كيف تؤدبين ولدك

[ناتاشا]

ماهي الطريقة الصحيحة التي تبعد طفلك عن الكلام الوصخ

 

[Q8-Lady]

مشاركة: كيف تؤدبين ولدك

اهم شي انك تتجاهلينه لما يتكلم جذي لان اذا بينتيله انج زعلانه ومتضايقة وهاوشتيه راح يستانس انه يستفزك و يعتبرها لعبة وكل شوي يقوله وا هم شي انج تفهمينه ان هالشي مو زين وعيب .

 

[ناتاشا]

مشاركة: كيف تؤدبين ولدك

بس شسوي إذا بدا يستخدم هالكلمات جدام ربعي ميته فشله لأننا ما نستخدم هالكلمات بالبيت من وين لقطها

 

[شمس و قمر]

مشاركة: كيف تؤدبين ولدك




بصراحه الجاهل الي يلقط هالكلام يسبب احراااااااااااااااج

بنتي بديت اتجاهلها

 

[rayaan]

مشاركة: كيف تؤدبين ولدك

لازم نا تتجاهلونهم

بالعكس لازم تقولون لهم هذا عيب ولازم ما ينقال

بس طبعا باسلوب حلو يفهمونه

بس اذا تجاهلتوهم راد يزيدون وبعدين ماراح تقدرون عليهم

انا هذي طريقتي مع بناتي

 

[أغلى حبيبه]

مشاركة: كيف تؤدبين ولدك

التجاهل مو طريقه


كل ماتجاهليتي راح يتعود ويزيد

شوفي انا عيالي اادب فيهم طول الاسبوع واذا راحو زيارات اهلهم القطو جم كلمه


وهذي حالتي

الحين اي واحد يقول كلمه وصخه الثاني يابلي الشطه عشان احطها بحلجه

والحين اشوه افتكيت من هالحجي

 

[lolo77]

مشاركة: كيف تؤدبين ولدك

انا اي واحد يقول كلام وصخ اعاقبة باني ما اوديه الالعاب او بيت امي
واذا مثلا قالي واحنا بالسيارة اوقف بالسيارة واقوله انزل انت ما تحبني لانك قاعد تقول كلام وصخ
وهذا اكثر شي اسويه بس من اوقف يقول اسف واقوله شفت اشلون بعدين امك ما تحبك وتخليك بالشارع

 

[QUMAR]

مشاركة: كيف تؤدبين ولدك

أنا بنتي أذا سمعت منها كلمه وصخه أقولها أنا بلبسج نفنوف بس وصخ طبعا ما ترضي أقولها عيل شتبين تقولي ماما أبي نفنوف نظيف ويديد أقولها مثل ما نفنوف نظيف أنا أبي لسانج يصير نظيف عشان الله يحبج وماما وبابا يحبونج بعد
أما اللي أصغر منها مايفهمون علو قلبي كل مات تفلو أو سبو أعزكم الله طقيت علي الحلج
اللي عنده حل أنا أبي بعد لوووووووووووووووووووول

 

[شمس و قمر]

مشاركة: كيف تؤدبين ولدك

كل الي قلتوه جربته

بس نووووووووو ويييييييييي مافيه اي استجابه

صح تتحسف وتقول اسفه بس ماتقدر تمسك اعصابها ههههههههههههههههه

 

[123kdd]

مشاركة: كيف تؤدبين ولدك

السلام عليكم

من تجربتي مع اعيالي الطفل يبدا يقول كلام وسخ اول ما يبدا يتكلم وهو في عمر السنتين وعلى الام ماتسكت له لازم اتعاقبه في كل مرة لاتمل ولاتزهق لمن اهو يمل الطفل ومايقول هالكلام

وهذا انا مستخدمته مع اعيالى والحمدلله نهائيا مايقولون كلام وسخ ولو طفل قال كلام وسخ عاد ولدي شسوي من الوناسة يجي يقول لى زين انا شكو بهالطفل مو ولدي بس يبي يراويني انه اهو الزين وعاد انا اذم الولد جدام ولدي واقول هذا قليل ادب وامدح ولدي وسلامتكم

 

[شـــــــــمس]

مشاركة: كيف تؤدبين ولدك

اختى 123Kdd صح كلامج لانى كانو يقولولى لما اقول لبنتى عيب انتى تفتحين عين بنتج
على الكلام الوسخ تجاهليها 00000 وتجاهلتها مثل ماقالو الحين ما اقدر عليها حتى مرات
تقعد تسبنى بس باديه اطقها لما يقول الحين مرات تخاف ومرات تقط نص الكلمه يعنى مو اهيه

لالالالالالالالالالا تتجاهلون علميهم ان هذا الكلام غلط ما ينقال

 

[omneyaty]

مشاركة: كيف تؤدبين ولدك

صراحه كل اللي قلتوه زين وصح بس في يهال تحسينهم ابتلاء يفشلون اهلهم


اعرف وحده بنتها ماسكه بلسانها كلمتين وهي اسماء الفضلات اللي تطلع من الجسم


بسالفه وبدون سالفه بس تعيد وتزيد فيهم ما خلت امها شىء ما سوته معاها ما كو فايده


تنسى وترد وعلى فكره تلحنها مسويتها اغنيه

 

[حبيبة أهلها]

مشاركة: كيف تؤدبين ولدك

احسن حل انك تمسكين الطفل وتفهمينة انة هالشئ غلط وعيب ولازم نترك هالكلام وترا العقاب مرات يجيب نتائج عكسية يحس الطفل بنقص لما يشوف اختة والا اخوة متوفر لة الشئ واهو لالا ومثلا اذا رتو حق الالعاب مو تعاقبينة وتحرمينة من اللعب بالمرةلعبي اخوانة 2-3 لعبات وهو وحدة واذا قال ليش قوليلة لما تترك الكلام اللي مو حلووو واذا استجاب اشتري لة هدية وشجعية وامدحية واذكري لة قصص عن لاخلاق الحميدة راح يتشجع اسفة عللى الاطالة

 

[أم جوري]

مشاركة: كيف تؤدبين ولدك

السلام وانا بعد بنتي لوعت كبدي بالكلام الوسخ كانها متربية بالشارع
ما ادري شسوي بعد جربت كل الطرق ما كو فايدة وهي عمرها ثلاث سنوات ...