- إنضم
- 19 مارس 2009
- المشاركات
- 10,673
- مستوى التفاعل
- 11
- النقاط
- 0
مرحبا بنات شخباركم ؟
اليوم جبتلكم طريقه كيكتي السهله والخفيفه بالمذاق بناء على طلب البنات
طبعا طريقتها وحده بس احب العب بالتزيين والشكل الخارجي
فـ ان شاءالله راح يكون التزيين متجدد
واليوم جبتلكم طريقتها بشكلين
الاول : الاوريو
الثاني : على ألوان منتخب الارجنتين --> تشجيعا لزوجي ولكأس العالم :krkrkr:
بسم الله نبتدي
المقادير :
3 بيضات
ملعقه صغيره فانيلا
كوب سكر
ثلث كوب زيت
كوب حليب سائل
كوبين ونص دقيق
ملعقه كبيره بيكنج بودر
ملعقتين كبار كاكاو بودر
الصوص :
قشطه
3 حبات جبن كيري
1 دريم ويب
نص حليب نستله المحلى
وللتزيين كاكاو هيرشي السائل
واوريو مطحون
(على فكرة انا استخدم الكوب المعياري)
الطريقه :
اولا شغلي الفرن على 180
بالخلاط احط البيض مع الفايلا واخلطهم لين يصير لون البيض فاتح ويكثر المقدار
وتدريجيا اخط معاهم
السكر
ثم
الزيت
ثم
الحليب
ولما يخلص الخلط يصير شكله جذي
تحطين عليهم الدقيق مع البيكنج بودر
وتصبينهم بالقالب المدور ثلثين الكميه وخلي ثلث زيدي عليه الكاكاو البودر وردي حطيه فوق الثلثين بالقالب
واخذي شوكه وحركي الخليط دوائر عشان يختلطون المزيجين ويطلع الشكل حلو من داخل
وحطيها بالفرن نص ساعه اكثر او اقل بشوي حسب فرنج سوي تست اول وعليها قدري الوقت
وهذا شكلها لمن خلصت وبردتها وقلبتها
طبعا من فوق فانيلا ومن تحت كاكاو
وبعدين حطي بالخلاط مقادير الصوص
(يفضل انج تسوين الصوص قبلها بفتره وتبردينه بالثلاجه عشان يتماسك عدل)
وتصبينه عالكيكه غرقيـــــــــها كلها بالصوص
وصبي عليها الهيرشي
وبعدين رشي عليها الاوريو كل ماكان الاوريو اكثر كل ماعطي طعم احلى
وهذا شكلها النهائي
وطبعا بما ان احنا في اجواء كاس العالم وانا ارجنتينيه متعصبه
سويت نفس الكيكه بالوان الارجنتينبس خليتها بدون اضافه كاكاو
والصوص بدون الهيرشي
وجبت الحلويات الصغيره الملونه مالت التزيين --> ماعرف شيسمونها خخخخخخ
الازرق والابيض ورشيتهم عالصوص
وطبعا الطعم
رهيــــب --> كيفي بمدح كيكتي خخخخخخخخ
وزوجي من وناسته نزلها للديوانيه يكشخ فيها جدام ربعه لووووووووول بس جذاب قالهم مرتي مسويه كيكه هلاليه @@
وان شاءالله بس اغير لوك الكيكه --> متأثره بقسم التجميل خخخخخخخخخخخخخ
احطها بإذن الله
