لآ زٍآد فيني الـכــٍـٍـٍزٍزٍن أڪتم { دمـٍوٍوٍعي وٍأوٍوٍّن !

[!! منــايــر !!]

لآ زٍآد فيني الـכــٍـٍـٍزٍزٍن أڪتم { دمـٍوٍوٍعي وٍأوٍوٍّن !
وٍ أقـٍوٍوٍل أبد مـآأبيڪ » وٍأذڪرٍرٍ هوٍوٍآنـآ و أכــًـًن ~ ​

السلام عليكم ورحمة الله وبركاته

شلونكم صبــايــا..

مالي عقب الله احد غيركم بنات ريلي متغير حيل صاير مايقعد بالبيت وانا معطيته طااااف مليت اقوله بسك سهر وعذره انتي تنامين

وراج دوام وماابي اسهرج وانا ماوراي شي ومومعدل نومي عشان جذي اسهر لاتصيرين معقده ونكديه هذا كلاااااامه دايمن

وهو طبعا يسهر لانه دوامه بس يوقع مره وحده ويرد ينام مضبط شغله


المهم مو هذي السالفه

انا قلت خل اجيك على فونه وانا اجيك دق رقم بيت استغربت لان الرقم من الجهراء واحنا بالاحمدي وريلي ماعنده معارف كلشششششش هناك

جان اسيف الرقم بفوووني وادق على الرقم ساعه مشغول بعدين ردت علي وحده نفسهااااا خايسه قلت لها وين فلااانه جذي طلعت اسم من عندي

تخيلوا من عوابتهاااا ماقلت ماعندنا او النمره غلط لآلآلآلآلآلآلآلآلآلآلآلآلآ

قالت شنو اسمها الكامل ولما اجاوبها تقول ايه ايه ايه باستهزاء
وتسال جم رقمها رفيجتج هذي جان اقول هذا اللي داقه علي قالت اييييييييييييه قوليه لي جان اقووول رقم وتقوووول لاغلطانه

احتريت وسكرت التلفون

وارد اجيك ع السجل والا القاها بين فتره وفتره ادق على ريلي ويدق ع البيت

ولما قعد من النوم دق الرقم وانا قاعده جان اقوله من رقمه هذا رد عليه قال ماادري ولااحب ارد ع ارقام غريبه

قلت غريبه من الجهراء جان يرد بعصبيه شدراج من الجهراء قلت 2481 بدايه الجهراء قال ايه ماادري

ماطولت السالفه معاه قلت خل اتاكد وماابي اخرب بيتي عشان وحده حقيره

وبنفس الوقت ابي اخذ بحقي

او ابي طريقه اعرف فيها بيانات عن تلفون البيت هذا

واللي حارني اشكره داقه من البيت


والله احترت شسوي ؟؟!!...

 

[للزين هيبه]

ياقلبي
ماعندج
دليل
ولا تبحثين وراه وتشغلين نفسج

خلج بنفسج
وهو كيفه

الله بيكشفه لــج

والله كريم

 

[سيدة الذوق]

ريحي نفسج وطنشي

 

[@الليدي لين@]

ماادري شقولج

بس لا تشكين فيه ,, يمكن اخو البنيه اللي يكلم ريلج ! ليش شكيتي بربلج على طول




الله يهدي ريلج ويوفقكم

 

[دمـــوع]

حسبي الله على الحريم الي تخرب البيوت
اسفهي وماعليج منه ولاتهتمين
ماارده بيعقل ويردلج
والله يهدي لج

 

[جـــواهر]

حبيبتي هذا مو فتح خط الجهرا
الجهرا 2455

هذل الفردوس والعارضيه هالطقه


ونصيحه طنشي طااااااااااااااف

ريحي مخج شتبين فيه يقابلج ؟

 

[[[ عيون جابر ]]]

لاتدورين وراه حبيبتي وتعورين قلبج

 

[ام الدرر]

كيفان والخالدية والشويخ بعد
انا عن نفسي ما احب ولا أأيد الوحدة تفتش ورا زوجها
صدقيني بتعيشين بدوامة كلما طلع بتفكرين وين رايح
وكلما دق تليفونه بتقعدين على اعصابج منو يكلم
وكلي امرج لرب العالمين وادعي الله يهديه
وصدقيني اذا يغلط ربج وبيفضحه وبيطيح بشر اعماله​

 

[sweet dashttya]

رد : لآ زٍآد فيني الـכــٍـٍـٍزٍزٍن أڪتم { دمـٍوٍوٍعي وٍأوٍوٍّن !

لا تعورين قلبج على الفاضي

 

[غزالي وبس@@]

لاتحرين عمرج ولا تنقهرين انتي ماعندج دليل عليه فممكن يقلب السالفه عليج حسبي الله ونعم الوكيل ببنات الحرام اللي يهدمون البيوت الله يسخره لج ويالف بين قلوبكم

 

[!! منــايــر !!]

قـــولوآآ آآآمـــــــــــين يـــــــــــــــاعل لاانفتحت اقبووركم يســـدووونهــااا بنـــات الحرااااام


فديتكم والله ردودكم شالت شوي من همي حسيت اني فضفضت اللي بداخلي


بس بنات صعب اذا انتي حسيتي بشي انج طنشين

امــانه انتوا تشوووفوون ان سهر الريال برا البيت لصبح شي طبيعي ولاتكلم قال ربعي كلهم متزوجين ويسهرون

وانا دايمن اقوله لاتنظر الى الهالك كيف هلك انظر الى الناجي كيف نجى بس عمك اصمخ


تخيلوا كل يوم نفس الحاله ينام الصبح يقعد ياكل يبدل يطلع ماله شغل لابيت ولاعيال


صحيح يصرف جمعيه وخدامه بسسس وعنده انه مومقصر علينا بشي وللامانه مخليني على راحتي اطلع واروح واللبس وكل شي


بنات حتى بالعلاقه الزوجيه صاير عادي مع اني ربي يشهد علي ينقالي مزيونه



ادري طولت عليكم بس ماصدقت افضفض وازيح الهم عن صدري

 

[الحنــونــة]

الرقم مو جهراوي
2481
رقم مناطق داخليه

 

[عذآب إلـ أنآ]

عسى الله يسخر لنا أزواجنا يآرب

 

[!! منــايــر !!]

اللي تعرف شلون اطلع بيانات الرقم تساعدني حرتني باسلوبها

ودي اتاكد واعطيه دررررررررررررس ماينساها عشان يتوووب ودي ابهذلهااااا عشان حتى اهو يخاف مني ويعملي الف حساااااب

 

[ام فوااز]

رد : لآ زٍآد فيني الـכــٍـٍـٍزٍزٍن أڪتم { دمـٍوٍوٍعي وٍأوٍوٍّن !

لاتفتشين من وراه اذا عنده سوالف ربج راح يكشفه اخذيها مني راح تشوفين كل شي جدامج من غير مادوخين راسج

 

[!! منــايــر !!]

طيب واذا شفت شسوي شتسوي الوحده اذا ربي كشف لها رجلها شنو التصرف الصح يراضيني واسكت ويرد يعيدها بعدين والا اطلق واهدم بيتي وعيالي

الله ينصرنــا على من ظلمنا

يارب تبعد عن ازواجنا فتنة بنات السوء وترد كيدهم بنحورهم وتشغلهم بنفسهم يارب

الله المستعان

مشكورين حبايبي ع الردود ومشاركتي همي

لاخلا ولاعدم منكم

 

[غروري بتواضعي]

حسبي الله ع بنات ابليس اللي مايخافون الله


شوفي حبيبتي اخذي الرقم ودقي عليه وان طلعتلج هذي خرابة البيوت

قوليلها شوفي تراني اعرفج وانتي تدقين ع الرقم هذا ( رقم ريلج )

وان ماحترمتي نفسج وصرتي عاجل ماتلومين الا نفسج واخليج بيزة ماتسوين

تراه ريال متزوج وعنده عيال شتبين فيه وشرشحيها وزفيها وسديه بويهها

والله حرتني حسبي الله عليها بنت ابليس خرابة البيوت

وريلج لاتطوفيله حبيبتي خليه يفهم انج تدرين بس ساكتة بمزاجج عشان يحسبلج حساب

ومايعيدها نعرف سوالفهم احنا وواجهييه ولاتخافين وخليج قوية