كيف تقيس ذكاء كلبك?

[عود ومسك]

من يمسح دمعة هذي المسكينه

 

[dema Q8]

القطاوه اغبياء خصوصا الشرازيين هههههههههههههههههه
<<<بتنطق يا بنات لا تطقوني بس هذا الصج يعني انتو تدرون انا راعية قطاوه واحبهم واموت فيهم بس عاد مافيهم ذكاء الكلاب عزكم الله:$
ديمه شخبارج موضوعج جونان بصراحه وانا مجربه ويا جلبتنا
سويت سالفة التريت اني خشيتها تحت ورقه وبصراحه ماشاء الله اهي لقتها بخمس ثواني بس ما قدرت تطلعها لان الورقه كانت كبيره حيل وثاني شي بنتي طلعتلها قرون قامت تشوش عليها تفكيرها هههههههههه
وفي شغله مجربتها معاها استانست عليها اني انادي اسم بنتي اقولها وين لولو وين لولو اذا كانت بنتي بالمدرسه تطالع باب البيت يعني مو هني هههههههههه واقولها وين فلانه وين فلانه عن الخدامه وتطالع المطبخ واقولها وين يمه وينها تطالع صوب الصاله ههههههههههه وناسه والله هايبر حدها...بس عندي مشكله ما لقيت لها حل..عندها فوبيا من السياره لما نطلع ترجع مسكينه تكسر الخاطر وتزعل وما ترد على احد وتنزل راسها وتبجي فا انا انصدمت وسويت سيرج does the dog cry وطلع صج اللي اشوفه صج صج دمووووع هههههههه
فا شالحل؟ خلينا هدد بالسياره ترجع وحطيناها بالبكس هم ترجع وفي سالفه ثانيه بعد يا ربيييييييييي صايره توقف بالحوش وتنابح على اي احد يمر بالشارع اناديها تحقرني لازم تشوفني يالله ترد علي اقولها والله العظيم الشارع للحين ما كتبناه بسمنا خلي الناس مالج شغل فيهم ماكو لا حياة لمن تنادي عاد اهي بومرانيان هالكبرها . هههههههههههههههه وصوتها عالي

لووووووووووول يحليلها .. اول شي سالفة الترجيع هذي مو بس عندج وايد ناس تصيرلهم وخاصة مع الجلاب اللي حجمهم صغير انتي اذا تبين اتطلعينها بالسياره لاتوكلينها لان تصيبها دوخه من السياره فترجع عادي ترى الوضع طبيعي .. وسالفة اذا ماتبينها تنابح صرخي عليها بعصبيه وقوليلها no او عيب مع ان انا احب الجلب اللي ينابح ويعطي تنبيه.. والله يهنيج فيها اي لون اللي عندج؟؟ انا مره شفت المانيات عندهم لون جوكليت ماشاءالله وايد حلو عجبني

 

[عود ومسك]

الله يسلمج حبيبتي حطيت صورتها ما طلعت؟ اهي جوكليت بس مو احنا الالمانيات لووول :>
انا احب نباحها بالعكس عادي بس انتي عرفتي اللي فصلت على جيرانا اي احد يمر تنابح عليه زين شكوووووووو مارين هناك بالشارع ما مرو يم البيت ومن ناحية نو وستوب ات عمج اصمخ ما تسكت لين تشوفني هههههههه او تشوف احد من اهلي
والترجيع والله مشكله تعبنا تكسر الخاطر مادري شسوي وحتى لو مو موكلينها نفس الشي والله ودي اصورها واهي ترجع بتموتين ضحك مع لوعه هههههههههههه

 

[الكرزي]

يعطيج العافية ماشاء الله عليج كل معلوماتج مفيدة
عاد عندنا جلاب بالدوام بس للاسف امسوينلي رعب مافي مجال اجرب اي شي معاهم

 

[dema Q8]

الله يسلمج حبيبتي حطيت صورتها ما طلعت؟ اهي جوكليت بس مو احنا الالمانيات لووول :>
انا احب نباحها بالعكس عادي بس انتي عرفتي اللي فصلت على جيرانا اي احد يمر تنابح عليه زين شكوووووووو مارين هناك بالشارع ما مرو يم البيت ومن ناحية نو وستوب ات عمج اصمخ ما تسكت لين تشوفني هههههههه او تشوف احد من اهلي
والترجيع والله مشكله تعبنا تكسر الخاطر مادري شسوي وحتى لو مو موكلينها نفس الشي والله ودي اصورها واهي ترجع بتموتين ضحك مع لوعه هههههههههههه

انا مادري شسالفتي مع الصور ماتطلع عندي حسافه..لوووووول حرام عليج تضحكين عليها واهي ترجع تلقين جبدها تعودت على هالشي يعني ماتتحمل دورة السياره كسرت خاطري

 

[dema Q8]

يعطيج العافية ماشاء الله عليج كل معلوماتج مفيدة
عاد عندنا جلاب بالدوام بس للاسف امسوينلي رعب مافي مجال اجرب اي شي معاهم

الله يعافيج حبيبتي الكرزي من ذوقج.. يابختكم عندكم جلاب بالدوام لو انا تلقين ساحبه على الدوام ومجابلتهم ترى قاعده افكر وين دوامج اللي فيه جلاب مممممم الاثر؟؟