كيكة السينابون بليز ابيها

[عصفوره الهلال]

بنات كتبو طريقة كيكية السينابون او القرفة بليز ابيها حدها عجيبة بلييييييييييييييييييييييييييييييييييييييييييييييييييز:eh_s(16)::eh_s(11):

 

[غيمه ظميانه]

3 اكواب طحين
قفشه خميره كبيره
قفشتين بيكنك بودر
قوطي روب
قلاص صغير لبن
ربع قلاص زيت

تعجنينهم وخليهم ساعتين

عقب التخمير زيدي قفشه بيكنك بودر واخلطيها

افردي العجينه وحطي داخلها زبدها سايحه امسحيها ورشي دارسين مطحون وككاو بودر وسكر ناعم

لفيها وقصيها حطيها بالفرن بصينيه مدهونه بالزبده منتحت على نار هاديه ربع ساعه ومن فوق ربع ساعه

وطلعيها وحطي فوقها صوص ومكسرات


الصوص قشطه نستله + نستله حليب مركز سائل نص العلبه



وبالهنى والشفا

 

[جارة القمر]

رد : كيكة السينابون بليز ابيها

تفضلي طلبك


http://q8yat.net/showthread.php?t=559304

http://www.q8yat.net/showthread.php?t=105629

 

[اووريو]

رد : كيكة السينابون بليز ابيها

يعطيكم العافيه على الوصفات الحلوه

 

[Wake up]

رد : كيكة السينابون بليز ابيها

في طريقه حلـــوه و سهله


اولا كرواسان الساده

تقطعينه الوحده ٤ قطع

و تجهزين الخلطه عباره عن

بالخلاط
كوب سكر وكوب ماي و بياله زيت و ٢ جبن كيري المربعات و بيضه
و قفشتين صغار قرفه

و تاخذين الكرواسان بعد مـــا قصصتيه و تحطينه بالخلطه و تصفيته ببايركس


و بعدها بالخلاط

تحطين ٦ حبات كيري و علبه نستله الكبيره تحطين نصها

و تحطينه فوق الكرواسان بالبايركس بشكل خطوط

و خلي من الخلطه شوي

حطي البايركس بالفرن بس شوي طبعا يكون شغال من تحت بس و خليه تقريبا ١٠ او ربع ساعه

و بعد مـــا تطلعينه حطي باجي الخلطه عليه

و حطي كاكاو هيرشي ع الطبق من فوق بشكل خطوط همن

و بسو


ألطريقه سهله و طعمها جنه اللي بالكوفيات بالضبط


طبعا هالطريقه خذيتها من وحده نكها هند بمنتديات بيت حواء

بس أنا غيرت جم شغله اولا أني استخدمت الكرواسان
و ثانيا أني حطيت كوب ماي مو نص كوب


​