كيكه محشوه بالبسكويت ومغلفه بتوفي القهوه

[نسايم دبى]

منقووووووله للأمانه

اليوم كيكتنا سهله ... ومقاديره بسيطه ...
ومتواجده في كل البقالات .... يعني مايحتاج تضربين مشوار للسوبر ماركت عشان تشترين اغراضها ...
مابطول عليكم بالكلام ...
خلونا نبدى بالشغل ...

مقادير الكيكه :

واضحه بالصوره
كرتون خليط كيك بالشوكولاته النوع اللي تحبين (انا استخدمت العلالي واضفت عليه ثلث كاس طحين عشان مايتفتت )
5 بسكويت شوكو ساندويتش (واضح بالصوره )
نصف اصبع زبده

الطريقه :

نخلط الكيك حسب التعليمات الموجوده ع الكرتون

نذوب الزبده على النار

نكسر البسكويت كسر كبيره نوعا ما (تقريبا 4 كسر لكل حبه )

نشرب البسكويت بالزبده

الرجاء عدم الرد حتى اكتما الموضوع

 

[نسايم دبى]

نصب نصف خليط الكيك في قالب مدهون ويفضل ان يكون مفتوح من الوسط كما في الصوره

نضع كسر البسكويت المشربه بالزبده فوق خليط الكيك .. بحيث لا تلامس الاطراف وتكون محصوره في الوسط

نصب باقي الخليط على البسكويت

ونخبزها بالفرن حتى تنضج
ثم نخرجها ونغطيها بالقصدير حتى تبرد

الرجاء عدم الرد حتى اكتمال الموضوع

 

[نسايم دبى]

التغطيه
راح نغطي الكيكه بتوفي القهوه
وهوعباره عن توفي بطعم القهوه

المقادير :
4 فناجيل سكر
علبة قشطه
3 ملاعق صغيره من القهوه سريعة الذوبان (نسكافيه مثلا ) مذابه في بيالة ماء حار
2 ملعقة قشطه اضافيه

الطريقه :

نذيب السكر على النار حتى يكتسب اللون الذهبي

نضيف علبة القشطه ونحرك بسرعه حتى يتكرمل المزيج

نضيف القهوه المذابه ونحرك ونضيف القشطه ونحرك سيتكون لنا مزيج غامق اللون سائل نوعا ما

نحرك حتى يغلي الخليط ... ونطفئ النار ونتركه ليبرد

(افضل عمل التوفي اثناء وجود الكيكه في الفرن ... حتى يبرد الاثنان معا )


الرجاء عدم الرد حتى اكتمال الموضوع

 

[نسايم دبى]

بعد ما تبرد الكيكه نقلبها في طبق التقديم
ونصب عليها التوفي
ونزينها حسب الرغبه

انا زينتها بسنكرس قطعته شرائح عريضه وشوكولاته اولكر الاحمر
ورشيت عليه من التوفي الجاهز السائل بشكل خطوط
وتوضع بالثلاجه لتبرد قليلا

وهذا شكله النهائي

وهذي قطعه منها

مابي منكم الا الدعاء بالجنه والذريه المعافيه

 

[فرح العجرف]

الله يرزقج الذريه الصالحه والعافيه لج ولعيالج ويرزقج الجنه ان شاء الله حبوبه@@

 

[sara82]

ماشاءالله تسلم ايدج و عليكم بالعافيه

 

[كلي دلع!]

يعطيج العاااااااااااااافيه

 

[bnt q8 in usa]

تسلم ايدج انشالله

 

[هتووف]

شكلها لذيذه تسلم ايدج

 

[حناينq8]

تسلم ايدج حبيبتي

 

[ضحكة الدنيا]

تسلم ايدج
ومشكووووووووووووووره

 

[أخت مشعل]

شكلها لذييييييييييييذه وحلوووه

يعطيك العاافيه وهي سهله كثير

 

[بحرينيه كول]

وااااو شكلها وايد حلو

يعطيج العافيه

 

[القبله]

الله يرزقج بالذريه الصالحه أنتي و كل مسلمه محرومه عاجلا غير آجل

و تسلم ايدج عالنقل الحلو

 

[زيزو]

الله يرزقج وتسلم يدينج

 

[MassComm]

مشكووووووووووووووورة

 

[cat_q8]

مشكوووووووره شكلها ايشوق

 

[جارة القمر]

تسلم ايدج


والله يرزقج كل اللي في خاطرج

 

[انفاسي]

عاشت تسلم ايدج

 

[Mis$ LeO]

واااااااااااااااو

روعه صراحه