كيف ستربين أولادك؟ بالحب أم بالضرب؟

[بعثرهم وجودي]

بسم الله الرحمن الرحيم

السلام عليكم ورحمة الله وبركاته

أخواتي الأفاضل


يوماً ما إن شاء الله تعالى

سيكون لكِ ...ولد أو بنت


أرجو أن تعطونا أهم أسلوب ستتعاملون من خلاله معه ..أو معها.. أو معهم


هل ستتبعون أسلوب الاستبداد والتسلط والضرب والهيمنة المطلقة أو الجزئية؟



أم ستتعاملون معه أو معها بأسلوب أبوي أو أموي حنون محب ودافئ ومتفهم؟




أم مزيجاً ما بين الأسلوبين؟



طبعاً ستستفيد الأخوات الأكارم من خبرة من لديها أولاد حالياً
ِ

وكيف تتعاملون معهم)



مع الشكر الجزيل سلفاً

 

[ام الحلوااات]

ااااااااااااااااب

 

[فتون777]

بالحب والحنان والتفاهم
الحمدلله ما احب اظرب احد
والطفل حرام ينظرب يعني عشان صغير ومايقدر يدافع عن نفسه تظربونه حرام والله
الاطفال نعمه من ربي وامانه عندنا
لو ظربناهم واتسلطنا عليهم راح نلغي شخصيتهم وثقتهم فنفسهم
كل شي بالتفاهم
انا ولدي صغير وعمره سنه وساعات يتدلع ويعصبني
عشان لايشوف وجهي مكشر وزعلانه منه او اقوله كلمه وانا معصبه
على طول اطلع برا الغرفه وهذي الطريقه مرررره حلوه وتهدي اعصابك
اول مايتدلع اخرج من المكان الي هو فيه
شوي وارد بأعصاب بارده
الله يخليه لي يارب

 

[قارورة عسل]

موفقة

 

[بعثرهم وجودي]

مشكوره ام الحلوات بس ماقلتينا شلون ربيتي الحلوات

 

[بعثرهم وجودي]

الله يخليك لك فتون طريقتك بالتربيه حلوووو بس لازم الشد في مواقف

 

[بعثرهم وجودي]

قاروره الله يوفقك

 

[Alias]

الحب إكسير الحياة. هذا اسلوب النبي علية افضل الصلوات ما ضرب امرأة قط ولا. طفل ولا خادم

 

[بعثرهم وجودي]

عليه افضل الصلاة والسلام منوره Alias

 

[(*ام عهــــد *)]

الحب ولا الضرب مو حكم على التربيه,,
الام هي عمود البيت وهي تنتبه لتفاصيل دقيقه لعيالها مثلا البنت ولا الولد بعد مايتعودون على قطة البامبرز ويروحو لحمام بروحهم تكرمون يجيهم فصل قط الملابس لازم
ولا اكتشاف جسمهم هني بتناقشنه مراح يفهم الا لازم تخوفينه وتعاقبينه لو قط ملابسه ولاسوا شي بجسمه
""""""

وبالحب والتفاهم مثلا اليوم تبي تطلعون مشوار ولبستسهم وضبطتي شغلج واتفقتي معاهم اللي يتصرف غلط ولايعمل شي يزعل ماما وبابا ترا مايروح عقاب يقعد بالبيت

اذا احد اتصرف غلط سويها واطلعي وكوني حازمه
روحي شوي وبعدين ارجعي عشان يصدق انج راح تسوين اللي تقولين لايجي باله ماما بس كلام
لازم يقتنع من الصغر اي كلمه ماما تقولها راح تنفذها عشان لايتمااادى بالغلط

النوم وقت محد مايسهرون الرضاعه اتركها من بعد السنتين واخليهم يتعودون على الاكل وشرب الحليب بقلاص
واخليهم ياكلون بيدهم ماحب اعودهم اوكلهم لازم يتعودون على نفسهم انتي مو على طول موجوده ينحط الاكل يروحون يغسلون ويمدون ايدهم
وقت صوت اغاني ولاموسيقى اخليهم يسدون اذانيهم عشان الله مايحب جذي
في شغلات كثيره هذا اللي حضرني الحين
وان شاءالله قدرت افيدج واي استفسار حياج
واسمحيلي عالاطاله
بس التربيه موضووووع ماله نهاايه كل جيل له تعامل واسلووب
والعصبيه ماتنفع اللي ينفع الحزم على القرار والعقاب والثواب بهدوووء
مو بالصراخ اتخلصين الموضوع وانتي بهدوء ولاخلصتي قولي هذي من تصرفاتك لاتعيدها وانا ماسوي جذي راح تشوفين طفل محترم وغير اناني ويعترف بالخطا وينتظر الثناء عليه والهديه بالتصرف الحسن لانه تعود على تقدير الامور

 

[om MaRyooM]

احيانا مو بيدنا والله

انا مو مع مبدأ الضرب ابدا ابدا ... بس شوفي جيل قبل ماتربو على السنع الا لما انطقو والحين اهما حريم ربات بيوت ولا عن 10 رياييل
والصبيان صارو رياييل قد المسؤولية
وشوفي جيل الحين
دلع ومصاخة


مع اني مو مع الضرب وماااحبه بس هذا اللي لاحظته

 

[مرايــــــــم]

اب
للفايده

 

[بعثرهم وجودي]

كلام رائع ام عهد وان شاء الله يفيد الجميع

 

[بعثرهم وجودي]

احيانا مو بيدنا والله

انا مو مع مبدأ الضرب ابدا ابدا ... بس شوفي جيل قبل ماتربو على السنع الا لما انطقو والحين اهما حريم ربات بيوت ولا عن 10 رياييل
والصبيان صارو رياييل قد المسؤولية
وشوفي جيل الحين
دلع ومصاخة


مع اني مو مع الضرب وماااحبه بس هذا اللي لاحظته

هههه فعلا بس الاجيال تختلف واكيد جيلهم يختلف عن هالجيل ..

 

[بعثرهم وجودي]

اب
للفايده

مشكوره حبيبتي