لازانيتي بالصور .. والسر في الصلصة

[رفرف]

سلام يا حلوات ...

عندي طريقة لازانيا لذيذة سويتها من زمان برمضان وصورتها لكم وانشغلت ماقدرت انزل الصور ...
وانشالله اتعجبكم ...


اول شوفو الصور


هاذي صورتها بعد ما طلعتها من الفرن

وهاذي صورة جانبية

وهاذي صورة قطعة منها بالصحن قبل ما نقضي عليها

المقادير :
نص كيس لحم مفروم (انا استعمل لحم البقر لأنه اخف ومافيه دهن)
نص علبة لازانيا هونيك (لأنها ماتحتاج سلق .. استخدمت 12 شريحة حق ماعوني لأنه صغير شوي)
بهارات لحم
بصل مفروم
معجون طماط
شوي ثوم
صلصة البشاميل من ماجي + حليب
جبن موزاريلا
صلصة سباقيتي جاهزة
اوريغانو


الطريقة ..
1- اول شي تسوين اللحم مثل ما يعجبج .. انا طريقتي اول اغسله زين .. بعدين افوحه بماي خالي مع نص بصلة مقصوصة بعدين ارد اغسله واشخله واحمسه مع بصل وثوم وبهارات اللحم وازيد فوقه معجون الطماط والاوريغانو

2- اتجهزين صلصة البشاميل مثل ما مكتوب عليها .. بس تضيفين الحليب وتحركينها لا تتكتل وكمية الحليب والطريقة مكتوبة بالضبط على العلبة ..

3- تدهنين البايركس بصلصة السباقيتي .. بعدين اتصفين شرايح اللازانيا (طبقة وحدة) .. انا ماعوني كفا 4 بس ..

4- ترجعين تدهنين اللازانيا بطبقة صلصة سباقيتي .. وبعديت تحطين شوي من اللحم المفروم .. وفوقه طبقة خفيفة بشاميل ... (انا ارش فوق اللحم المفروم اوريغانو شوية ...)

5- ترجعين تكررين الطبقات : لازانيا ... صلصة سباقيتي .. لحم مفروم ... صلصة بشاميل .. الى ان يصير عندج 3 طبقات .. واخر طبقة تحطين البشاميل كله .. وبعدين ترشين فوقه جبن الموزاريلا وتدخلينها الفرن ..
وتطلع عندج احلى والذ صينية لازانيا ...

 

[keeka]

مشاركة: لازانيتي بالصور .. والسر في الصلصة

يه يه يه شنو هذا لازانيا يمي تسلم الايادي شكلها عجيييب

 

[السفيرة عزيزة]

مشاركة: لازانيتي بالصور .. والسر في الصلصة

يسلمو رفرف

صراحه
افحمتينا

تينن

المهم
اشكثر انحط حليب على البلشميل

مكتوب على العلبه و لا هذا من اختراعج

 

[رفرف]

مشاركة: لازانيتي بالصور .. والسر في الصلصة

خخخخ عزيزة لا مو من اختراعي مكتوب على الجيس اظن لتر حليب مع جيس البشاميل ...
جيكي على الجيس احسن ..

 

[Brounzi_girlly]

مشاركة: لازانيتي بالصور .. والسر في الصلصة

واي شهتيني تسلمين على الوصفة
مع تحيااااااااااااااتي........

 

[ام قوبي]

مشاركة: لازانيتي بالصور .. والسر في الصلصة

تسسسسام ايددج
الصراحه شي والصورره تشوق

 

[HASB_83]

مشاركة: لازانيتي بالصور .. والسر في الصلصة

واااي رفرف مشكوره وتسلم ايدج شكلها عجيب يشووووق بس ماحب اللحم

على طاري البشاميل عندي لكم صلصة البشاميل اختي كله تسويها عجيييييييبه .. لانه مره استعملت مالت ماجي ماظبطت!!

**المقادير :
3 كوب ماي
6 قفشات طحين
6 قفشات حليب بودر
3 قفشات جبن قلاص
مكعب ماجي + نق زبده كبيره + ملح وفلفل اسود

**الطريقه :
اول شي تذوبين الحليب والطحين بالماي لمن يذوبون شوي نحطهم على نار خفيفه او متوسطه لمن يذوب ونحط المقادير الباجيه بس الجبن لا ونخلطهم ... اخر شي نحط الجبن ونخلطهم عدل مع الاستمرار لمن تصير ثقيله

هاذي اتكفي الماعون البايركس العادي مو الصغير ولا المتوسط .. اللي على شكل بيضاوي

انشالله محد يعرفها عشان تجربونها واتمنى تستفيدون منها

وبلعافيه

 

[al7anona]

مشاركة: لازانيتي بالصور .. والسر في الصلصة

حسافه مو طالعه الصور

تسلم ايدج

 

[الرسيل]

مشاركة: لازانيتي بالصور .. والسر في الصلصة

تسلم ايدج حبيبتي شكلها لذييييييييييييييذة

و حرام عليج يوعتيني و انا صايمة

 

[رفرف]

مشاركة: لازانيتي بالصور .. والسر في الصلصة

شمعة الحب سوي ريفرش ترى طالعين الصور

هاسب .. (شنو معنى اسمج ؟؟)
والله ودي اتعلم صلصة البشاميل بس اخيتج رفلا مو ويه هالسوالف .. بحاول اسويها وانشالله تضبط

باقي البنات حياكم الله وبالعافية

 

[xxx]

مشاركة: لازانيتي بالصور .. والسر في الصلصة

وااااااااااااااااااااااو


رفرف بدعتي صراحه

شي
شي


مو أي شي


تسلم ايدج

 

[رفرف]

مشاركة: لازانيتي بالصور .. والسر في الصلصة

بنات جربوها ترى حدها سهله ولذيذة ولا تنسون صلصة السباقيتي اتينن معاها

 

[جارة القمر]

مشاركة: لازانيتي بالصور .. والسر في الصلصة

رفرف


يعطيج ألف عافييييه

ومشكوره

وتسلم ايدج

 

[jolie_q8]

مشاركة: لازانيتي بالصور .. والسر في الصلصة

يميييييي

تسلم ايدج

نفس طريقتي ..بس انا اسوي صلصتي بروحي

مشكوره على الصور الحلوه

 

[HASB_83]

مشاركة: لازانيتي بالصور .. والسر في الصلصة

خخخخخخ رفرف انشاءالله يصير لج خلق وتسوينهااا

واسمي الكل حايس فييييه
يبيله تفسيرر الحين خخخ

اول حرف من اسمي واول حرف من اسم الوالد واول حرف من اسم يدي الله برحمه واول حرف من اسم عايلتي خخخخخ

 

[أوركيد]

مشاركة: لازانيتي بالصور .. والسر في الصلصة

رفرف...

شهالإبداااع ...شكلها ينن

بجربها ان شاالله ...ودي اسوي لازانيا

سويتها مرة وفشلت فيها ,,,وماحاولت اعيدها

بس الحين ........يبيله

 

[السفيرة عزيزة]

مشاركة: لازانيتي بالصور .. والسر في الصلصة

مشكوره رفرف

بس تدرين انا بعد جربت الباشميل ما ضبطت معاي
بس بجرب ان شاء الله طريقتج
و ان شاء الله تضبط

 

[^^دموع الكويت^^]

مشاركة: لازانيتي بالصور .. والسر في الصلصة

ماشاءالله شكلها لذيذة .... تسلم ايدج


عاد ولا مره سويت لازانيا ودي اجربها

 

[رفرف]

مشاركة: لازانيتي بالصور .. والسر في الصلصة

عليكم بألف عافية ترى حدها سهله وخفيفة لأني ماحطيت زيت ولا شي مع حمسة اللحم وسهله انا بعد اول مرة اسويها

 

[كويتية بالغربة]

مشاركة: لازانيتي بالصور .. والسر في الصلصة

تسلم ايديييييييييينج
شكلها لذييييييييييذة