لآ جمآله مو اوفر مآ احسه يجذبني مآبيه !

[لاتينيـه]

الســلآم عليــكم ...
يمكن الموضوع تشوفونه تآفه بس شغله تحر وافكر فيهآ وآيد
رفيجتي مآ شآء الله حلوه وآيد ويتقدمون لهآ وجذي بس مثل مآ انتو عآرفين كل مآ الوحده كبرت بالعمر
خطآبهآ يقلون و كل رفيجآتنآ تزوجو واهي للحين تطلع بالوآحد مليون عيب وشروطهآ تعجيزيه
وعشآن اهي مآ تسمع الحجي وجذي وتسمع مني امس امهآ تحآجيني تقول لي حآولي فيهآ لي متى بتضل جذي !!
والمشكله كل انتقآدآتهآ ع الريآييل باشكآلهم !!!! اقولهآ الحين البنآت مو محصلين ريل زين واخلآق وانتي تقولين مو عآجبني
يعني مره لآ مآبيه متين ! مره لآ والله حده ضعيف ! ومره اسمر لآ مآبي ! ومره لآ ويي ابيض بيآضه مليق !
يعني تفكيرهآ تفكير وحده عمرهآ 12 سنه
واحنآ كلنآ ريآييلنآ عآديين مو ذآك الجمآل اهم شي الاخلآق والتوفيج
والاخت نآطره هيرتيك يمكن اييهآ
انآ حآجيتهآ بالموضوع بس اول كآنت ترد بعبط بس عقب جم مره لآ والله حسيت من صجهآ
قولولي شقولهآ وشلون اقنعهآ ؟ والله شآيله همهآ احس بيي اليوم اللي تعنس فيه
وتندم ع اللي تطوفهم وتضيعهم من ايدهآ عشآن سوآلف يهآل
تخيلو لي صآر عندنآ عرس فلآنه ولآ وحده من رفيجآتنآ
قآلت اهم شي حلو !!
واذآ لآ وآعليه تطيح بالبنت تحبط وتكرهآ بريلهآ تخليهآ مآ تشوفه
شي
يعني هآجسهآ الجمآل ! مع اني مآ اشوفه مهم للريآل
واللي يخطبونهآ ترى حلوين بس اهي تبي بيرفكت
مآدري انتو شتشوفون

 

[جـــواهر]

كيفها باجر لافاتها القطار بتقعد تحسر ع عمرها ومو بفايدها جمالها

 

[سيدة الذوق]

آلحمدالله وشكر...
خليها تحمد ربها وشوفيلها كتب دينيه ولا اشرطه توعيها...

 

[وجدان الكويت]

المشكلة الناس اللي جذي تفكيرهم سطحي مايسمعون لحد

انا اعرف وحدة خوووش بنية وبسن زواج وهم ترفض كل اللي تقدمو لها الا تبي واحد غني حييييل

مع ان البنت حالتها زينة

والله الحين محد قاعد يطق بابها من كثر الشباب اللي ردتهم

ميخالف كلموها زيادة جود تقتنع منكم ماتدرون وخلي امها تطلع جم دمعة يمكن تتأثر بدموع امها

والله يهديها ويوفقها

 

[لاتينيـه]

تسلمون بنآت نورتو
وجدآن بحآول فيهآ
استغرب من اللي تفكيرهم جذي
سطحي وآيد

 

[الماسه.76]

الله يهديها بس
هذي وايد بتتعب عقب
لان اسباب رفضها مالها اساس
واحس اذا جذيه تفكيرها مو ناضجه يعني تدور الشكليات
والوحده تفكر بالعقل والاخلاق مو بالجمال لان الجمال يزول والاخلاق تدوم
بس بالله عليج اهي ماخذته تكشخ فيه جدام الناس شكو جنطه والا بدله مافي منها والا ريال يضفها وتكون معاه بيت واسرة
الله يصلح حالها عقب بتندم اذا عنست خل تنطر الحلوووووووووووو الكامل

 

[لاتينيـه]

صآجه المآسه اي والله شكلهآ نآويه تكشخ فيه
الله يهديهآ
نورتي يآ قلبي

 

[رنه خلخال]

الله يرزقا ان شاءالله بالريل الجميل بشكله وباخلاقه وكل شي نصيب لو واحد من اللي تقدموله من نصيبه جان ما ارد بس كل شي بيد الله سبحانه ولا تضغطون عليها اذا احد تقدملها ختستخير

 

[^^المهره^^]

قوليلها بالله خذيتي الجميل اللي بيرفكت من ناحية الشكر و اكتشفتي عقب الزواج ان فيه عيب بطبعه جااااااايد مستحيل يخليج تعاشرينه
شنو بيفيدج فيه جماله
او
خذيتي الجميل البيرفكت وطلع بيرفكت شكلا و مضمونا وطيب واخلاقه روعه و انتي حبيتيه
وصارله مثلا حادث خرب مالامح ويهه اشبتسوين وقتها
بتقوليله طلقني عشان شكلك اخترب؟؟
ان قالت لج اي
انا اقول غسلي ايدج منها و خليها عنج
لانها فعلا بتكون سطحيه و تافهه

البنات طايحين يتمنون ظفر ريال و هذي قاعده تردد عشان اسباب سخيفه
لين عاد ربي باجر يعاجبها و يقطع عنها النصيب اللي وقتها عاد بتمنى زول الخطيب و مايحصل لها
الله يهديها