كيمبردج مدرسة للاجانب وليش للكويتيين!!

[whitish]

كيمبردج مدرسة للاجانب وليس للكويتيين!!

السلام عليكم ورحمة الله وبركاته

لابد من كشف بعض الامور ...كيمبردج للاجانب وليس للكويتيين!

انا بنتي 5 سنين في كيمبردج شفت الويل كل يوم رايحه شكاية لولا بنتي كانت متعلقة برفيجاتها بالمدرسة ال جان نقلتها من اول سنة

بنات باختصار لكويتي ماله حظ فيها الادارة ماسكينها مصريين والمصري توب فيها
والنشاطات والاحتفالات المدرسية كلهاطلبة اجانب طبعا الاغلبية المكتسحة مصريين والكويتي مسكين وين وين تلقين كويتي مفقوص بالزاوية !

لا واشحلاتهم هالمصريين اذا كان العيد الوطني للكويت جنة الديره ديرتهم !

واذا رحتي شكاية كل الموجوديين مصريين بله تشكين حق منو؟ اللهم هالكويتية السكرتيره اللي مغلوب علي امرها

والعام كان فيه عندهم حفل عن اليوم العالمي يعني كل صف يمثل ديره يختارها ويطلعون علي المسرح
ويمثلون مقطع او رقصة او اغنية

المهم ماتصدقون تدرون مصر قدمها صفين ! يعني مرتيين قدموا مصر والمفروض مايصير جذيه كل صف يختار دوله غير الثانية !
واللي ماراح تصدقونه اكثر انه محد من الصفوف مثل الكويت !!
وتدرون منو ماسك هالشغلات والاحتفالات اساتذة اللغة العربية والدين اللي اهمه عرب !
ولا تشوفون لما اعزفوا نشيدة مصر الصراخ واليباب ووقف المسرح كله شيء مو طبيعي والله حسيت اني مو في الكويت !
وقلت الله يعزج ياكويت الحين لو هذا الحفل بمصر صج واعيالنا اهناك جان بالذمة حطو شيء عن الكويت ولا رزو الطالب الكويتي ؟؟!


شنو صار فيني ينييت رحت شكاية لكن لا حياة لمن تنادي ولو بكمل بتشيبون من القهر

الحمدلله الحين طلعت بنتي وافتكيت منهم

ليه متي بديرتنا وجنا أغراب ؟
ليه متي ياكلون فينا واحنا انطالع !

كيمبردج مانصح فيها كلمة حق قلتها
كلش ما امدح الادارة مالتها ووع وع

 

[برونزية رشيقة]

ليه متي بديرتنا وجنا أغراب ؟
ليه متي ياكلون فينا واحنا انطالع !



مادري حبيبتي ؟؟؟؟؟؟؟؟؟؟؟؟؟ هالسؤال حكومتنا الله يسامحها تجاوب عليه ... الله يهديهم وايد معطين الأجانب ويه وداقرين الكويتي في ديرته !!!

يزاج الله خير ... أنا لمن سجلت ولدي بمدرسته الحالية واااااااااايد منتقلين من كامبريدج وشكيت في (( إن )) بالموضوووووووووووع

 

[Dancing^Queen]

وايد شكاوي علي هالمدرسه !!!!

 

[^^DADDIES GIRL^^]

اي فرع حولي ولا المنقف

 

[سيدة الكويت]

ما اعرف عن هالمدرسه شئ

بس اعرف ثنتين مصريات عيالهم فى فرع حولى

 

[بدوية اصيلة]

[b]مااحب هالمدرسة والله صج كلامج ماسكينها كلهم مصريين جان الديرة ديرتهم واحنا اهل الديرة صرنا اغرب عجب على هالزمن!!!! [/b]

 

[ملك]

اهم من حقهم يفرحون ويمثلون ديرتهم ولما ينعزف السلام الوطني مالهم لاتلومونهم متغربين انتي طلعي برة الكويت سياحة بعد موغربة عمل وشوفي اذا شفتي شي من ريحة الكويت شيصير فيج
بالنسبة لمعالمة الادارة للكويتي انا ماعرف عنها شي بس من كلامج والواجب احترام الكل الكويتي والاجنبي محد على حساب احد لاتنسين الكل دافع ويبي معاملة
اما انهم يسوون احزاب على الكزيتيةمايصير لان بالاخير ياغريب كن اديب

 

[حمرة الورد]

انا الي شفته بصراحه مو جذي كلش ويمكن الياهل يكون حياوي وجذي وفيه كويتيين كثير

 

[+بسبوسة+]

خليها على الله..
هلشي بكل مكان..
حتى بالمستشفى الي تعرف السستر تدش قبلنا
والي تعرف الفراشه بعد..وانا قاعدة انطر الدووووووووور

ومو بس المصريين

 

[حمرة الورد]

بسمه لووووووووول اي والله صاجه بالمستشفى شي مو طبيعي

 

[زهرة الداليا]

اي وحده تقصدون اي وحده النقف او حولي

 

[زهرة الداليا]

ابيه اقصد المنقف

 

[style99]

مادري اختي بس كلامج فيه مبالغه وايد
انا اعرف اخوي عياله فيها وهمن اختي ولدها فيها وهمن رفيجتي عايلها 3 فيها

صح في وايد مصاروة ومخربينها بس مو لدرجة الادارة مصاروة الادرة اجنبية وهالشيء شفته بعيني والسكرتارية لبنانية واردنية وفي كويتية ومافي اصلا مصرية الا بالاستقبال

امصاروة مدرسين العربي والاسلام بس صح كان في مجارة وانا اختي ورفيجتي اشتكةا بس وقفولهم على ريل وبالعكس ما كشتوا فيهم وماردوا عليهم وايد يهمونهم الكويتين بس الاغلبية من الطلبة مصريين ولبنانين واجانب يعني الصف يكون نصه مصاروة والثلث كويتيين والحين وايد قاعد يزيدزن الكويتيين فيها

مادري انتي تتكلمين عن اي فرع بس انا اقصد اللي بحولي بصراحة مدرسة ممتازة وفوق الممتازة والأهم المستوى واغلب المدارس الاجنبية الكويتيين ما اييون نص الفصل وانا قاعدة اشوف وايد عوايل اعرفهم معرفة شخصية بلشوا ينقلون عيالهم لها

اصلا كثروا هالسنتين الكويتيين فيها وصاروا وايد والحين ماسكتها شركة الصفاة من جم شهر وصار فيها ناظر بريطاني وناظر كويتي عشان يزيدزون الانضباط
يعني بصراحة وايد في مبالغه

 

[بناتي حياتي]

السلام عليكم

بصراحه صحيح كلام بعض الخوات كلامج وايد مبالغ فيه انا بناتي هناك وهذي اول سنه لي فيها ووايد مرتاحه وحتى بناتي حابيين المدرسه ومنو قال الاداره مصريه الناظر ومساعده بريطانيين والرسبشن بس فيه 2مصريات ووحده كويتيه والطبيبه مصريه ومدرسين العربي والدين مصاروه والا باقي المدرسين من بريطانيا ورومانيا وساوث افريكا

صحيح اغلب الطلبه والاهالي من مصر وهم النسبه الاكبر فيها بس ما حسيت ان في تحييز او تفرقه بالعكس الكل سواسيه ووايد كويتيين فيها بصف بنتي الكبيره عدد الصف20 والكويتيين فيه حوالي 7والباقي من جنسيات مختلفه وما في تحييز لجنسيه معينه اصلا لو حسيت ان في تحييز جان ماسجلتهم للسنه اليايه والله ما كثر المدارس الاجنبيه لكن لان بناتي حابينها وانا مرتاحه والاداره وايد متعاونه وبالعكس اذا دخلتي عالناظر وشكيتي له مشكلتج مسكين مايدري شلون يرضيج وعلى طول يحل المشكله جدامج وهذا من واقع تجربه

وانا اتكلم عن اللي بحولي

 

[مس روبنز]

اخواني كانوا بالمنقف ونقلوا لحولي وكلهم زينين وما اشتكوا إلا من شغلات بسيطه بالسلوك لدرجه في ولد عض اخوي وعلم فيه على بطنه ومن ثاني يوم الولد فصلوه وعندهم مدرس ناسيه تربيه إسلاميه ولا بدنيه غلط على أخوي يحسب إنه معاند وأخوي تعبان وما سمعه ويقوم المدرس ويتل أذن أخوي ويعطيه ذيك الرفسه اللي من ثاني يوم أبوي راح لهم وتفاهم مع المدرس والإداره
ومن السنه اللي بعدها هم المدرس اختفى

أما من ناحيه مناهج زينه وقويه إلا جم ماده
اعتقد الجغرافيا أخوي يقول الكتاب اللي درسته العام بالمنقف نفسه اللي قاعد ادرسه هالسنه بحولي
واحنا بصراحه مستغربين بس ابوي قال اكيد أخوي مضيع ولا تأكدنا من المدرسه​