كيف تقومين شخصيتك وطريقتك؟؟

[miss maha]

مررررحبا بنات

موضوعي اليوم ابي رايكم كلكم

هل انتي شخصية قوية ؟؟

وماهي نقطة ضعفك وتحاولين تتخلصين منها؟؟

كيف تاخذين حقك باي طريقه ؟؟


انا بصراحه بنات ابي نستفيد من بعض واكيد يمكن فيه شخصيات قريبه بعض مثلي انا ماارح ارد ودي ومنا عيني بنات اكون شخصية قوية ولي لسسسسسسسسسسان طويل اخذ حقي انا فيه بعض مواقف مااعرف ارد شنو اقول واسكت وكثير يقولون من واري مالي شخصية
وخواتي عكسسسسي تمامن واعرف بنات كانو اضعف مني ومع الايام طلعت شخصية ثاانيه

اتمنى نتفاعل فالموضوع هذا :yaaaaaarb:

تحياتي لكم

 

[ޢޢޢإيمانޢޢޢะۣۨ>]

هل انتي شخصية قوية ؟؟
إنتي فسرتي القوة على إنها لسان طويل وتاخذين فيه حقك
بس آنا أشوف القوة بأشياء ثانية
من ناحية ثقتي بنفسي وهدوئي وتميزي بالدراسة والعمل

وماهي نقطة ضعفك وتحاولين تتخلصين منها؟؟
حساسة زيادة عن اللزوم

كيف تاخذين حقك باي طريقه ؟؟
ماضاع حق وراه مطالب
ورب العالمين يمهل ولا يهمل

شكرا على الموضوع المميز وبانتظار آراء الجميع ​

 

[بسمة]

يعطيك العافيه موضوعك مميز..............
من الافضل تتخذين اسلوب اللي يعاملك باسلوب حلو ومحترم معاك تعاملينه بنفس الاسلوب
اما الوقح والاسلوب الوقح تتعاملين معها بنفس اسلوبه...........
يعني على حسب الشخص والاسلوب ...........
هذا رايي اتمنى اني افدتك ........
بالتوفيق................ز

 

[miss maha]

تسسسسسسسسسلمون علا رد فديتكم

 

[am faisal]

حبيبتى انا كنت محتارة مثلك لانك طيبة والناس عندهم الطيب شخصيتة ضعيفة لانة لا يجرح لانة حساس ولا يضلم لانة حليم ولسانة ليس بسليط لانة محترم عشت حياتى بطريقتك لاكتشف ان الزمن لا يصلح لامثالنا مهمشة دائما حتى من اقرب الناس لك وقررت ان استاذب لاتعايش مع عالم الذئاب ومن تجربتى البسيطة بعالم الذئاب حكمة اخذيها منى متحسففة على كل لحظة عشتها بعالم الطيبة الغبى وخذى الاكتشاف العظيم ان الناس تخاف ما تختخيش

 

[عطورات المطيري]

ماكو شي يجي بالقوه
وقوه الشخصيه مو طولت السان
ومااعليج الدنيا اتعلم راح تلقين نفسج تتعاملين مع الناس
عطي نفسج انا كنت مثلج اخاف واتردد ومااعرف اخذ حقي بس الدنيا اتعلم
والله بعون العبد ماكان العبد بعون ربه

 

[مزاا_جية]

سمعت كلمه من الشيخ النهام اعجبتني ((عامل الناس باخلاقك لاباخلاقهم)) يعني اللي يكون معاي وقح ماكون نفس اسلوبه بالعكس ارد عليه بكلللل احترام وتكون في حدود للتعامل مع الناس السلبية هالنوعيه ابتعد عنهم والدنيا تعلم قبلج كنت هااااديه والابتسامه للكل بس الحين لا سوالفي وفرفشتي بس مع رفيجاتي حبيباتي

 

[وهج الحب]

السلام:
هل انتي شخصية قوية ؟؟
لا لست قوية ولكني لست بضعيفة الشخصية .
وماهي نقطة ضعفك وتحاولين تتخلصين منها؟؟
الغضب انا سريعة الغضب ..وكما اني كثيرة المحتا على اللي احبهم ..
كيفية معالجتي للامر الغضب اني استغفر الله كثيرا واحيانا تنجح واحيانا لا ..بس قالي الدكتور السبب هو القهوة وقلة النوم بس ما اقدر اخلي القهوة ..
والمحتا استودع الله احبتي واحاول ابعد الامر من بالي وصحيح وايد نجح
كيف تاخذين حقك باي طريقه ؟؟
بالامور الكبيرة اقول "حسبي الله الذي لا اله الا هو " وخلاص والله ياخذ لي حقي دائما ولله الحمد والشكر والمنى .
وبالامور العادية اخذها على حسب الامر ولكن لا اترك حقي ابدا الا تنازلا مني وتكيرم مني

 

[رو&الشقاوة&وح]

موضوعج حلو ويفضل تسألين متخصصة بهالشي عشان تعطيج النقاط الاساسية والقواعد اللي تنطلقين منها

المهم بالنسبة لي قوة الشخصية تكمن بهدوء الاعصاب وقت المواقف الصعبه والاستفزازية ليش لانها تعطي انعكاااس عن شخصيتج بالهيبة والجدية

هذا شي والشي الثاني قوة الشخصية يعتمد ع التركيز ودراسة الشخصيات اللي حولج عدل عشان تعرفين تتعاملين معاها

نقاط الضعف عندي حساسة

شلون اخذ حقي قلت لج بالهدوء والتركيز يعني اذا صار لي موقف من انسانة وماقدرت اخذ حقي منها حزتها واحطها فبالي واقعد لها انطر الفرصه اللي تسمح لي اخذ حقي منها اهني اذا سنحت الفرصه العن خيرها بكل هدوووووووووووووووء

 

[حلاوه تمشي]

انا اشوف اني شخصيه قويه نوعا .................
اصلا الواحد لازم يكون عنده شخصيه وحده مو مثل بعض الناس في كل مكان شخصيه
اخذ حقفي بأيدي اوقات واوقات اتحسب والله ياخذ حقي لو بعد 100سنه .................................
اكره شيء فيني عفويتي وبسرررعه اصدق لاني غبيه اصدق ناس بسرعه بس بعض الاحيان اعرف الناس عشان كذا احذر منهم .................

ويسلمو على الموضوع العسل مثلك

 

[نورعيني أنا]

مادري انا نفسج لويصير موقف تلقيني ماعرف ارد عادي اكمل ولاابين شي اهم عندهم اني قويه مطنشتهم وانا بالاساس مومستوعبه لي رديت للبيت اقول انا ليش مارديت وسكت الناس اللي تقط علي نغزات بس لافكرت فيها اقول احسن جدامهم اني سويت جذيه لان الحقران يقطع المصران وترى والله الواحد عفوي وعلى نيته اهم شي لاتفكرين بالناس الناس عمرها ماسرت احد ولوبيلاقون شي حلوفيج مايتكلمون مايدورون الا العذاريب وانتي ان شاءالله انج مافيج عذاريب والله يوفقج حبيبتي

 

[مضيعه جوالي]

هل انتي شخصية قوية ؟؟

الشخصية القوية هي الشخصية التي تستمر في النمو والتطوروافضل حل السكوت في بعض الاحيان



وماهي نقطة ضعفك وتحاولين تتخلصين منها؟؟

نقطة ضعفي اني مااحب ارفض اي طلب أحد يطلبه مني



كيف تاخذين حقك باي طريقه؟؟
امممممممم احيانا اسكت واطنش واترفع عن الاشكال المريضه
وبعض الاحيان ارد عليهم

يسسسسلمو ياروحي