كيف تتقبلين منزلك الجديد؟؟

[مملكة الكاكاو]

سلام عليكم..

بنات آنا توني منتقلة الى شقه جديدة.. وكنت حاطه في بالي واااااااااااااااااايد تأملات و تصور على ان بيكون هذا الدور أو الشقه اللي بقعد فيها بقمة الروعة.. وعندي أفكار متعدده حق هالشقه.. طبعا كنت متحمسة وااايد للموضوع لأن كانت الشقه اللي آنا قاعده فيها جدا صغيرة.. فكنت حدي متشوقه لتعديل هالدور..

المهم الدور هو قديم واحنا قمنا بترميمه.. واللي حصل ان ما غيرنا كل شي سيراميك المطبخ :eh_s(2): زوجي ما وافق على تغييره.

و غرفه الاستقبال كانت ماشالله كبيرة وقسمنها لغرفه استقبال و غرفة طعام.. وهذا بعدين خلاني أتحسف وايد عليها وضاق خلقي حدي :eh_s(2)::eh_s(2):

المهم ان ألحين صايره نفسيتي على طول تعبانه.. وكل ما أدخل غرفه الاستقبال أتحسف عليها وما أحب أدخلها وايد عشان لا أتذكر..
والمطبخ كل ما دخلته وشفت البورسلان كم مرة أفكر فيه و أتحسف عليه ويضيق خلقي..

قمت أحس ان مالي خلق أقعد بالبيت.. و لا لي خلق أجابل مسئولياته.. كله طالعه أنحاش من ضيقه الخلق..

هذا غير ان ما أعرف أطبخ.. كنت أعتمد على أكل بيت أهل زوجي.. وألحين لا آنا ولا خدامتي نعرف نطبخ..

فحدي أحس بعدم الاستقرار و أحس ضايق خلقي واااااااااااااااااااااااااااااااااااااايد و مو سعيدة.. حتى أهلي و صديقاتي اللي في البداية كنت متحمسة اني أناديهم.. ألحين مالي خلق أحد يشوف شقتي.. أحس ان أحلامي طارت و نفسيتي صج صج تعبانه ومزاجي غالبا متعكر..

 

[عاالية]

رد : كيف تتقبلين منزلك الجديد؟؟

حبيبتي نصيحة اخت
هذي الشقة راح تقعدين فيها فترة مؤقته
وانشاالله لي طلع بيتج سوي الي تبين
حرام تقطين فلوسج على قعدة جم سنة
والناس ما يتكلمون الا على بيت العمر
طنشي وعيشي حياتج طول بعرض

 

[@ الجوري @]

انتي من صجج طللعي وستانسي وخدامتج في حلول وااايد لها يا اتودينها بيت اهلج اتعلم الطبخ من امج او ان ادخلينها دورات طبخ مشاء الله وااايد من رفيجاتي دششو خدمهم وتعالي شوفي طبخهم واذا على شقه زوجج معاه حق ان مايبي ايعدل لانه بتقعدون فتره موقته ساليني انا عن الايجار كل ماقلت خلاص اخر مره سبحان الله اتحدنا الظروف وندور اجار ثاني ولااضيقين خلقج الصراحه ماكو شي يستاهل كل شي له حل كيفي نفسج على حسب ظروفج واتمنى كلامي مايكون ضايقج