حبيباتي الحوامل انا حامل توني فبداية الشهر الثاني وطبعا البشره بدت تتلون والنفيسه دماااار وهذا حملي الثالث عندي بنت وولد بالمدرسه والروضه
المشكله ان زواج اخوي بعيد الاضحى وانا مو عارفه اهتم بنفسي وايش اسوي تعودت بكل المناسبات اكون باحسن صوره لكن بفترة حملي انعزل عن العالم الخارجي كللللللللللللله بسبب تعبي الشديد والوحم لدرجة اني اتنوم بالمستشفى ياليت تساعدوني وتدلوني على كريمات خلطات شي يفتح البشره يسمن الخدود ويزيد الوزن لان وزني ينزل بشكل كبيييير
والوالده بتزعل اذا ما حظرت واخوي بعد وبنفس الوقت ما ابي احد يستنكر شكل ويقولي واااي تخرعين لومنك ما احمل مره ثانيه كنت اسمعها هالجمله بحملاتي اللي من قبل
انتظركم لا تتركوني انا كارهه نفسي من غير شي
الله يهون عليك اختي ويتمم لاخوك ،،
حاولي تمارسي حياتك بشكل طبيعي لانك كل ما انفعلتي وتوثرتي على شكلك بيزيد
انا في بداية حملي نزل وزني ةشعري والله لوتشوفينه تقولي ماخذه مقص ومدخله ايدك
داخل وقاعده تقصين لدرجة اني لما رحت لاهلي الكل يقولي كنتي تسرحين غنم لاني جيت من عندهم متينه وجسمي حلو وبيضاء وشعري مرتب وتغيرت في ظرف شهرين لاني حملت مباشره ،، وبشرتي سمرت وصارت مبقعه وصراحه تاثرت ،، وزوجي قالي لاتسوين اي شيء الا بعد النفاس ،، وصراحه الخلطات والمواد اللي تحطينها ترى تتسرب عبر المشيمه للبيبي وممكن تسبب له تشوهات لاقدر الله ،، فانصحك تدهني بالليل بزيت الاكان واذا مو متوفر عندك زيت زيتون وتغسلي الصبح بغسول عادي وحاولي كل يومين تسوي حمام مغربي في بيتك عادي بدون تكلفه صابون مغربي وليفه تشوفين السواد بالليفه كانه معكرونه سباكيتي
وبعد السبوح دهني كل جسمك بكريم جليسوليد انا والله ماحطيت خلات ولا اي شيء مع اني مدمنه على هالشغلات ومحترفتهم سنين ،، بس قلت بعد الولاده باذن الله ،، وانتي جربي اللي قلت لك وواظبي عليه راح تشوفين حتى التشققات اللي تعاني منها بعض الحريم في البطن والصدر انا والله لله الحمد ماشفتها لاني كنت ادهن كل جسمي ،، ووزني بعد مارحت لاهلي باسبوعين والله رجعت متنت واكثر مما كنت ،، فانتي خليك على الدهن والحمام المغربي وبالنسبه لشعرك حاولي تغيري قصة شعرك وتحين مكياجات ماتكون اوفر وخلي لبسك يناسب حجم بطنك ،، ولاتتعقدين لان في حريم لما تحمل تقعد بس على دراريع وسيعه وتبهدل نفسها ولاعاد تكشخ ،، لا والله انا الحين بالتاسع وبطني كبير وبارز ماشاء الله والبس في بيتي قصير وضيق وشفاف واسوي نفسي كاني مو حامل وامارس حياتي بشكل طبيعي مع انك لو تشوفي حالتي الصحيه واللي مريت به قبل والله ماتصدقين لدرجة ان الطبيبه قالت لي ممنوع عليك تقومين من السرير تنامي على ظهرك وحتى الحمام الله يعزكم تقولي ممنوع ولا السبوح
لكن الحمد لله على كل حال نسال الله ان يكتب لنا الاجر والمغفره ويفرحنا جميعا ،،في كريم شمس انصحك فيه تحطينه اذا بغيتي تطلعي عشان الشمس ماتاثر عليك وتسبب لك الكلف الكريم هذا حق الاطفال من جونسون على شل بخاخ وكريمته سايله مثل الحليب تلاقيه عند لولو هايبر في مكان جونسون بيبي والله روعه روعه ،، وسلامتك اختي كثرة الكركره عليك
