كيف يمكن أن أبدأ من جديد ؟

[عمر السنين]

بسم الله الرحمن الرحيم ​

أسعد الله صباحكم بكل خير​

​

خواتي الكريمات ​

موضوعي اليوم هو رغبة داخله لا تجد طريقها للخروج على ارض الواقع ​

رغبتي هي كيف أبدأ حياتي من جديد كيف أستطيع أن لا أقف أمام عقبة زوج تخلى عني و تركني ؟​

كيف أستطيع أن احب نفسي و أعيش حياة سعيدة ​

إنني أجهل​

 

[دلع العتبان]

ياقلبي والله وضحي اكثر يعني شنو تبين تبدين من جديد

تبين مثلا تتخلين عن ريلج ولا تعيشين جنه موموجود وضحي ؟

 

[أنسأنة غير]

وضحي شووي ؟؟

 

[Gifts&Occaions]

مافهمت يعني انتي منفصلة ولا تبين تنفصلين

 

[soso1975]

بسم الله الرحمن الرحيم ​

أسعد الله صباحكم بكل خير​

​

خواتي الكريمات ​

موضوعي اليوم هو رغبة داخله لا تجد طريقها للخروج على ارض الواقع ​

رغبتي هي كيف أبدأ حياتي من جديد كيف أستطيع أن لا أقف أمام عقبة زوج تخلى عني و تركني ؟​

كيف أستطيع أن احب نفسي و أعيش حياة سعيدة ​

إنني أجهل​

كيف لا يكون وجود هذه الرغبة بداخلك عامل يدفع بك نحو التغيير !
الامل موجود دام الرغبة موجوده .. لكن بلاش سلبية .. واقدمي .. بخطواتك نحو التغيير
فــ دائماً طموحاتنا واهدافنا تعيقها الخطوة الاولى .. فهي اصعب خطوة .. لكنها اهم خطوة ..

عيشي لذاتك .. استمتعي بلحضاتك ..

انجووووووي^^:eh_s(7):

 

[FeShinGoOo]

اول شي يالغاليه منتي اول ولا اخر انسانه على وجه الكره الارضيه تنفصل عن زوجها ..

ثاني شي الطلاق يكون خيره في بعض الاحيان ماعرف ظروفج وشنو سبب الطلاق وانتي ادرى فيها وشوفي سلبيات ذاك الزواج وقولي الحمدالله وبنفس الوقت انسان باعج قولي فرقاه عيد خلج قويه لاتأيسين عشان انسان باعج .. بالعكس قولي الحمدلله ربي بيعضوني دامه اختارلي الطلاق اكيد بيكون خيره واكيد بالمقابل رب العالمين قاسملج شي افضل واحسن من هالزواج وهالانسان كلها مسألة وقت وصبر وتحمل وايمان برب العالمين وقدرته وراح تشوفين بعينج ان حياتج راح تمشي باحسن حال بشرط ان مايكون في يأس منج كل ما يأستي حياتج صارت سيئه وسوداويه وكل ماتفائلتي صدقيني رب العالمين بيرزقج وبتشوفين الدنيا حلوه وتشوفين الجانب المشرق فيهاا ..

ثالث شي حاولي تروحين لبيت الله تغسلين قلبج اهناك وتكون هاذي العمر اهي المنطلق اليديد حق حياتج اليديده والصفحه البيضه الى راح تبلشين فيها من البدايه .. وتطلبين من رب العالمين انه يلهمج الصبر و القوه بالخطوات اليايه

رابع شي واهو الاهم مالج شغل بكلام الناس وانتقاداتهم لاتخلينهم تأثر فيج ترى الكلام السلبي يسلب منج طاقتج الايجابيه وتفائلج الروحي .. دايما خلج مع الناس الايجابيين اللي يساعدونج ويشجعونج ويوقفون معاج وتجنبي الناس الي ماعندهم غير التولول والشماته والمغثه لان هذيل ناس يائيسن بائسين مالهم هدف بالدنيا غير تخريب البيوت وزرع النكد والكآبه بنفوس الناس وصدقيني الي يحبج ماراح تشوفين منه غير التشجيع واللي يبيلج الشر والشماته ماراح تشوفين منه غير هالشي الشر والشماته والتقليل من شأنج ..

خامس شي .. الحياة ماتوقف على ريال .. ياما بنات ماتزوجو وشوفيهم الي دكتوره والي محاميه واللى تكمل دراستها برى الكويت وعندها صديقاتها واهلها وهواياتهااا وحياتها الاجتماعيه ومركزها وعملها وتطلع سوق مطاعم سينما تسافر

شنو الي اختلف ؟؟ بس مجرد وجود ريال بحياتج ؟؟ حتى لو كان هالريال مسببلج التعاسه والنكد ؟؟

لا حبيبتي حبي نفس طوري ذاتج نقي روحج تقربي من رب العالمين والله والله بيعضوج خير بس خلي ايمانج بالله قـــــــــــــوي مو بس بالكلام لا خلي قلبج واثق وعندج يقين ان هذا ابتلاء وعقب فيه جزاء لج والله يوفقج ياقلبي ويعوضج خير ويرزقج من حيث لاتحتسبين

 

[حبي حيآاآتي ّ]

والله ياقلبي مافهمنا وضحي لنا أكثر
أماا على البدايه من جديد سواءا في طلاق او غيره تعتمد على الاقتناع الداخلي اقتنعي داخليا ان الخيره فيما اختاره الله ومع الحياة راح تتعودين ..

 

[سكوتي بذوقي]

اختي إذا انتي منفصله عن زوجك عسى ربي يعوضك بالزوج اللي أفضل منه

أما إذا كان معك وقصدك إنه مطنش عيشي حياتك كثير منا مرو بمشاكل

لكن الحل نطنش ونهتم بأنفسنا أكثر

عسى ربي يسعدك ويوفقك يارب

 

[عمر السنين]

اشكركم خواتي على ردودكم و مروركم العطر

للي طلبوا مني توضيح عن وضعي انا لي فترة كبيرة في بيت اهلي و شبه منفصلة بس انتظر تثبيت الشي هذا

و حسبنا الله و نعم الوكيل على من كان السبب ما كنت اتصور بيوم كل هذا يصير

الله يكون في عوني و تعدي الايام على خير يارب
دعواتكم

 

[last-moon]

اب اب اب اب​

 

[القلب العظيم]

رفع

 

[غرور بنت]

اصبري ياعمري وكثري من الاستغفار ومابعد الضيق الا الفرج وتذكري لو كل الناس تخلت عنك ربك معك ادعي واستغفري واطلبي منه انه يصبرك على مصائبك

 

[الشيخة@]

رفع لعيونش

 

[عمر السنين]

غرور

تسلمين و جزاج الله خير

الشيخه

الله يرفع قدرج بالخير و طاعة الرحمن