كيكة طلبتج

[فروحة توحة]

السلام عليكم
اشلونج وشخبارج
شعلومج
اشحالج

<<< لازم اول شيء دهان سير
كيكة ابي واللي يعافيج واللي يسلمج واللي يخليج وان شالله تشوفين بنتج عروس وتييبين لها اخو واخت

ابي طريقة جيز كيك بالكاكاو(شيز )


ارجوكي

 

[مطفوقه^ملقوفه]

رد : كيكة طلبتج

وي بعد عمري محد رد عليج؟؟؟
أنا بعطيج طريقة اكثر من تشيز كيك كاكاو وأنتي وذوقج نقي اللي تبين
تشيز كيك ثلاث طبقات
المقادير:
علبة بسكوت شاي + اصبع زبده + ربع كوب ماء
طبعا البسكوت مطحون تخلطينهم وتحطينهم بماعون التشيز كيك وتحطين القالب بالفرن ربع ساعه بس نار هاديه


2علبة جيلاتين + نص كوب حليب سائل + نص كوب زبده+ ظرف جيلاتين مذوب بربع كوب ماء ساخن+2 ظرف دريم ويب

تخلطين المقادير عدل بعدين تقسمينهم 3 أجزاء
القسم الأول تخلطينه مع 100جمشيكولاته سودا سايحه ثم تصب عالبسكوت وتنحط بالفريزر
القسم الثاني يخلط مع 100جم شيكولاته بالحليب سايحه ونف الطبقه الأولى
القسم الثالث يخلط مع 100 جم شيكولاته بيضه سايحه ونفس اللي قبلها
لما تبردينها رشي عليها فليك مبشور وخليها بالثلاجه لوقت التقديم

 

[مطفوقه^ملقوفه]

رد : كيكة طلبتج

تشيز كيك سنيكرز
القاعده: علبة دايجستف + زبده
الطبقه الوسطيه: 2قيمر + 2 دريم ويب + 1كريم كراميل+ 8كيري ....مع نص كوب حليب بارد ويفضل تحطين شوي جيلاتين علشان تضمنين ما تسيح
التوبينغ:6سنيكرز + ربع قالب زبده 113جم +ربع كوب حليب في حمام مائي ... ولمن يدفى حطيه على الطبقه الوسطيه

هذي طريقة رقيقه واتينن طعمها روعه

 

[مطفوقه^ملقوفه]

رد : كيكة طلبتج

في طريقه ثانيه حق نشيز كيك السنيكرز
القاعده تكون 20حبة أوريو مطحونه مع زبده مايعه وتحطين بالقاعده والجوانب
الخلطه اللي بالنص: 2قيمر + 2 دريم ويب+ علبة جبن فيلادلفيا 200جم +ربع كوب سكر +نص كوب حليب بارد
والتوبينغ نفس الشئ

أنشالله عجبوج وتنقي اللي تبينها
وادعيلي بالزوج الصالح

 

[فروحة توحة]

رد : كيكة طلبتج

يا عومري يا مطفوقة بعد قلبي الله يرزقج اللزوج اللي يطير فيج كل مكان ويحبج ويخاف عليج
ويا ادهينة لا تنكتين قولي امين

تسلمين يالغالية

 

[الشيف رقيقة]

رد : كيكة طلبتج

واي يافروحة
والله العظيم ماشفت الموضوع الا توني، ياليت تنبهيني ثاني مرة بالديوانية، لأني فعلا ماأشوف كل المواضيع وبصراحة ماالحق، مي سوري ، ماشفت موضوعج، بس مطفوقة ردت عليج، وإذا خاطرج بشي ثاني قولي وآنا عند ويهج.. بعد عمري والله

 

[فروحة توحة]

رد : كيكة طلبتج

لا خلاص انا رحت ابجي وامسح دموعي واقول الله يا الدنيا ما جنة حبينا
مومشكل عادي لنا الله

 

[الشيف رقيقة]

رد : كيكة طلبتج

أفا ياذا العلم تبجين وآنا موجودة، لاتخليني أسويلج شيز كيك وأطرشها لج ... يبة حقج علي

 

[مطفوقه^ملقوفه]

رد : كيكة طلبتج

وي توني أشوف الرد
مشكوره عالدعوه أهم شئ الريل خخخخخخخ
عسا عاد سويتيها؟؟؟
إذا ما عندج وقت أنا أسويها لج وآكلها عنج أفا عليج بس إحنا بالخدمه خخخخخخخخخخخخخ