كيكة الدخن المحشيه بالتمر ??وهي من الكيكات الشتويه ويحبونها كبار السن خاصه.. يالله عقب ماتعرفون طريقتها زينوها لامهاتكم ولا خالاتكم ياجعلنا مانذوق حزنهن يارب ويطول بعمارهن .. .
الطريقة .. بالخلاط .. كاس ماء+ نص كاس زيت + كاس سكر بس انا قللت شوي لانه فيه تمر + نخلط خمس دقايق حتي يذوب السكر بعدين نضيف + كاس حليب بودره + كاس ونص دخن + ملعقه كبيره بكنج بودر ونخلط خمس دقايق حتي تمتزج المكونات .. ملاحظه .. الكيكه مافيها بيض . بعد كيذا نصب نص المقدار بصينيه بايركس الحجم وسط .. بعدين نفصفص تمر ونعجنه زززين ونسوي قريصات من التمر المعجون طبعا ندهن اليد بشوي زيت حتي يسهل علينا تشكيل التمر وبعد كيذا نصفه علي الخليط .. ونصب باقي خليط الكيكه فوق التمر ونرش علي الوجه سمسم وحبه سوداء .. وبعدين بالفرن من تحت وعقبها فوق وبعد ماتطلع نخليها ترتاح ونقطعها مربعات .. وبالعافيه عليكم يارب وتصلح مع القهيوة او مع الحليب الدافي مع الفطور
للمزيد من الوصفات زوروا موقعنا مطبخ كويتيات
