تحضير الكيكة سهل جدا وما يبي لها اي شي
بس النتيجة روعة لان الكيكة بتطلع لج خفيفة وهشة وتصلح للريوق مع الحليب او لشاي بعد الظهر
كل اللي تحتاجونه موجود عندكم بالصورة
بيضتين
كاس طحين خميرة
نص كاس زيت
نص كاس حليب
نص كاس سكر
ملعقة بيكنغ باودر واني خلطها مع الطحين
و2 ملعقة من بودرة الكسترد ( مال المحلبية )
وجوز مفروم بالكمية اللي انتو تحبوها
طريقة تحضير الكيك بالطريقة المعروفة
تضربون البيض تمام لين ما يرتع وبعدين تضيفون ليه السكر
المواد الجافة تخلطونها مع بعض وتبدأون تضيفوها على البيض والسكر بالتناوب
مع الزيت والحليب السائل
اخرشي ضيفيوا الجوز المفروم
وخلاص العجينة صارت جاهزة
ألحين تصبوها في القالب ويكون مدهون ومرشوش بالطحين
بعدين تخبزونها في الفرن
يبي لها نص ساعة تقريبا على حسب نوع فرنج
لمن تطلع تتركوها تبرد بعدين تقلبونها في الصحن او الصينية
يا تتقدم بهالشكل
او انها تقطع لشرائح وتنحط على السفرة
وان شاء الله طبختنا الخفيفة تعجبكم
