كيكه أم عثمان المحترقه p: <<< بالصور

[على وجهها سمة الأبرياء]

السلام عليكم

شلونكم شخباركم

اليوم يايبه لكم خوووووووش كيكه سهله ولذيذه

والدوام على طول يطلبون مني اسويها <<<< لأنها ماتعرف غيرها هههههههههه
بس اول مره سويتها لهم كنت حارقه القاع وصار فيها طعم حراق

بس ماشاء الله عليهم ماخلووو فيها شي خلصوها كلها
بس هم ماسلمت من التطنز قامو كله يقولولي سويلنا الكيكه المحترقه :eh_s(14):


طولت عليكم بالهذره يالله نبلش بالمقادير :

كيكه ككاو جاهزة ( ماركه روبن هود او العلالي ) <<< جربت اكثر من ماركه بس هذول احسن شي

الصلصه :
4 قيمر نستله قواطي + 5 ملاعق ككاو بودره + نص باكيت زبده + 1 حليب نستله مركز و محلى علبه كبيره

الطريقه :

اول شي نخلط مقادير الكيكه الجاهزه مثل مامكتوب على العلبه بعدين ندهن الصينية اللي بنحط فيها الكيكه بالزبده

على ماتستوي الكيكه نبلش بتحضير الصلصه وراح تكون بخلط جميع مقادير الصلصه مع بعض ونحطها بالثلاجه عشان تصك شوي

اول ماتخلص الكيكه نطلعها من الفرن ونخليها شوي عشان تبرد ويسهل تقطيعها وبعدين نقطعها بالطول شرايح ضعيفه ونبتدي نصفها بالطبق

بعدين نطلع الصلصه من الثلاجه ونبتدي نصبها على الكيك ونسوي طبقه ثانية من الكيكه ( على حسب الرغبه ممكن 3 طبقات او طبقتين ) ونبتدي نقززها بالسكين عشان تتشرب الصلصه كلها

ونرجع نحط عليها باقي الصلصه ونغطيها بالكامل ونبتدي نزينها بككاو فليك وككاو مالترز



وهذا شكلها النهائي وبالهناء والشفاء

(( من مطبخ على وجهها سمة الأبرياء الى اللقاء بطبق آخر ))

 

[ام عبودي1]

تسلم يداكي وعليكم بالعافيه ...

 

[miss-one]

تسلم ايدج

 

[جارة القمر]

تسلم ايدج


سهلة



مشكوووووره

 

[DBDOB3 DES]

يعطيج العاااافيه ياقلبي

 

[على وجهها سمة الأبرياء]

حياكم الله

والله يعافيكم

 

[جرح الليالي]

تسلم ايدج

 

[أعرف قدر نفسي]

بس ما فهمت ليش كاتبه محترقه ؟ عبالي احترقت كيكتك

 

[xxx]

تسلم الاياااااااااادي

 

[ضحكة الدنيا]

روووعه
تسلم ايدج
ويعطيج العافيه

 

[غيدآء]

تسلم ايدج شكلها يشووق

 

[على وجهها سمة الأبرياء]

بس ما فهمت ليش كاتبه محترقه ؟ عبالي احترقت كيكتك

هههههههههههههههههههه

لأني اول مره سويتها للدوام كان فيها طعم حراق
مع هذا كانت لذيذه وكلوها ماخلو منها شي
ومن يومها صار اسمها الكيكه المحترقه
بس خلاص قمت اضبطها

 

[~ام خالد~]

تسلم ايييييييييدج
شكلها لذيذه ماشاءالله

 

[حبووبة 76]

تسلم ايدج

 

[أسـيـل]

يعطيك العافيه

 

[صوت الناى]

تسلم ايدج
لذيذة وتشهي

 

[wzw]

::عوووووووووووووووووووافى ان شاء الله

تسلم ايدك ام عثمان

:balo::e3:

 

[سارونه الكويت]

مشكوره عزيزتى وايد سهله وشكلها لذيذ تسلم الايادى

 

[نماين]

تسلم الاياادي

 

[شوقي وغلاي]

تقريبا نفس طريقتي... الصلصة اللي اسويها :1 قيمر كي دي دي -3/4 علبة حليب نستلة المركز - 1 كريمة كي دي دي احطهم على النار لحد ما يسخنون بس مو يغلون واحط قفشة صغيرة نسكافية ..واحطه بالثلاجة لحد ما تثقل الصلصة .. والكيك استخدم سارا لي الجاهز اقطع الكيك مكعبات عريضة واحطهم بالطبق مثل الهرم واصب الصلصة (مو كلها) فوق الكيك .... بس صج صج عجييييبة ولذيذة .......