كيف بنعيش ؟؟!! قصه عمانيه

[ام الوتين]

سلام ،،،،، طبعا انا اول مره اكتب قصه في حياتي ،، بس انا جد موهوبه

القصه عمانيه في منتدى كويتي <<<<< خليجنا واحد:eh_s(9):

اريد تشجيع و حماس ما في مثله :rerrerek:

 

[ام الوتين]

احنا اربع صديقات اللي نمر فيه محد يعرفه غيرنا احنا الاربعه ...... و انتو طبعا

انا ( لما ) اصغرهم و احلاهم ،، عايشه بين 3 اخوان اولاد ، اخذت من طبعهم الكثير و اهم شي الدفاشه . انا جذابه بكل معنى الكلمه وهذه شهادة الجميع لدرجة اني كنت بالثانويه و شرف بيتنا اول خاطب ، بس الحمدلله ابوي رفضه لان ابويا اهم شي عنده الشهاده ,,,,
الحمدلله تخرجت و دخلت الجامعه

صديقتي المقربع في الشله هي ( حسنه ) طبعا حسنه جميله مثلي و ما عندها اخوان او اخوات و دلوعه بزيادة تلوع الجبد احيانا بس احبه طيبة قلبها :*
صديقتنا الثالثه و المجنونه ( غاده ) و هي مكس جمال امها اللبناني و ابوها العماني و هي كانت تحب المسرح
ودكتورة الشله ( ليال ) تموت في الفلسفه ، و تحب تحلل الكلام و السوالف يعنس احيانا تكون محقق كونان

تخرجنا ودخلنا الجامعه ، كل وحده تخصصت في القسم اللي تحبه ، انا في الاداره ، حسنه في الاداب ، غاده في فنون المسرحيه و ليال طبعا علم نفس .
حياة الجامعه كانت واجد بريئه ، ما كنا ابدا نختلط بالشباب ، كان لنا عالمنا الخاص نجتمع فيه بعد كلاساتنا ، في السنه الاخيره بدات الاحداث شويه تختلف لما دخل ( اسعد) حياة غاده بس برضوه اسعد كان غير عن الشباب قمة الاخلاق و الذوق وعدها بالخطوبه اول ما يتخرج و الزواج اول ما يشتغل و كان قد كلمته ( فديت اسعد ) مواصفات اسعد : كان شويه دبدوب ، ابيضاني ، و طويل يعني ضخم شويه بس طيب بشكل رهيب ( ابو العجب )

تخرجنا كلنا بامتياز ، ليال : حبت تكمل دراستها العليه ، وانا قدمت على وظيفه و بمنصب ابويه توظفت في شهرين في شركه بترول ، حسنه حبت تاخذ بريك وبعدين تقدم على وظيفه اما غاده بدات تجهز للزواج و بعد كذا الوظيفه .



و الحين تبدا القصه ...........................................


اريد تشجيع بليززززززززززززززززززززززززززززززززز ​

 

[ام الوتين]

غاده : لموي بكرة سفرة ليال ، و الله اني انشغلت مع اسعدوه و لا حتى اشتريت لها شي
لما : عادي ايش ناقصها هي يعني ، وهذه ام التفلسيفه يعني ما نقدر نشتري لها اي شي ، لازم يكون مدروس و متحلل هاها
غاده : حرام عليش يا الخايسه هي طبعها كذا
لما : any ways , i have to hang up
غاده : خلاص اليوم المسا نطلع نشتري لها هديه و نتعشى مع بعض ،
لما : اوكيه بس ما قبل الساعه 8 بليزززززز
غاده : تشاو

اشترينا للدكتوره ليال ( جالكسي تاب ) لانه اكثر شي بيفيدها ، اخترنا مطعم على البحر
ليال : و الله بتوحشوني اوويي
لما : عاد اللي يقول رايحه القمر الا رايحه مانشيستر
حسنه : اوووف لما انت ليش كذا دفشه ، ما في احساس ما في انسانيه
غاده : هذه عندها احساس او انسانيه ،لو عندها احساس او انسانيه كانت خطبت وحده منكم حال واحد من اخوانها اللي يجننوا بنات العالم برجولتهم و جمالهم
ما في قلبها يا ريت لو تعرفوا ايش علة هالاخوان

ارجع شهرين ورا ، اول مره اشوف اخوي ( طارق ) بهذه الحاله دخل البيت وطلع غرفته على طول و رحت وراه اناديه : طارق طارق ايش فيك
دخل الحمام و اسمع صوته و هو يرجع اللي في معدته ، فتح الباب لاقني في وجههه و لا كلمني رمى نفسه على السرير ونام نومه طويله و غريبه ، بعد كذا بدا طارق يتغير و يتغير ، قتلت الشك باليقين لما دخلت غرفته و لقيت باب الحمام مفتوح وشفته بعيني يتعاطى السم الابيض ،، وطبعا من الصدمه سكت ولا تكلمت اذا طارق الانسانن الهادي و الطيب يطلع منه كذا ايش بقيه خلق الله يسوا

ما وعيت الا بصوت غاده : ايش رايك انت لما ؟
لما : راي فس ايش
ليال : انت اكيد في شي خطير شاغل بالك
لما : ليال عن التفلسيفه الزايده ، لا و الله بس شويه سرحت ، ما قولتو راي في ايش ؟
حسنه : انه نزور ليال في الصيف
لما : احلى شي و الله حماس
ودعنا ليال و كانه جزء من جسمنا بيروح حسيت بغصه في قلبي حسيت اني احتاج استشارة ليال في موضوع اخواني
اخواني !!!!! ايوا كل اخ فيه عله ​

 

[ام الوتين]

ليش محد يكتب لي اي كلمة تشجيع ،،،، حرام و الله انحبط ​

 

[ام الوتين]

بعد سفر ليال ، كنا مشغولين انا و حسنه في ترتيبات عرس غاده
طبعا غاده اختارت الفستان من الامارات و الكوشه صممتها بنفسها ( لانها خريجة فنون )
قبل ملكة غاده باسبوع كنا انا وغاده بالصالون
الا و يرن تلفوني
....: مساء الخير
لما: مساء النور ، من معاي
....: اكيد فرحتي على بالش معجب ، خالد معاش
لما : خالد ولد عمي ؟
خالد : ليش كم خالد عندش ؟
لما : هلا بالدكتور خالد ، ايش هل المفاجاه الحلوه
خالد : لما اريد اكلمك في موضوع ، فاضيه الحين ؟
لما : تفضل الدكتور لو ما فاضيه بفضى عشانك
خالد : مشكوره بنت العم ، لما انا افكر اخطب بس انا ما اريد وحده تشتغل اريدها ست بيت
لما: ها هاها سكرتها في وجهي يعني عالبلاطه ما تباني
خالد : لما بلا استهبال انت مثل رانيا اختي بالضبط
لما : على طاري رانيا ليش ما تخليها هي او خالتي يشوفوا لك وحده
خالد : رانيا still a kid و امي ذوقها وع
لما : ها ها انزين اشمعنى انا اللي متصل فيني ؟
خالد : سمعة عندك صديقات حلوات
طبعا انا هنا جات حسنه في بالي
لما: خلاص خالد خليني ادور لك بنت الحلال اللي بتعذبها ها ها ها
خالد : لا تتاخري علي باي
معلومات عن خالد ، خالد طويل و ضعيف واجد ، و انفه ما شاء الله سيف مهند ، وشفايفه حلوه وصغيره و عيونه جذابه ما شاء الله ، ملتحي خفيف و احلى شي فيه الشيب اللي في شعره و هو دكتور في الجامعه
خالد عنده اخ واحد ( عزان ) عزان غير عن خالد يشتغل في العسكريه و جسمه معضل و حنطاوي ملامحه تنبض بالرجوله
واختهم رانيا بعدها في المدرسه و عمي و خالتي طيبين لابعد حد و حالتهم الماديه ممتازه
كلمت غاده عن موضوع خالد وحسنه و تحمست مثلي ( بس ابدا ما كنت عارفه اني بدمر حسنه بيدي )
و كلمنا حسنه و تحمست خصوصا عايلتنا عايله معروفه و خالد بسبب مركزه معروف في الوسط الاجتماعي
و كلمت خالد و في خلال اسبوعين تمت الخطبه
طبعا انا و ليال العوانس الحين
غاده ملكتها بعد اسبوع و زواجها بعدة شهرين
حسنه بتسوي الملكه و الزواج مع بعض يعني بعد 3 اشهر نكون افتكينا من حسنه و غاده
​

 

[ام الوتين]

اه احلى يوم في عمري ، لما اكون في حضن اسعد ، اسعد بيعوضني عن كل شي في حياتي ، اليوم زفافنا طبعا انا تقريبا جاهزه ، و طبعا عارفين من bridmaids حسنه و لما ، ليال كان صعب عليها تجي و تحضر عرسي بس anways احنا رايحين الصيف عندها و اسعد ما عنده مانع ، فديت اسعد ، دخلت علي لما الغرفه في الفندق
لما : ما شاء الله خمسه و خميسه غاده كانك باسكال مشعلاني
غاده : مالت عليش لو قايله نجوى كرم هم بختها بعد
حسنه : لاااااا شايفه نفسش انت ها ها اه
غاده : ميته من الخوف
لما و حسنه : خلي عنش عاد ،،، ليل نهار طايحه معاه
و دخلت علي امي : يلا ماما غاده خلينا ننزل هلأ
و نزلت القاعه و كنت مزينه القاعه كلها بالثلج و كانت القاعه بارده ودخلت انا على موسيقى كلاسيكيه وكنت لابسه فستان مليان كريستال و كانه قطع ثلج موجوده في ثيابي بعد يعني كانه العرس في الاسكا
طبعا كل العيون كانت علي ورثت جمالي من امي
و رقصوا البنات ، صح انه ما عندي اخوات بس لما و حسنه حسسوني غير كذا
جا وقت دخول اسعد
ما شاء الله اسعد طيبة قلبه تبان في وجهه
دخل مع ابوه و اخوانه سلموا على المعاريس و طلعوا و انا قلبي شويه و ييفصل
لف علي اسعد : مبروك غاده
غاده : الله يبارك فيك ، مبروك انت هاهاها
اسعد : غاده انت من فوق لين تحت حالي
كنت طبعا بموت من هذه الجمله ،،، قصينا الكيكه و رقصنا
و بعدين و صلوني حبيباتي الغرفه و ساعدوني ابدل ملابسي و اسعد طبعا الف مره يطردهم بس هما مسوين نفسهم لوح
على الساعه 2 الصباح طلع الكل و بقيت مع حبيب قلبي اسعد
و كانت احلى ليله بعمري ​

 

[ام الوتين]

عرسي بعد اسبوعين ،،، مستعده انا او لا ما اعرف الجواب خالد كله مشغول احس انه بيتزوج عشان هذه سنة الحياة او عشان يمسح لقب عازب او ما اعرف ايش ؟؟ ما ساعدني بأي شي كل شي ذوقي و على كيفي ، حتى القاعه ما تعب نفسه يشوفها بس ، بس لما و غاده ما قصروا معاي ، غاده من رجعت من شهر العسل و هي تحوس معايا ،
اتصلت في خالد
حسنه : خالد وينك ؟
خالد : في الجامعه ، في شي ؟
حسنه : خالد اريدك تجي معاي البروفه مال العرس
خالد : اوكيه حياتي الساعه كم تقريبا لازم اكون موجود
اه بطير من الفرحه و اخيرا فضى الدكتور
خالد : حسنه و ينش؟
حسنه : موجوده بس الساعه 5 تكون بالفندق
خالد : تم ان شاء بكون هناك
بسرعه دخلت واخذت شاور سريع و لبست بنطلون كحلي و قميص ابيض طويل
و حطيت مك اب خفيف و تعطرت عطرنا المفضل انا و صديقاتي المجانين كلنا نتعطر نفس العطر ايف سان لورين ( باريس )
و ركبت سيارتي ال اودي و على طول الى فندق قصر البستان
انتظرت خالد و انتظرت و انتظرت اتصل فيه ما يرد
لين صارت الساعه 6 طلعت من الفندق و انا طالعه سمعت صوت يناديني
حسنه حنسه
لفيت على بالي خالد بس هذا جسمه غير عن خالد
ركزت اكثر و الا يطلع لي عزان اخو خالد
عزان : سلام حسنه
حسنه : هلا عزان خير انت هنا
عزان : خالد طرشني لانه طلع له شغله ضروريه فطلب مني اجي عشان يمكن تحتاجي تغيري شي او تضيفي شي فاكون موجود و بالخدمه
قلبي قلبي انكسر وقتها
حسنه : لا عزان خلاص كل شي تمام
عزان : حسنه ترى و الله خالد طلع له شي ضروري
حسنه : ايوه فاهمه بس....
عزان : بس ايش انكسر قلبك ؟؟ ما عاش من ينكسر قلب حرم اخوي ، يلا خلينا ندخل داخل الكوفي شوب و نشرب شي و بعدين نروح
حسنه : لا عزان عادي حصل خير

اصر عزان الا ندخل و نشرب كوفي ، و جلسنا نسولف و نسولف كانت احس اني واجد ارتحت و انا جالسه مع عزان مع انه انسان عسكري و مفتول العضلات بس واجد مرح وحبوب الابتسامه ما فارقت وجهي طول ما انا جالسه معاه يمكن تقارب اعمارنا لعب دور
خلصنا و طلع يوصلني لين السياره طبعا الوقت صار قريب المغرب
عزان : تعرفي حسنه هذا احلى وقت عندي قريب المغرب
حسنه : ليش عشان الشياطين اللي مثللك تطلع هاهاها
عزان : و الله تشوفيني شيطان
حسنه : لا امزح معاك ، عالعموم مشكور عالكوفي و شكرا على الوقت الممتع
عزان : لا شكر انا اللي جد استمتعت معاش ، يلا الله يحفظك
كلمة ( الله يحفظك ) سوت مثل الكهرباء في جسمي
حسيت الفراشات تطير في بطني
ركبت السياره ، احس عطره في يدي في شنطتي في كل مكان
حسيت نفسي..................... ​

 

[ام الوتين]

صار لي شهرين و نص ب مانشيستر فاتني عرس غاده و بيفوتني عرس حسنه ،، غريبه هذه حسنه و افقت على ولد عم لما بكل سهوله ، و الله لو انا مستحيل اهم شي ادرس شخصيتي شريك المستقبل و اشوف طبعه و حركاته بعدين اقرر ،
على ذاري حركاته ، عندي جار حركاته جدا غريبه عمره تقريبا بنص الثلاثين ، شكله اما قطري او سعودي ، كل يوم الصباح و انا رايحه الجامعه اشوفه طالع ، و حتى اذا شافني في المصعد و لا كاني موجوده مع انه الشيله اللي على راسي تبين اني خليجيه بس صاحبنا هذا حتى ما يسلم
وكل يوم بالليل عالحدود الساعه 11 اسمع صوت مفتاح بابه
ايش قصته وين يروح وليش حزين ، اعتقد انه حزين ، مرة شفته في سوبرماركيت قريب من عمارتنا ، يشتري حفاضات للاطفال !!! بس وينهم الاطفال ؟؟ متزوج او لا ؟ بس شكله واجد متبهدل يعني ما يحلق و لا يترتب بس بعده جذاب
المهم انا انتظر الصيف على احر من الجمر لاني ما ناويه ارجع عمان سنه كامله ارجع لمن ؟ لامي اللي مشغوله ليل نهار باعمالها التطوعيه او ابوي اللي ليل نهار بالشركه ، بس اختي دلال اللي تعبرني احيانا لما تفضى من توءمها ( سام ، حام )
خليني في مانشيستر و صديقاتي الاجانب الحياة احلى هنا ،
بكره العيد و عرس حسنه ثالث يوم العيد ( يعني العيد عيدين )
قلت اقوم ابخر ملابس العيد ، اشتريت لي بدله بسيذه البسها صبح العيد محد بيشوفني بس افرح قلبي
فتحت الدريشه عشان الدخان لطلع و الا فجاءه يرن جرس انذار الحريق بكل العماره
و ما لفيت وراي الا احصل جاري غريب الاطوار واقف وراي و انا لابسه شورت اخضر و قميص بدون اكمام اصفر
و من الصدمه ما تحركت .......​

 

[ام الوتين]

بنص الصاله واقف و قال لي : تغطي يا بنت ، و انا من الصدمه و لا حركه المهم سفهني و دخل المطبخ و غرفة النوم و طفى الجمر اللي بالمبخره ، الا ويدخل علينا الاجنبي و يصرخ ، : whats wrong
رد عليه صاحبنا : no nothing
المهم اصر الاجنبي الكريه انه ندفع غرامه ، طبعا صاحبنا ما خلاني ادفع و دفع هو وطلع من الشقه ، و بكل غباءحتى كلمة شكرا ما قلت له
بس فكرت في طريقه اشكره على موقفه النبيل ​

 

[ام الوتين]

بعد يومين شفت حارس العماره و سالته عن من المسوول عن الماستر كيز في العماره ، لان صاحبنا غريب الاطوار ( كذا كنت اسميه قبل ما اعرف اسمه ) دخل شقتي بالمفتاح يعني ما سوى فلم هندي و كسر الباب
قال حارس العماره قصة الجار الغريبه نوعا ما

 

[ام الوتين]

وااي عرس حسنه جد حماس ، احلى شي في الموضوع انه حسنه بتدخل العايله الكريمه​

( من حلات العايله عاد )​

لبست فستان اخضر ساده بس لبست عليه حزام مليان كريستال وجد فخم و لاني ام الشعر الاسود و الطويل ، تركت شعري مفتوح و حطيت مك اب خفيف ، لاني خلقه حلوه​

اول ما وصلت الفندق طلعت على طول لغرفة حسنه ، توها كانت بتلبس الفستان ساعدتها و طبعا غاده موجوده معانا ، بعد ما جهزت حسنه ، ما شاء الله تبارك الرحمن جدا كانت طالعه روعه​

حسنه اختارت فستان اسطوري كانه مال القرن الثامن عشر او تاسع عشر ، و من جد طلعت ملكه​

و الكوشه كانت عباره عن قصر كبيروفخم و القاعه اكسسواراتها كلها اسطوريه ،،​

حسنه حركاتها بارده يعني مو مثل غاده كانت واجد متحمسه و جنون و ربشه ، بس حسنه ما في اي تعابير على وجهها يعني ما عارفه فرحانه ، زعلانه ، متوتره ​

المهم جا وقت نزول ملكتنا الحلوه ،، دخلت حسنه و الناس كلها تذكر الله لان حسنه جمالها ناعم كانها مرسومه، احيانا احس فيها شبه بسيط من الممثله هيفاء حسين ، بس بعد حسنه اجمل منها ساعدناها انا وغاده عشان تمشي ، لانها واجد ضعيفه و فستانها مليان ، حسيتا لدمعه بطيح من عيني بس خفت على مكياجي ​

جلست حسنه عالكوشه ، وبدا الرقص و الربشه ، تغطينا و دخل ولد العم خالد ما شاء الله عليه جد شخصيه و رزانه ما في مثلها ، دخل هو و عمي و عزان ،، اوه عزان صارلي سنين ما شفته ، وقفوا الرجال و تصورا ​

رن تلفوني ، طلعت برع القاعه عشان اسمع ​

لما : هالوووو ​

ليال: يا الدبه وحشتيني ، و كيف طالعه حسنه الخايسه سوتها و تزوجت ​

لما : تهبل طالعه كانها فلم ما شاء الله عليها ​

ليال : و الله لما ابغى اصيح ، احس واجد اشياء فاتتني ، و انت الدبه يا ويللك اذا تفكري حتى تنخطبي قبلي ، ما اريد اخذ لقب العانس في الشله ​

لما : ها هاها حيوانه يعني عادي انا اخذه ، يلا ليال قلبي وجهك وراي رقص باي ​

لفت وراي ، طلع ما وراي رقص وراي عزان ​

عزان : هلا لما كيفك ​

لما : هلا عزان كيفك ؟ زين عرفتني ؟ كم صار لنا ما شفنا بعض ؟​

عزان : صار لنا تقريبا 8 سنين ، بس واجد تغيرتي صرتي احلى ​

لما : شكرا عزان و عن اذنك ​

وع وع جد دمه ثقيل مو مثل خالد رزه و ادب و ثقل ​

دخلت القاعه و كملنا جنون ، طبعا محد فينا طلع الغرفه لان هذا شرط خالد اخذ زوجته وطلعوا وحدهم ​

رجعنا البيت ، دخلت تسبحت ، رن تلفوني ، ​

لما : هالوو ، من ​

......: عزان معاش نايمه ؟​

لما : لا توني بنام ، خير عزان في شي ؟​

غزان : لما اريد اشوفك الحين ضروري ​

لما: نعم !!! عزان تستهبل ؟ ايش يعني اشوفك الحين ؟ وين عايشين شيكاغو ؟ ​

عزان : لما الموضوع جد خطير ، ما اقدر اكلم عمي اخاف يصير فيه شي و اخوش علي في امريكا و احمد و طارق هما الموضوع اللي اريد اكلمك فيه ​

طبعا انا فهمت الموضوع على طول ، طارق المصيبه و اعرفها بس احمد ايش يخصه ؟​

لما : خلاص عزان تعالي البيت الحين و وقف برع بطلع لك ​

نزلت و انا ميته من الخوف ،عمري ما سويت شي كذا طول عمري جبانه اخاف من ظلي ​

نزلت شفت عزان ينتظرني في السياره ، ركبت جمبه ​

لما : خير عزا نمو ايش صاير ؟​

عزان : طارق و احمد مسكوهم الشرطه تعاطي مخدرات ​

حسيت الدنيا دارت فيني ما حسيت الا عزان يهزني ​

عزان : لما قومي قومي ، لا تعقدي الموضوع اكثر ​

فتحت عيني ما تكلمت ولا كلمه نزلت من السياره و طلعت غرفتي افكر في ابوي المسكين اللي درسنا و كبرنا ، اخرتها نجازيه بكذا !!!!!! ليش طارق ؟؟؟؟ و احمد بعد !!!!!!!!​

​

​

​

 

[ام الوتين]

غاده : اسعد وينك مت من الجوع ؟​

اسعد : غاده حبيبي كلي ، انا و الله عند الاشارات كلها ساعتين و اكون عندش​

غاده : ساعتين ، بموت يا حياتي من الجوع​

اسعد : يا الهبله كلي ، انا بعدني بعيد​

سمعت صوت جرس الشقه ، فتحت الباب و الا اسعد قدامي ، حياتي مع اسعد كلها ضحك و مقالب ، اسعد جد انسان مرح ، وهذا اكثر شي احبه فيه ، بس اللي ما احبه ايش ؟؟؟؟ امه طبعا ، جدا متسلطه ،​

احنا ساكنين في عمارة ابوه اول دور لابوه و امه الدور الثاني لاخوه سلطان الدور الثالث متقسم ، شقه لنا و شقه لاخوه محمد ، و محمد متزوج اجنبيه و هي في حاله مثلي ، بس امه تحب تتدخل في كل شي يعني تعلق على كل شي ، يعني انا صارلي متزوجه شهرين و هي كل يوم تحن علي سالفة الحمل ، لا و بعد تريدني يوميا البس ذهب من راسي لين رجلي و اجلس اقابلها هي و صديقاتها العواجيز​

اوووف غيرها هي ما في شي يكدر حياتي ، كلمت اسعد اني اريد ادور ل على وظيفه ما عشان المعاش وضع اسعد المادي ممتاز بس جلسة البيت و مقابلة عمتي ، شي جد ممل و سخيف ​

طبعا اسعد ما كان عنده مانع بس ​

ام سلطان : ايش يعني غاده تشتغل يا اسعد عيب عليك ، هذيك زوجة اخوك سلطان عندها ماجستير وجالسه تربي اولادها ، تريدها تشتغل و تخالط الرجال و تعق اولادك للشغاله ؟؟؟؟​

اسعد : يا امي غاده قبل الزواج طلبت مني هذا الشي و انا وعدتها ، و اذا عن الاولاد لاحقين عليهم ​

ام سلطان : هذه اللي امها ما اعرف من اي صوب جايه و تتشرط عليك ، اخ عليك صح انك ما فيك ذرة روجوله ​

اسعد : الله يهديش يا امي ، وعد اذا حسيت اي تقصير من ناحيتها او انه عملها جالس يهدم راحتي تاكدي اني بطلعها و اجلسها في البيت ​

طبعا بعد حوار اسعد و امه بديت افهم الوضع اكثر و اكثر ، و لاني اصلا انسانه متمرده و احب العناد بديت انا بالحرب مع ام سلطان ​

كنت اتعمد اذا جوا عندها صديقاتها الصباح انزل لهم بالجينز و تي شيرت او احيانا انزل بالبجامه ، و كانت هذه التصرفات تجننها اكثر و اكثر، وكل يوم تشتكي ل اسعد ​

و ما كنت عارفه اني كنت اكسر قلب اسعد و احطه بين نارين، حب الام و حب الزوجه ​

طلب مني اسعد كم مره اني اتصرف بطريقه ارقى من طريقتها ، بس العناد كان راكب راسي ، طلعاتي كانت جدا قليله ، لما مشغوله في قضيه اخوانها ، المسكينه كانت لهم صدمه كبيره انه اثنين من اخوانها مدمنين ، و الاثنين مسجونين يعني على سمعة عايلتهم الكبيره جد كانت فضيحه لهم ، بس قالت لي وجود اخوها علي معاها ساعدها كثير ، و ان شاء الله يجي عليهم حكم مخفف ، الله يهدي الجميع ،،، اما عروستنا حسنه بعدها ما رجعت من شهر العسل اي شهر صار لها اكثر من شهر و نص مسافره مع زوجها لالمانيا ، بس على كلام لما خالد عنده كورس هناك ، و ليال ليل نهار اكلمها على البي بي او سكايب الحمدلله وضعها مستقر و مستانسه ، صح احيانا تقولي انه خالد نادرا ما يضحك و يمزح بس تقول انه واجد حنون و يحب يهتم فيها يعاملها كانها سندريلا يعني مدلعنها بزياده ، يسبحها و يمشط شعرها ، حسنه تقول : احيانا اتضايق من حركاته احس جد يمصخها كاني لعبه في يده ​

هبله حسنه حد يلاقي حد يدلعوه و يقول لا !!!!! استغرب من غبائها !!! عالعموم هي راجعه بعد كم يوم بنطلع كلنا و نسولف ،،، اهم من هذا كله ​

انه باقي على سفرتنا الى مانشيستر شهر و اخيرا بنتجمع كلنا ​

 

[ام الوتين]

رجعت عمان واخيرا حسيتا ني اتنفس ، شهر عسل هذا شهر تعب ، خالد واجد يعاملني كاني طفله ، يعني قبل الاكل بيسالني غسلت يديك ، سميتي ، شبعتي ، تريدي ماي، يحرق الاكل ،،،،، يعني طول الوقت يعاملني كطفله او هبله ما فاهمه يعني​

وصلنا بيتهم ، اقصد قصرهم ، انا وخالد لنا جناح فيه صاله كبيره و غرفة نوم و غرفه مجهزها خالد مثل مكتب يقضي فيه اشغاله و عندي غرفه اضافيه ما فيها شي​

دخلت البيت رحبت فيني ام خالد و رانيا ( واجد كتكوته رانيا تدخل القلب على طول ) و طلعت عالجناح ، خالد وراي​

خالد: حسنه خذي شاور و بدلي عشان ننزل نتعشى بس لا تنسي تنشفي شعرك​

حسنه : ان شاء الله​

نزل خالد ، وانا في قلبي يعني ايش مفكر خالد ما اعرف انه لازم اتسبح و انشف و انزل ؟؟؟؟ لمتى خالد بيعاملني كاني هبله ؟؟​

نزلت الصاله سلمت على ابوه و امه و جلست ،​

ام خالد : ها ماما حسنه ان شاء الله استانستوا ؟​

خالد : مسكينه حسنه اخر اسبوعين تركتها لوحدها كل يوم عندي شغل بالجامعه​

حسنه : لا حبيبي عادي ، عارفه هذه البحوث واجد مهم لك​

دخل عزان سلم و جلس في الكرسي المقابل لي ،​

عزان : ها المعاريس زين فكرتوا ترجعوا حشا هذا ما شهر العسل هذه هجره شهرين عاد​

خالد : اي و الله عزان طولنا، ايش صار في موضوع اولاد عمي ؟​

حسنه : ا يعزان طمني ايش صار و كيفها لما ، اكيد نفسيتها تعبانه ، مسكينه و الله ، هذا الزفت داخل في كل بيت الله يحمي شبابنا يا رب​

عزان : و الله حكموا عليهم تعاطي 3 سنوات ، بس ان شاء الله يعفوا عنهم بعدما ما تنتهي نص الفترة العقوبه​

ابو خالد : الله يعين اخوي عبدالله ، ربى اولاده احسن تربيه ، ايش اللي صار لهم ، من وين تعلموا هذا الزفت ؟​

عزان : يا ابوي هذا الزفت انتشر في مجتمعاتنا بشكل رهيب ، تحصله اي مكان ، عشان كذا الحين احنا في الشرطه نحاول مركزه على الرؤؤس المموله ، و انا حصلت ترقيه اني انتقل الى قسم مكافحه المخدرات برتبه اعلى يعني بصير ملازم ان شاء الله​

ام خالد : يا ولدي ليش تتدخل نفسك مع هالاشكال ، اخاف بكره يسوا فيك شي​

عزان : الله يهديش يالوالده الحين تريدني اخذل وطني و واجبي في اني احمي هالشباب من هذه الافه ؟ الله هو الحافظ​

رانيا : بس متنا جوع جر جر جر جر كلوا برد الاكل​

ضحكنا و تعشينا ، طلعنا غرفتنا ، و اتصلت بامي عشان اخبرها اني بمر عندها بكره الصباح ، لاني عالغدا بطلع مع لما و غاده اكثر اثنين وحشوني بعمان​

الصباح قمت قبل خالد ، لفيت شفته نايم جنبي مسحت خده بيدي ، فتح نص عين​

خالد : احلى صباح بشوفتش حسنه​

حسنه : صباحي احلى بوجودك خالد ، يلا الساعه 7 ما نريد الدكتور يتاخر عالجامعه ، ايش بيقولوا الطلبه الدكتور تزوج و اخترب صار يتاخر​

خالد : تعرفي حسنه اريد اخذك معاي بالجامعه اخليش في الشنطه ، متى ما اشتاقلش ، اطلعك و ابوسك وارجعك​

حسنه : بسك عاد مغازله من الصبح ، يلا حياتي بتتاخر​

قام خالد وسحبني معاه للحمام ، لبسنا و نزلت معاه عشان يفطر ، الكل موجود الا عزان ، طبعا ما تجرات و اسال ،​

فاطرنا و الكل طلع على شغله ، ابو خالد يشتغل بالحكومه له منصب كبير ، و ام خالد مديرة مدرسه ابتدائيه​

فضى البيت ، بس انا و الخدم ، قلت في نفسي خليني اتفقد البيت و اشوفه ، دخلت المجلس و المطبخ و طلعت فوق يعني انا ما دخلت الغرف بس دخلت الصاله و عرفت تقريبا كل واحد وين موقعه من الاعراب اقصد بالبيت​

عزان الوحيد اللي غرفته او جناحه كان السطح ، ما تجرات اروح و اشوفه ، دخلت غرفتي تجهزت و طلعت سلمت على امي و جلست عندها لين الساعه 12 بعدين مرت علي لما و اخذنا غاده و رحنا عالمطعم، لما واجد شكلها مهموم كانها كبرت 10 سنوات ، مسكينه لما الله يعينها ​

حسنه : غاده ما كانش متنانه ​

لما : قصدش صارت بقره هاهاها ، و الله صار فتره ما ضحكت ​

غاده : هي انت و هيه لا تضحكوا عشان اني متنت هذه الراحه النفسيه تسوي كذا ​

حسنه : مالت عليش ، يعني انا الحين ما مرتاحه نفسيا ؟؟؟؟ هو صح خالد يعاملني كاني طفله وهذا اللي بيجنني ، بس غير كذا كل شي حماس ، احلى شي ال......... ما اقدر اتكلم لما بعدها ما متزوجه ​

لما : مالت عليش هذا الزمن سألي اللي عمرهم 16 سنه يعرفوا اكثر مني و منش ​

تغدينا و رجعنا لبيوتنا ، بعد اسبوع سفرتنا ل مانشيستر ، و اخيرا نغير جوا نرجع عزاب مثل اول ​

قبل السفر بيومين ​

كنت بروح الصالون ، وصلت عند موقف السيارات بالبيت ، شفت سيارة عزان مسكره علي ، اتصلت فيه كم مره ما رد ​

قلت خليني اطلع له غرفته و اصحيه ، طلعت عنده ​

 

[ام الوتين]

بكره بشرفوني المجانين j و الله اني طايره من الفرحه ، من امس و انا انظف و ارتب الشقه ، مسكين حمد ما قصر ساعدني في تحريك الاسره و الدواليب ، حمد ؟؟؟ حمد جاري ( غريب الاطوار ) ها هاها صار الحين اخ مقرب لي ، بعد الموقف اللي صار بينا ، عرفت قصة حمد من حارس العماره و من حمد نفسه ، حمد جا هنا لما تخرج من الثانويه ، يعني كان عمره تقريبا 19 سنه ، دخل الجامعه و حب زميلته اللي معاه ، الحب بدا يكبر و يكبر و​

انتقلت تعيش معاه في الشقه ​

( نفس هذه الشقه لان ابوه تاجر كبير فاشتراه هذه البنايه عشان حمد يسكن في شقه و الباقي يأجره ) ​

وتمت هي عايشه معاه بعد سنتين او اكثر حملت منه ، و كانت رافضه فكرت انها تنزل الطفل ، وصارت تضغط عليه عشان يخبر اهله ، طبعا حمد عارف ردت الفعل ، في النهايه خبر اهله ، و طبعا ابوه ما وافق وحشر الدنيا ، بس لان حمد واجد غالي عنده وافق و تقبل الوضع ، تخرج حمد ورجع لاهله و اشتغل وصار له مركز كبير في بلده لما صار عمر ولده 12 سنه حن صاحبنا لولد ثاني بس زوجته كانت رافضه الفكره هي اصلا متحمله الوضع عشان حمد كان مغرقها فلوس و في السنه تسافر 4 اشهر اروبا يعني استغلاليه بمعنى الكلمه ​

بعد ما حنت ام حمد على راسه ، حمد تزوج بنت عمه ، بس للاسف ما حملت بعد سنتين طلقها ، طبعا الاجنبيه بعد ما تزوج حمد طلبت الطلاق ، و اخذت مليون ( يا زعم حقوقها ) و رمت ولدها و سافرت ​

من سنه تزوج حمد للمره الثالثه ، حملت زوجته بس انجبت لابن معاق عنده مشكله في المخ ، سافر حمد لمانشيستر عشان علاج ابنه الحين صار لهم 10 شهور و الطفل في غيبوبه ، الام موجوده بالمستشفى ، ابدا ما شفتها، و حمد يروح الصباح الشركه ( عندهم فرع صغير يدير الاعمال فيه ) و بعدين العصر يكون في المستشفى لين اخر الليل ​

الله يعينهم في ما ابتلاهم ​

بعد الموقف اللي صار بينا و صباح العيد ، دقيت باب شقة حمد ​

ليال : عيدك مبارك ، صباح الخير ، و شكرا على وقفتك معاي ذاك اليوم و شكرا ​

حمد:هاها ها ايش فيجك كنه حد محفظنك الدرس ، عالعموم حصل خير ، و انا اسف اني دخلت الشقه بدون استاذان بس جد خفت عليج ​

ليال: واااي جد فشله انا اسفه تعبتك ، هذه كيكه بسيطه عمل ايديه عشان العيد ​

حمد : الله فيها ريحة الخليج ، شكرا تسلم ايديك ​

بعد كذا بدات العلاقه تتحسن اكثر و اكثر اذا احتاج شي حمد يجيبلي ، احيانا اطبخ له العشاء و اخليه عند باب الشقه و بدا حمد يحكي لي عن حياته و انا احكي بعد ​

صرنا اصدقاء ، ​

يوم من الايام طبخت العشاء و رحت عشان اخليه عند باب الشقه و الا يفتح حمد الباب ،​

حمد: سوري خوفتك ​

ليال: حرام عليك كنت بموت ، غريبه راجع اليوم مبكر ؟​

حمد : خلاص حالة ابني جاسم صارت حرجه و امه تريد ترجعه البلاد اقل شي يشوفه اهله ​

ليال: اوه ، يعني متى ناوين السفر ؟ ​

حمد : بكره الصباح ان شاء الله ​

ليال : كذا بسرعه !!! ​

حمد : ليش بسرعه يعني ؟​

ليال : لا ولا شي ، خلاص خذ هذا اخر عشا تاكله من ايدي ​

حمد : و الله اني بشتاق طباخ اهل عمان ،ليال خلينا نتعشى مع بعض هذا اخر يوم لي ​

ليال : لا حمد ما يصير ​

حمد : تعالي تعالي ، لا تخافي انا ما اكل اللحوم هاهاها ​

دخلت و تعشينا و سولفنا و .......... ​

حمد: ليال تصدقني لو قلتلك شي ؟​

ليال : يعتمد على الشي اللي بتقوله ​

حمد : ليال بشتاقلش موت ​

حسيت دقات قلبي بتفضحني صار فيها صوت غريب و واضح ​

مسك حمد يدي و باسها ​

حمد : بشتاقك لك موت​

باسني على خدي و انا و لاحركه يمكن خدرني حمد ما اعرف بس حمد فيه رجوله غريبه خلتني استسلم له​

طبعا ما سوينا شي كبير ،،،، رجعت شقتي و انا ما مستوعبه اللي صار ،​

دخلت تسبحت و انا اشوف في المرايه على رقبتي وخدي الاماكن اللي فيها ريحة حمد ،،،، رجعت شقة حمد دقيت الباب ما فتح ، دقيت مره ثانيه و ثالثه ، فتح حمد الباب​

حمد: خير ليال ايش فيش​

ليال : بشتا قللك حمد لا تخليني و تروح​

رميت نفسي في حضن حمد ،،،، مجنونه رخيصه غبيه،،،، لا لا انا فاقده حنان فاقده حب فاقده اهتمام​

حمد الله رسلوا لي اريده احبه ، احس بالامان و هو موجود ، كيف يروح و يخليني ؟؟!!!!!​

 

[ام الوتين]

في الطريق للمطار​

لما : علي احس ابوي ما عاجبنه سالفة سفرتي هذه ​

علي : لا عادي بس الظروف صعبه ، طارق و احمد , و انت ؟​

لما : انا ايش ؟؟​

علي : لما انت الحين عمرك 25 يعني سن مناسب للزواج ، بس ما في اي حد تقدم لك !!! ما تحسي ان هذا الشي غريب ؟؟ ​

كلام علي كان مثل الصفعه في وجهي !!! علي اللي دارس بامريكا يتكلم كذا !!!! يعني انا ايش ذنبي اذا محد خطبني !!!! اروح ادور على ولد الحلال في الشارع و اقول له تعال اخطبني !!!!!!! ​

وصلنا المطار انتظرنا الملكه حسنه ، طبعا كالعاده شرفت متاخره ، بس شكل زوج غاده ( اسعد ) كانه حد ضاربه بنعال يعني زعلان عالاخر هاهاهاها ​

المهم ركبنا الطياره و طول الرحله حسنه فيها لوعان و غاده نايمه ، وانا شايله هم كبير في قلبي ​

هم اخواني ، وهم كلام علي !!! يعني انا قريبا بكون عانس او ايش !!!! مع اني جميله بدون مبالغه انا واجد حلوه بس ايش يعيبني !!!!!​

حسنه : لما نايمه ؟ ​

لما : لا بس هذا صوت شخير الدبه غاده ​

حسنه : لما احس ابغى ارجع ، بس ما بقى شي في معدتي ​

لما : حسنه انسي انك بالطياره ، تخيلي نفس نايمه عالبحرلابسه بيكيني و تتشمسي ​

حسنه : و الله حتى في الاحلام ما بنسويها ​

لما : ليش لا ، يمكن يوم من الايامي بيسوا يوم النساء في البحر ، بس عاد النساء اخطر من الرجال بيصورش و يوزعوا الصور على خلق الله ​

حسنه : هيه و الله صدقتي ​

لما : حسنه كيف خالد ؟ مرتاحه معاه ؟​

حسنه : و الله خالد كل شي فيه زين ، بس لما احسه واجد يحسسني اني طفله يعني ، يحاول يعاملني كاني بنته ، يعني تعرفي الحين شنطة السفر جلس هو يرتبها ، اقوله خالد ما اريد اخذ هذا القميص ، يقولي لا اخاف تبردي هناك ، حاط لي بسكويت و شوكولاته يعني انا ما رايحه الادغال ، بس هو كذا طريقة اهتمامه تقرفني ​

لما : بالعكس لازم تكوني فرحانه ، الحين انت شايفه غيرش ، ازواجهم ولا يسالوا عنهم ، الزوج في وادي و الزوجه وادي اخر ، اهتمام خالد نابع من المحبه ​

حسنه : و الله انا ما اعرف كيف اوصل المشكله ​

لما : مشكله في عينيك يا هبله هذه نعمه من الله اشكري ربك ​

مالت عليها حسنه تشتكي لان خالد يدلعها و يهتم فيها ، انا متى احصل اللي يهتم فيني​

وصلنا مانشيستر وااااااااااااو الجو جنان وحلو ​

احلى شي اللي بشوفه في مانشيستر بيغير حياتي 180 درجه ​

 

[ام الوتين]

اليوم ان شاء الله بنزل بارت​

 

[ام الوتين]

وصلنا مانشيستر ، كنت اسمع كل كلمه قالوها لما و حسنه ، بس كنت امثل اني نايمه عشان ما يسالوني عن اي شي في حياتي ، حياتي حلوه مع اسعد بس​

اللي صار من يومين غير حياتي كلها ، ​

اسعد كان جد متضايق لاني بسافر، ​

طبعا ام سلطان تسمه بكلامها الزفت ، على قولتها ايش هذا الادب ؟؟ بنات مسافرين وحدهم و منهم متزوجات تاركين ازواجهم ؟؟ مالت على التربيه ؟؟ ​

كلامها مثل السكين اللي يقطع القلب ، بس كنت اسكت دايما ، لاني احب اسعد و عشان خاطره بتحمل معاملة امه البايخه معي ، ​

دقت الباب زوجة سلطان ( مها ) ، وقالت لي : غاده خلي بالش على نفسك وسمعي زين الكلام اللي بقوله ​

غاده : خير مها ايش في ؟​

مها : شوفي انا صار لي 15 سنه متزوجه و اعرف حركات و الاعيب ام سلطان ، من بداية الايام و انا اشوف اشياء غريبه و عجيبه في البيت ، مرة خيوط سوده متكومه موجوده تحت وسادتي ، مره قطعة اوراق مكتوبه بالدم و ملفوفه في قطعة جلد ، يعني اشياء واجد ،​

غاده: و ايش دخل ام سلطان بالموضوع ، يمكن حد غير يسوي لش الحروزات !!!!​

مها : كلمت سلطان ، و هو عارف طبع امه ، و قالي حاولي تتخلصي من هذه الاشياء و لاتفتحي فمك ، لان امي ممكن تسوي اشياء اكثر من كذا ، طبعا انا لاني جدا مطيعه لها ، صارت تخف عني هالخرابيط ، بس انت يا غاده ّّّ!!!​

غاده : يعني ايش بتسحرني ؟؟!!! ليش انا زوجة ولدها ، يعني ايش مصلحتها .؟​

مها : لانها تحب تكون مسيطره على كل شي ، تخاف انت يكون لك كلمه على اسعد ​

غاده : اصلا اسعد ما يقول كلمه تزعل امه ، و لو امه تمسح فيني الارض ، ما ينطق بكلمه​

مها : اعرف بس هي واجد مقهوره منك ،اخاف تسوي للك شي، عشان كذا انا قلت اكلمك و احذرك ​

طلعت مها و انا احس راسي يدور يمين و يسار ​

ركضت لغرفة نةمي دورت تحت الوساده وتحت السرير و كل مكان بس ما حصلت شي ​

معقوله مها تكذب !!! مستحيل ايش مصلحتها ؟ ا​

اسئله واجد كانت في راسي ، دخل اسعد ، ​

اسعد : حياتي مساء الخير ​

غاده :............ هلا ​

اسعد : ايش فيش غاده ؟ اكيد تحاتيني لما تسافري ​

غاده : ايوا ايوا​

اسعد : اذا ما لك نفس تتكلمي ، يلا نتعشى كلنا ، امي لزمت علي نتعشى عندهم ​

نزلنا شقة عمي ، و كانوا الرجال متجمعين في المجلس ، و دخلت انا المطبخ عشان اشوف ام سلطان تحتاج شي ، و الا اشوفها ترش شي في الاكل و تتمتم كلام ما مفهوم ​

غاده : ام سلطان ايش هذا ؟ ايش جالسه تسوي ؟ ايش جالسه ترشي في الاكل ​

حسيتها ارتبكت و شافت علي قالت لي : بعدش ما شفتي شي ​

 

[ام الوتين]

في شقة ليال حطينا الشنط بالصاله و اخذنا شاور سريع و كشخنا و نزلنا ​

ليال : شيت شيت كذا متحمسين ، حتى ما ارتاحتوا نص ساعه ​

حسنه : عاد انا بسني خالد مريحني لدرجةة اني كارهه نفسي ، اريد اتعب اريد اتكسر ​

لما : هي انت حد لاقي حد يدلعه و يقول لا ​

غاده : بس هذه لوح وين تحس ​

ضحكنا ، و سولفنا لين الساعه 7 المسا رحنا السيتي سنتر نتعشى في مطعم اسمه iziZ​

دخلنا المطعم و جلسنا في الطاوله اللي بنص المطعم يعني كل العالم عينها علينا ، طبعا جنون لما كان شوي زايد ، حركاتها شدت كل الانظار علينا ​

واحنا جالسين ناكل انفتح شعري من تحت حجابي ​

دخلت الحمام عشان ارتبه ، فتحت اللحاف شفت اثار البوسه على رقبتي (لوف بايت ) ​

ارجع ليومين ورا ​

دقيت باب غرفة عزان ، لقيت الباب مفتوح ، دخلت شفت عزان نايم الغرفه بارده و ظلام ​

) في كل مكان amouage opus v وريحه عطر عزان ( الامواج ​

اخذت المفتاح من على التسريحه و انا طالعه ناداني عزان​

عزان : حسنه ، بغيتي شي ؟​

حسنه : لا بس مفتاح السياره ، لاني بغيت اطلع ز سيارتك مسكره علي​

عزان : حسنه ، احس نفسي مريض اليوم ، يمكن فيني حمى​

و انا بكل غباء قربت جنب سريره و جلست جنبه و حطيت يدي على جبينه عشان اشوف اذا فيه حمى او لا​

حسيت انه مسخن ،​

حسنه : عزان احس حرارتك مرتفعه شوي ، احسن تروح الطبيب او خذ دوا​

عزان : احس صرت احسن بعد ما جلستي قريب مني​

حسنه : هاهاها ليش انا بندول مثلا ، بلا دلع روح الطبيب احسن​

عزان : انا ادلع انا انسان عسكري ما يليق علي الدلع​

حسنه : لااااا العسكريين ما يدلعوهم يعني ، ما ناس ما عندهم احساس ؟؟​

عزان : و الله انا ابدا محد دلعني​

حسنه : بلا افلام هنديه ، انت تزوج و زوجتك بدلعك ليل نهار​

عزان : عندش وحده تعطف علي و تتزوجني ؟​

حسنه : ايش مواصفات المطلوبه ؟​

عزان : انت​

ما استوعبت كلام عزان في البدايه ​

حسنه : صعب انا ما في مثلي ​

عزان : و الله اعرف ، و المشكله انك زوجة هذاك التعبان خالد ​

حسنه : عزان!!!! ايش فيك ؟؟ تراك تجاوزت حدودك ​

عزان : و انت ما تجاوزتي حدودك ؟؟ جالسه معي عالسرير و انا بدون ملابس ​

دارت فيني الدنيا ، ما انتبهت ان عزان بدون ملابس ، لانه كان متغطي بالبطانيه !!!! قمت بسرعه مثل اللي ملسوع بالكهربا ، بس يد عزان كانت اسرع مني ​

سحبني عالسرير و ...................!!! ​

بعد نص ساعه فتحت عيني استوعب اللي صار ​

اخذت ملابسي من عالارض و لبست بسرعه و ركضت على غرفتي ​

دخلت الحمام تسبحت و انا ابكي شفت في المرايا شفت اثار العنف و الغصب في رقبتي و يدي و كل مكان​

ايش اللي صار !!!! لازم اخبر خالد ​

اتصلت في خالد مره و مرتين و ثلاث ، طبعا ما يرد اكيد عنده محاضره ​

رميت نفسي عالسرير و انا ابكي ، اتصل فيني خالد ​

خالد : هلا حياتي في شي ، بسرعه لان عندي محاضره ​

حسيت لساني انربط ​

حسنه : لا و لا شي بس حبيت اطمن عليك ​

سكرت التلفون ، بدلت ملابسي طلعت من الغرفه ، دخلت الكتراج شفت عزان واقف عند سيارته و بكل وقاحه رسل لي بوسه في الهوا و حرك سيارته و طلع ​

ركبت سيارتي و انا افكر ليش صار كذا و اخبر من ؟؟؟ طبعا ما خبرت حد ​

رحت الصالون و رجعت البيت لما دخلت الصاله شفت خالد و عزان جالسين مع بعض ​

خالد : هلا حياتي ، واجد تاخرتي ​

حسنه : سوري خالد كانت زحمه فضيعه في الصالون​

خالد : يلا بدلي ز نزلي نتعشا انا و انت و عزان ، الباقي رايحين بيت عمي عبدالله ( ابو لما )​

حسنه : ليش في شي ؟؟ ​

خالد : لا بس معزومين ، يلا تغسلي و تعالي كلي ​

حسنه : لا ما جوعانه كلوا انتوا ​

عزان : و ااالله ما اكل بدون الغاليه زوجة اخوي ​

خالد : يلا حسنه ​

نزلت و عدا اليوم بخير و بالليل خالد لاحظ العلامات اللي بجسمي ، بس لان انا جسمي واجد حساس و رقيق ، فهو حط في باله انه كدمات بسبب اني سويت مساج و حركات في الصالون ​

اليوم اللي بعده ما شفت عزان و سافرت الحمدلله و افتكيت منه ​