كيف تتصرفين بعقلانيه من غير تعقيد للطفل اذا اكتشفتي يلامس المنطقه الحساسه ؟

[يااسمينه]

السلام عليكم
شنو الحل الجذري للتخلص من العاده السريه او العبث بالمنطقه الحساسه للاطفال؟يعني لو اكتشفتي بنتك 5 سنوات تروح وتنخش وتراقبينها وتشوفينها تلامس المنطقه الحساسه ؟كيف نخوفهم ونخليهم مايلمسون هالمنطقه ؟انا بنتي خوفتها وتكلمت معها لكن نفس الشي تنخش واراقبها الا ...كيف نقنعهم بانهم مايلمسون هالمنطقه من غير مانعقدهم؟ للاسف بنتي لما اتكلم معها ماتصدق كلامي ..وانا مااسكه نفسي مابي اطقها واخوفها مني ابيها من نفسها تخاااف كيف ؟؟

 

[كل الحلا فحبيبي]

حبيبتي بنتج اكييييييييييييييد شايفه افلام او ان احد لا سمح الله مسوي لها شي وخافي من الخدم لا يغرج سنعهم ترى يغطون على بلاويهم
وانتي لازم تتقربين من بنتج مو تخرعينها وحاول بعد ما تتقربين منها تسالينها منو اللي علمج او اولا ساليها ماما في شي يعورج تحكج هالمنطقه وديها لدكتوره تشوفها احسن يمكن تكون التهابات وفطريات لا تتسرعين وتبعدينها عنج اتمنى اكون افدتج

 

[ميرور]

وانا بعد ابا استفيد

 

[ابلة لولوة]

شوفي احسن حل خرعيها وقوليلها اذا لمستي نفسج من تحت ترا راح يطلع منج دم


والدكتور عشان يعالجج يغزج ابرة من تحت . من تييبين طاري الابره انشالله تخاف وماتعيدها

 

[يااسمينه]

كل الحلا فحبيبي ..سألتها من وين هالتصرف ماردت تقول مادري بس كذا ..بالنسبه للشغاله انا معاهم ماخليهم واطلع حتى لو جلست معاهم في غرفتهم الالعاب كل شوي اشوفهم والباب مفتوح على الصاله وفوق هذا دايم معاها اختها الكبيره ..فماشوف الشغاله تعملها لانها مو حاصل فرصه ابد وفوق هذا الشغاله عارفتني اني دقيقه ومنتبه لكل شي ..ماتوقع عندها التهاب لانها تاخذ شي وتحاول تحطه داخل السروال ..
لاهوبه ان شاء الله تستفيدين
ابلة لولوه بالضبط نفس الشي اقول لها اخوفها اقول بيطلع منك دم وبحاول اني احط شي احمر في لبسها الداخلي واقول لها شوفي الدم لانها مو مصدقه كلامي
للعلم بانها ماشافت شي في التلفزيون ولا مناظر مادري من وين هالتصرفات ..

 

[G!RLooNa]

الياهل فضولي مو شرط انها شايفه شي او احد سوالها شي لا سمح الله اهيا تعبثت يمكن و لا ساعات اسمع ان ممكن حتى بدفع الماي من البربيش اذا كان قوي و تنبهت عليها

اذكر فوزيه دريع قالت اذا وصلت لدرجه انكم تقولون حق الياهل راح تموت اذا جست المنطقه الحساسه عشان لا يتعبث قولوا

سوي فكرتج مالت الدم و قوليلها تدرين شنو يصير كل ما تسوين راح يطلع دم و انا راح ادري الله يبي يعلمني لان اللي يسوون شي امهم و ابوهم قالولهم لا تسوونه الله يكشفهم و يكتبلهم ذنوب

و كل مره ينزل دم تروحين يقزونج ابره و اذا ما خافت ركبيها السياره وديها لي المستوصف خل تحس السالفه صج

و اذا مافاد كمليها قولي اذا طلع دم وايد بعدين ما يصير عندج دم يخلص و تموتين

فلم رعب

بسمو كله مره وحده بالتدريج و انشالله تنفع معاها مرحله قبل التهديد بالموت

 

[يااسمينه]

الله يعطيك العافيه حبيبتي ..
مادري وش فيها هالفتره كل شوي وتبي تصير لحالها عشان تعمل هالحركات ! خووفي ان الموضوع يكبر ويوصل للعاده السريه وانا امس كلما اخوفها وقلت لابوها وكلمها احسها تستحي وترجع مره ثانيه نفس التصرفات ..ان شاء الله اشوف اليوم اذا حصل فرصه احط لها شي احمر ي لابسها الداخليه اخوفها ان شاء الله يفيد