كيكة التمر الملكية ?? ويازينها مع القهيوة بهالجوو البارد .. طبعا بطريقتي الخاصة وصدقوني بتعجبكم
.
الطريقة .. نفصفص كاس تمر خلاص ونضعه بقدر صغير + كاس ماء مغلي ونهرسه بشوكه حتي يذووب التمر ويصير مثل الخليط طبعا علي النار .. .
بالخلاط .. ٣ بيضات + نص كاس سكر بني + ملعقه صغيرة فانليا ونخلط خمس دقايق حتي يتحول الخليط للون الا بيض + نص كاس زيت + خليط التمر + نص كاس جوزهند + كاس ونص طحين + ملعقه صغيره هيل + ملعقه كبيرة بكنج بودر + ملعقه صغيره بيكربونات الصوديوم ونخلط زززين حتي تمتزج المقادير وبعد كيذا نصبها بقالب التشيز كيك وننثر فوق الخليط قطيعات من التمر وبالفرن من تحت و بعدها من فوق واذا طلعت وبردت نسقيها بصوص التوفي .. .
صوص التوفي بطريقتي والذ من الصوصات الجاهزه ?.
.
صوص التوفي .. بمقلاه نضع كاس سكر بني ونحركه حتي يذوب + قطعه زبده يعني مقدار ملعقه كبيره + قشطه مثل التاج وعند اضافه القشطه نحرررك بسرعه حتي مايتكتل معنا + واخر شي نضيف حليب سايل مثل بوني مقدار فنجال او اكثر علي حسب رغبتكم بقوام الصوص وعلي طوول صبوها علي الكيكه .. وعاد زبرررقوا الكيكه بالتميرات والفستق واللوز واخر لمسه لكيكه التمر الملكية رشه فوقها من الهيل .. مايحتاج اقوول لكم الطعم ممم وياجعلوه بالعافيه
للمزيد من الوصفات زوروا موقعنا مطبخ كويتيات
