كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

[ريـ’ـآنـهـ‘]

السلام عليكم ورحمة الله وبركاته




شلووونكم بنات


بصرآحه هذي اول رواية اكتبها...وأنا من فتره حابة اكتب رواية بس مااسمحتلي الفرصة بس اليوم قلت لازم اكتبها

ولمن فكرت اكتب قررت اني انزلها بمنتداي الي احبه حيل

وبتكون الروايه حصري لدى كويتيات بس مجرد ليمن تكتمل وبعدها اللي حابه تنقلها لاي منتدى ماعندي مانع بس بشرط تذكر اسمي ريــآنه...عشان مايضيع تعبي



ماراح اقول اني بنزل لكم كل يوم بارت لانه يمكن باليوم انزل لكم بارت او اثنين او ثلاثه يعني متى ماقدرت انزل وانا رواية شبه كامله عندي بس ناقصها شوي تعديلات مع اخر جم جزء

بس ابي منكم تشجيع اللي عاجبتها تشعجي وتعلق على البارتات عشان اكملها لكم

واحب اقرى الردود والنقد البناء





وروايتي واقعيه عشت بعض احداثها بعض احداثها واقعيه لي شخصيا او لبعض من رفيجاتي واشياء منها من وحي الخيال






اتمنى اني وفقت بكتابة روايتي واني انزلها بـالمنتدى





:33_1185028183:




​

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

بسم الله الرحمن الرحيم



..(هي تحسب الدعوه سواليف ومزوح..مادرت ان الذيب واعي .. وبه جوع)..



تم إرسال الرساله






قاعده بفراشها .. وخاشه الغصه الي لها ثالث اسبوع بقلبها لاتكلمت ولا فضفضت ... تفكر بينها وبين نفسها آنا شنو قاعده اسوي؟!! ..ليش كل الي احبهم يضروني ..ماني عارفه عدوي من حبيبي.. أنصدمت بالانسان الي من عرفته واهو يحلفلي انه ماراح يضرني ..وكلمته دايم في بالي (تضريني مااضرج؟!!) بس انا ماضريتك انت الي ضريتني؟!
والحين انت انت انت يا احمد آآآخ ماني عارفه عدوي من حبيبي

وقطع حبل افكارها
سعود..يتصل بك
ردت


سعود:الله الله شنو هالمسج الخطير
شوق: هلا والله..أعجبك
سعود: اي ..شفيه صوتج؟
شوق: مافيه شي
سعود: توج قاعده من النوم
شوق: لا قاعده من قبل جم ساعه
سعود: اممم ليش مو نايمه.؟؟
شوق: نمت جم ساعه
سعود: اممم يعني انا الي متضايقه وشايله بخاطري وماادري شسوي
شوق:....
سعود: شوق شفيج
شوق: مافيني شي
سعود: زين صحصحي ودقي علي
شوق: انا مصحصحه بس ساكته صارلي فتره..ليش في شي؟
سعود: لامافيه بس جذي
شوق: خلاص انا شوي وادق
سعود: اوكي باي



سكرته وتشوف التلفون آآه وياسعود وتلومني بعد تقولي ليش متضايقه هذا وانت الي فتحت عيني عليه
آآه ماني عارفه شسوي ماني عارفه
بس الحمدلله الحمدلله ان شاء الله كل الي صار خيره لي
تشوف ساعة الي بتلفونها 12 ونص اقوم اصلي الظهر واقرا سورة الكهف وادعي ربي عسى ربي يحميني ويستر علي






وبدعيلك يا سعود
​

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

قرت سورة الكهف ودعت ربها




يالله يا رب انك تستر علي وتبعدني عن الدروب الشيطان يارب ياكريم انك تبعد عني عيال الحرام يارب انك تستر علي يارب انا غلطت يارب انك تسامحني يارب انك تستر علي وتبعد عني عيال الحرام يارب انك توفقني بدراستي ياكريم يا وهاب يارزاق يارب ترزقني بالزوج الصالح عاجلا غير آجلا...يارب انك توفق سعود يارب انك تهديه يارب انك....اللهم آمين




صلت بعدها ركعتين..سلمت ..لفت ويها







وقالت: صوتج عالي قصريه شوي
...
تعالي انتي منو تكلمين..هذا منو؟!!
: هههه لاتقول لحظه لحظه..امبيه شفيج هذا فهود حبيبي
نوره : اها..بس قصري صوتج ابوي هني



___




نزلت الصاله سلمت على امها ولعبت زياد ولد اخوها...وبينها وبين نفسها ..(انا طول عمري اكره اليهال والله اني غبيه ..تذكر كلمة اختها الكبيره ..اليهال احلى شي بالدنيا انتي بس شوفي البراءه الي بعيونهم وتنسين كل شي..آآه ياليتني
صغيره وماكبرت ..) تبوس زياد حيل وتلمه وتهمس باذنه عسى الله يحفظك



امها : يمه بنتي دلال بنت اختج وينها؟
نوره: يمه بغرفتي للحين نايمه
الام: للحين نايمه يمه قعديها عشان تتغدون
نوره: لا يمه انا مااشتهي ..ودلول ماتحب تاكل اول ماتقوم من النوم
الام: يمه شوفي شكلج وايد ضعفانه بروحج امس لاتغديتي ولاتعشيتي
نوره: مااشتهي يمه ..يالله انا اخليج بروح غرفتي اشبك
يالله زياد حبيبي باي ويضحك..تقول بقلبه باسم الله عليه




____







نوره.. عمرها 19 طالبة بكلية التربية الاساسيه سنة ثانيه ..آخر العنقود ..خواتها واخوانها كلهم تزوجو الله يوفقهم..حنطيه قصيره عيونها ناعسه رموشها كثيفه وعندها غمازه خفيفه بخدها اليسار..خوافه وايد وجريئه بنفس الوقت
وايد طيبة وعلى نيتها



بنتعرف عليها اكثر بتكملت القصه



ام سالم (ام نوره)..سورية الاصل..عمرها 62 ربة منزل وايد طيبة تصدق اي شي وايد تحب عيالها وعيال عيالها واهم شي عندهم بحياتها ماتحب تطلع مومختلطه وايد مع الناس بس مع حمواتها ...ادمان مسلسلات تركيه



ابو سالم...عمر 67 مهندس متقاعد وايد طيب اجتماعي وايد كل الناس تعرفه كريم اهم شي عنده مظهره بين الناس وسمعته اهوا وعيالها وسمعة العايله يحب شوق وايد ومدلعه اكثر وحده من خواتها



منيره..اخت الكبيره عمرها 45 متقاعده..كانت موظفة بوزارة النفط..طيبة حيل وحنونه مثقفه وونوره تعتبرها امها ماتذكر شي من طفولتها الا منيره!!!
متزوجه عندها

دانة (13) وايد هاديه نفس طبع امها تقريبا وتحب تقراا مجله ماجد وشاطره بالفوتوشوب

خالد (9) شيطاني شوي دايم مع عيال خالته وصواريخه وايد

علي ..أخر العنقود (4) دلوع البيت




ساره..الاخت الثانيه عمرها 38 ..وسواسيه خوافه حيل ..ودايم تحاتي وتخاف من ريلها ..بس طيبة وعلى نياتها ربة منزل..متزوجه


جاسم(20) طيب ويحب خواته يدرس سنة رابعه ثانوي مسائي وموظف بوحده من الشركات الخاصة

دلال (18) شيطانه جريئة وكل شي عندها عادي اهم شي عندها نسفها تدرس بالتكنيلوجيا ...بنتعرف عليها اكثر بتكملة القصه


مها(13) هاديه وخوافه حيل ونفس طبع امها وفرق عن اختها دلال رفيجة دانه بنت خالتها حيل


يوسف..3 سنين..آخر العنقود




شيخه (32) مدرسة روضه..شخصيتها قويه وكلامها اغلبة حكم ماتتكلم الا اذا كلامها كان صح كلهم يحتمونها ويشتشيرونها بكل شي ..متزوجه


نور (13) رفيجة دانه ومها ...دايم ساكته

سلمان(9) دايم مع خالد ولد خالته منيره ونفس الطبع تقريبا

حسن..4 ..آخر العنقود وشيطان وايد اسم الله عليه ..رفيج علي ويوسف




الهنوف (25)..مدرسة موسيقى ..بس قاعده بالبيت على ماتكبر بنتها شوي..طيبة.. وايد تسولف وكل شي عندها عادي..تقريبا نفس صفات دلال...ونوره كل شي تقولها (حافظه اسرارها) بس موكل شي..متزوجه عندها بنت ..ورود سنتين ونص





سالم ..(34)..مطوع شديد شوي بس قلبه طيب يحب خواته ويخاف عليه..مايحب يقصر على نوره بشي ..متخرج من جامعة الكويت..كلية الشريعه..يشتغل باحث قانوني بوزارة الاوقاف..وامام وخطيب باحدى مسايد

متزوج..عبير طيبه وعلى نياتها
عندهم صالح وحور



فهد..(28)..يشبه براد بيت موظف بوزارة الاشغال..طيب وايد فري وشخصيته حيل غامضه ومايحب يقول حق احد الي فيه
متزوج..وجدان..تدرس بكلية الهندسه آخر سنه

عندهم زياد سنة ونص







​

 

[VET-Nour]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

{..

بدآيه حلوه ...

نآطره البآرت الثآني

...................................... ..}

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية




تسلمين حبيبتي

ان شاء الله بعد شوي انزل بارت

 

[CAT]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية



شكلهـآآ حلوة الروآآية
بإنتظـآر البـآرت الثـآني
يعطيج العآآآفية

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية




الله يعافيج حبيبتي

منووره

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

بنات بقصتي بركز اكثر شي على نورة ودلال





نرجع حق نوره



ادش غرفتها..انتي للحين ماخلصتي من التلفون..تاشرلها بسكتي..نوره تسمعها ..عبود حبيبي شفيك نوره كانت تكلم احمد حبيبها..موقلت لك انه اهلها ماخذين تلفونها..نوره اطالعها وتاشرلها كل شي قاطته براسي؟!!


نوره تشوف تلفونها ...للحين مادق ولا دز مسج

ولا رد على آخر مسج دزيته له



..(راحت الليلة حكاوي..ولا قدرت اقولها..مدري خايف منه..يمكن؟! او يمكن انها هايبه..).




تضحك بينها وبين نفسها انا للحين افكر فيه صج اني غبيه الريال مصورني وناوي علي نيه وموري صورتي رفيجه



ااااه احبه والله مو كفو كلكم مو كفوو





تقطع افكارها ضحك دلال ..تقولها شفيج تضحكين بروحج..

امبييه نوروه تعالي شوفي الصور شوفي عبود شنو يايبلي من لبنان
وناسه يوم الاحد بشوفه وبقوله يعزمني على اغلى مطعم
نوروه ابي مطعم غالي قوليلي عشان اخليه يوديني
نوره اطالعها بنص عين..ترد عليها واهيا لافه ويها : ماادري




نوره..بقلبها انا وين وانتي وين الله يهديج بس ويستر عليج وماتشوفين الي شفته





ترد دلال على تلفونها وتروح بدوامه ربعها




دلال..(دايما عند نوره مونفس الافكار ودايم مومتوالمين بس لانهم ثنتين الي بالعايلة كبر بعض فدايما مع بعض ..دلال..بيضه اطول من نوره بشوي عندها غمازتين وضعيفه تشبه باريس هيلتون)






تنسدح نوره بفراشها..تتذكر





2005



شهر 11




عندها رفيجتها بالبيت
:ياحليها هنوف اختج شلونها الحين بعد العرس
نوره: ياحليلها هنوف والله اني اشتقت لها..امس كلمتها رايحه فرنسا مع ريلها
منال: الله وناسه..فرنسا ياربي متى اتزوج واسافر ويا ريلي بلا اهلي مالت عليهم
نوره: هههههههه امبيه منول انتي موصاحيه اشفيج مستعيله على الريل توج صغيره استانسي عمرج 15
منال: ياربي متى اكبر واتزوج..جراح
نوره: انتي من صج بتتزوجينه شلون قبيلج غير قبيلتهم
منال: عادي شنو يعني اهم شي اعيش معاه لو انحاش
نوره: غبيه!!...انزين شنو تبين نتعشى؟
منال: نوره عفيه حبيبتي انتي الله يخليج ميخاف تلفونج دقيقه بس بدق على جراح
نوره: لامنال مااقدر اخاف يدق علي او يعرف رقمي تكفين ماابي اهلي يشكون فيني
منال: نوره حبيبتي شفيج هذا مو اي احد حبيبي هذا ما راح يدق صدقيني
نوره:..تسكت و اطالعها
منال: تكفين تكفين نوره حبيبتي تلفونج بس دقيقه
نوره: اوكي بس اذا دق ياويله اعطي رقمه على طول فهد اخوي
منال : اوكي اوكي..وتركض حق تلفون نوره وادق





...الوووه هلاا حبيبي ...اشتقتلك وايد...اي هذا رقم نوره بنت جيرانا الي توهم ساكنين اي اي الي على اليمين...ههههه..لانوره ماتكلم..ماادري يصير خير
نوره..تاشر لها انها شوي وترجع





منال ...رفيجه نوره استمرت علاقتهم تقريبا بحدود السنه ونوره اعرفت طبع منال وكل وحده راحت بطريجها ..منال انسانه مصلحجيه..ماكانت تحب نوره تعرفت عليهم بس عشان تطلع من بيتهم وتتكلم من تلفونها..وعشان امها!!!




نوره..تاشر حق منال..انها تسكر التلفون
منال..اووكي حبيبي ...خلاص انا بس ارد بيتنا ادق عليك ...اي لاتحاتي بقنعها..شدعووه انا منوله حبيبتك ماخلي الموضوع بخاطررك ..سلم على ولد خالتك ..امواااه..باي<<بكل دلع





نوره: ويع لوعتي جبدي الله يخسج
منال: امبييه نوروه مومن صجج شكو تلوع جبدج حبيبي هذا عبالج اخوي!!!
نوره: اي حبيبج بس موجذي عاد تلوعون الجبد
منال: ان شاءالله يارب تكلمين واحد بين كل دقيقه ودقيقه تعطينا بوسه
نوره: وييييع لا ان شاء الله انا ماافكر اكلم اصلاا
منال: تعالي انتي ليش ماتكلمين والله احسن لج
نوره: انتي من صج احسن لي بشنو؟؟!! تبيني اخسر ثقة اهلي؟
منال: شدعووه عليج ترى مافي وحده ماتكلم شوفينا الشله كلها تكلم بدال الواحد عشر وانتي الوحيده الي ماتكلمين
نوره: اي انا مااحب هالسوالف بس اشوفكم وبس
منال : انزين شرايج اضبطلج عبدالله رفيج جراح حبيبي
نوره: منال انا ماابي شكو تضبطيلي انا مااحب ولوسمحتي سكري هالموضوع>>عصبت
منال:خافت وسكتت
نوره: يالله نزلي نتعشى
منال: تعالي نوروه اخوج فهد بالبيت
نوره: ليش؟
منال: من زمان ماشفته
نوره: وانتي شكو باخوي
منال: وااااي نوورووه اخوج يهبل والله لو اخوي انام وياه ومااخليه يطلع
خلتها نوره ونزلت ..عارفه طبع منال فماردت عليها





تعشت منال وراحت بيتهم






نوره بغرفتها ماسكه تلفونها..وتشوف رقم جراح...تقول بينها وبين نفسها اي صج انا ليش مااكلم كلهم يكلمون ..يعني انا دايم بروحي طول اليوم امي دايم عالتلفزيون وابوي طالع
سكتت...امبييه لاء انا طول عمري اتطنز عليهم وانصحهم الحين اسوي نفسهم مستحيل ..طرددت هالافكار من راسه وتعوذت من ابليس..بطلت الدرج الي يمها بطلت روايه




حكاية حب...لغازي القصيبي وقعدت تقرا



____







بعد اسبوع



منال بغرفة نوره



نوورووه بس فونج دقيقه بدق على جراح
نوره: اوووف منج كل يوم اتيين عندي عشاني ولا عشان تكلمينه
منال: نونو ياغثج بس دقايق
خذت التلفون ودقت
نوره اطالعها...خذت كتابها وكملت واجباتها وواجبات منال






بعد ساعه سكرت التلفون
نوره: واخييرا خلصتي مدموزيل منال
منال: وااااي نوووره يهبل يهبل
نوره: الله يوفقج وياه
منال: انزين نوره ليش ماتكلمين الي قلت لج عنه
نوره: منال صارلج اسبوع تحنين علي ماابي مااحب هالسوالف لوسمحتي
منال: انزين انتي جربي بس موخسرانه شي بس سولفي معاه مره اذا مااعجبج انا اقوله مايدق
نوره: اطالعها وساكته
منال: والله نوره احسن لج كا انا كل يوم عندج حتى ولا احد يمر عليج ويكلمج وانتي خواتج كلهم اتزوجو يعني قاعده بروحج حتى دلول بنت اختج تكلم انتي ليش ماتكلمين شوفينا كل لنا انكلم والله تستانسين وترى اخرتنا بنتزوج وبتتحسفين انج ماكلمتي قبل
نوره : اطالعها وساكته تفكر
منال: ترى انا قلت حق جراح انه رضيتي تكلمين ولد خالته وقلت له يعطيه رقمج
تكفين نوره لاتفشليني وادقين الثقل الي انتي فيه ع الفاضي استانسي تكفين
نوره طالعتها وابتسمت







الساعه 11 بليل



تلفون نوره يرن
>>رقم غريب
اكيد هذا ولد خالة جراح
سكر الخط ونوره تشوف التلفون
قلبها يدق بسرعه وخايفه.
بعد دقيقتين يدق التلفون مره ثانيه نفس الرقم
تشوف التلفون وتضغط على الخضره وتحط التلفون على اذونها
تسمع صوته
الوو..الوو
سكر الخط
بعد دقيقه..وصلها مسج..قاعده؟
ردت على المسج..اي
رد عليها..عرفتيني
ردت..لا >>تستغبى
شافت التلفون الا يرن نفس الرقم
ردت
الووو
الوو
نوره
نوره:..احم
عبدالله: اخيرا تكلمتي..
نوره: ...
عبدالله: انا ولد خالة جراح عرفتيني..ماادري اذا منال قالت لج
نوره: امبلا..انته عبدالله
عبدالله : يعني تدرين
نوره: ايي..ابتسمت من داخل
عبدالله: هههه انزين ليش ساكته صارلي ساعه اكلم نفسي
نوره :...هههه ماادري
عبدالله: انزين انتي شلونج
نوره : الحمدلله
عبدالله: دوم دوم
نوره: اجمعين
عبدالله:امممم بعد سولفي
نوره ماادري شنو اقول
عبدالله خلاص انا بتكلم وبقولج كل شي عني
نوره :ساكنه
عبدالله : انا اسمي عبدالله ال...بعد جم شهر بدش ال 17 ساكن بقرين ..واووو.....
ويالله الحين دورج
نوره :..انا اسمي نوره امم قبل شهر كملت ال 15 ..







بعد وقت



نوره: امبييه شوف جم الساعه
عبدالله: ماادري جم
نوره: الساعه 4
عبدالله: ويييه ماحسيت بالوقت مر بسرعه
نوره: وانا بعد ماحسيت كلش..انزين انا لازم اخليك الحين وراي قعده حق المدرسه من الصبح
عبدالله : خلاص اوكي وهذا رقمي عندج اذا بغيتي اي شي دقي علي لاتستحين
نوره: ان شاءالله ..يالله تصبح على خير
عبدالله: وانتي من اهله
سكرته منها واهيا حدها مستانسه...امبيه التلفون حار سوالفه تينن
اليوم الي بعده






منال عند نوره بالبيت




نوره: منول سوالفه تينن تخيلي مر اكثر من 4 ساعات وانا اكلمه ماحسيت بالوقت كلش
منال: اي الله يوفقج وياه..عاد شلون سوالفه قوليلي بشنو سولفتو قوليلي كل شي
نوره قالت حق منال من دق اول مره ليمن قالها تصبحين على خير
وطووول القعده نوره تسولف بعبدالله ومنال تسولف بجراح



بعدها بساعه منال خذت تلفون نوره ودقت على جراح
وكان وياه عبدالله وقعدت تسولف معاهم اهيا ونوره
عبدالله وجراح حاطينا سبيكر
ونوره ومنال مركبين سماعه
ونوره اغلب الوقت ساكته وتسمع سوالفهم





سكروه منهم




وقعدو يسولفوون





شوي الا تلفون نوره يرن ..
تشوف تلفون نوره
هذي دلول بنت اختي داقه غريبه




الوووو..نووره لحقيني
نوره:هلا دلول شفيج
دلال: أمبيه نوره حيوان حيوان قص علي
نوره: دلول شوي شوي فهميني شالسالفه
دلال: قص علي نووره جذب علينا حيواان حيواان
نوره: شوي شوي تكفين
دلال: نوره مااقدر اتكلم الحين ابوي بالبيت..بس تكفين دبريلي 30 دينار ابيهم ضروري ولا بروح فيها تكفين باخذهم منج يوم الخميس الله يخليج
نوره: اوكي بس هدي انتي وبس تفضين دقي قوليلي السالفه
دلال: بليل ادق باي باي





امبييه منول ماادري شفيها دلال معصبه حدها وتقول قص علي وعندها شهد بنت عمها اسمعها تبجي..
منال: امبييه عاد بنت اختج هذي موصاحيه كل شي عندها عادي تلقينها مسويه مصيبه
نوره: ماادري عنها والله بس قالت ابي 30دينار ضروري
منال: ماادري عنهاا..بس تشوفين شنو فيها قوليلي
نوره: اوكي..ترد عليها واهيا سرحانه وتفكر بدلال









يوم الخميس



بحصة العربي



منال اطق جتف نوره
نوره: ها منول شفيج خرعتيني
منال: انا ولا انتي شفيج سرحانه؟..ليكون بالحب!
نوره: ويعه..اساسا امس عبود طول الوقت يدق ماارد
منال: ليش ياهبله الصبي يبيج
نوره: مالي خلق والله..خايفه
منال: انزين شفيج اليوم موعلى بعضج
نوره: احاتي دلول مادقت علي وادق عليها تلفونها مغلق
منال: اي اهيا فونها مومن ورا اهلها يمكن ماقدرت اتبطله
نوره: اي بس اهيا كل يوم تبطلها
منال: انزين لاتفكرين وايد بعد شوي بتيي بيتكم وتعرفين السالفه كلها
نوره: ان شاء الله خير




انزين نوره شرايج نطلع مع المقررات وخصوصا اخر حصة عندها بدنيه يعني كلش ماله داعي نحضر


نوره: اوكي انا بعد كلش مالي خلقها صوتها يعور الراس...بس وين انروح
منال: نطري بكتب حق بشاير على ورقه لانه اختها مقررات ونطلع معاهم



منال تكتب حق رفيجتهم بشاير قاعده آخر شي



بشووره حبيبتي انا ونوره بنسكب باخر حصة وبنطلع مع المقررات تطلعين معانا؟



ردت عليها بشاير:اي اوووكي ماعندي مانع
بس مانبي نقعد بره شرايكم نروح اي مكان؟؟

ردت منال: اي عادي بس ماعندنا احد يودينا شرايج بسايقكم بس قوليلنا وين؟؟


ردت بشاير: خلاص سايقنا موجود ينطر مناير اختي ومناير عندها سابعه اليوم يعني قاعد فاضي
شرايكم نروح البدع؟؟موفنبيك



منال تكلم نوره


نوورووه بشاير تقول نروح موفنبيك البدع شرايج؟


نوره:منال من صجج احنا راح نطلع ساعه 12ونص وجرس الموحد يطق ساعه 1ونص يعني اقل من ساعه مايمدينا لازم نرد قبلها...انا اقول نروح جمعيتنا احسن
منال: هبلة انتي تبين احد يشوفني..وبعدين عادي احنا ساكنين بمشرف يعني قريب موبعيد
نوره: خلاص اوكي بس ماانطول
منال: اووك..بس موآخر شي تسكبين فينا وتقولين خايفه وخايفه نفس كل مره
نوره: لا خلاص موافقه بس ماانطول


ردت منال رساله حق بشاير...احنا موافقين بس شوفي من البنات منو بروح معانا







مر الوقت والبنات طوول الوقت يفكرون بالطلعه









​

 

[Tom ♥ Jerry]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

.



واااااو القصه شكلها وآآآو حدهآ .. :*
و آحلى شي آنهآ وآقعيه ..


مشكــــورة حياتي و نآطرين الآحدآث اليايه :$

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

العفوو حبيبتي


منووره..*

 

[Bent extra 3asal]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

،،
عجييئيئيئبة القصة كمليهااا حبي

ناظريند

،،

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

^^^^



العفووو


منوووره...*

 

[توتا كويتيه]

بداااااااااااااااايه حلوه
ننطرج حبوبه

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

^^^


يسلمووو حبيبتي


منوووره

 

[يالبيه 17]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

الله روووووووعه كملي حبيبتي

 

[خفوقي عاف دقاتة]

متابعه < ~

 

[VET-Nour]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

متآبعه ..*

ننطرج ..

 

[عواار قلب]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

متابعه
يعطيج العافيهه

 

[ms.nona]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

روعه .. ~

كمليييييييييهآ

نآطره ~

 

[ريـ’ـآنـهـ‘]

رد : كَفآنا ماوصلْنـآ منكـّ وعسى مآآصابنا خيره}..رواية واقعية شبه حقيقية

الله روووووووعه كملي حبيبتي

تسلمين حبيبتي


منوووره