عااااادي

كلهم بنظري شي طبيبعي
يعني انتي شوفي شنوا ينااااااااسبج ولبسي شنوا تحبين ولبسي حتى لو بسيط اهم شي اللي ينااااااسبج

نفس رايها
+
كل وحده تمثل نفسها بالشكل اللي يناسبها

=

اهم شي يكون الشخص أنيق في كل حالاته


يعطيج العافية:68_asmilies-com:

 

[NoWay2know]

شوفي هذا الموضوع ما في رأي صح أو غلط كل وحده حسب شلون يناسبها .... يعني هذا الموضوع راحة نفسية بالاساس وشلون الوحده تحب تظهر جدام الناس وبعدين هذا شي فطري أنه الوحده تهتم بشكلها ومظهرها اذا مو علشان تعجب الآخرين نفس ما عند البعض علشان ترضي و تشبع هالشي حق نفسها أولا و أخيرا .... و بخصوص شكثر هالشي يكلفها ماديا هم هالشي يختلف من وحده لي وحده في ناس ما يهمها الماده مقابل الكشخة و التميز وفي ناس تشوف الشي كشخة واااايد وأهوه رخيص و بعيون الناس عااادي المسأله أذواق

نفس رايها:68_asmilies-com:

 

[:: Diva ::]

اكون مرتبه و لبسي متناسق و مكياجي توب
و ما يهمني اذا في اكشخ او ارتب ابدا مالي شغل باحد

 

[حناينq8]

انا احب الشي الناعم والراقي باللبس والميك اب
واكيد عزومه عن عزومه تفرق يعني الاستقبال استايلي فيه غير عن الزواره العاديه وغير عن يمعة الرفيجات

اكره شي اسمه خبه