كيف انظم دورتي ..شيرو علي بلييييييييز

[البارونة شوشه]

مرحبا

بنات انا دورتي قبل زواجي منتظمه تجيني كل تاريخ 18 وبعد زواجي تلخبطت وجتني اول اسبوع زواجي تاريخ 22 بعدها جتني متجدمه اربعه ايام تاريخ 19 وهالاسبوع جاتني متجدمه خمسه ايام تاريخ 14 اوووف زهقت مابيها تتلخبطلي كل يوم ولاتجدمتلي , علما انا صارلي من تزوجت شهرين .>>العمر كله ان شالله
شسوي بنات عشان تنتظم ؟ هل اروح المستشفى ينظمولي الدوره والا كيف ؟؟
محتاره حييييييييييل شيرو علي

 

[ام الحوراء زينب]

روحي الطبيب احسن
انا جربت حبوب ياسمين منع حمل ونظمت دورتي
بس من غير استشاره طبيب

 

[البارونة شوشه]

تسلمي غناتي بس انا اخاف اجرب شي بدون استشاره طبيب
وربي يسهل عليج ويقومج بالسلامه يارب

 

[@ام يوسف@]

يمكن لخبطه هرمونات بعد الزواج

 

[البارونة شوشه]

غناتي يعني تنصحيني اروح المستشفى والا دورتي فيه امل تعتدل بعدين ؟؟ لاني ماطيق اخد ادويه ابددددد
لانو دورتي من اساس 7 أيام بس من تزوجت صارت تجيني 5 أيام بس ومحتاره حدي شسوي هل الشي طبيعي والا لا؟

 

[خيشة شكر@]

عادي حبيبتي تجدم احسن ماتتاخر وبعدين خمس ايام اهم شي تكونين نظفتي ودايما يقولون اذا جدمت الدوره يعني اذا جت قبل موعدها تبي تحمل والله اعلم

 

[البارونة شوشه]

عادي حبيبتي تجدم احسن ماتتاخر وبعدين خمس ايام اهم شي تكونين نظفتي ودايما يقولون اذا جدمت الدوره يعني اذا جت قبل موعدها تبي تحمل والله اعلم

ياقلبي كلامج فرحني حيييييييل وان شالله تكون المعلومه صحيحه, ويارب بحق هالاذان اللي اسمعه احمل هالشهر ولج الحلاوه :eh_s(9): الله يسعدج ويوفقج دنيا واخره يارب ويرزق كل محروم بالذريه الصالحه يارب

 

[بنت ذآك الأمير!]

اقول بارونه انتي نفس حالتي صارلي سنه ونص متزوجه..
متلخبطه فوق تحت قبل العرس كانت شزينا..
روحي راجعي احسنلج لا تتعبين..
نصيحه من اخت لاختها..لان للحين ما حملت..
وترا يمدحون القسط البحري تاكلينه من اخر يوم دوره لي الدوره اللي بعده تنظمها تنظيم ..انا ناويه بس تنزل علي اكل القسط.
والله كريم خيتي..

 

[MiSS B.K]

اكيد لازم تستشيرين الطبيب

 

[بدوية بملامح كشميرية 86]

مع كلام اختي خيشة سكر


نصيحه. لاتروحين الطبيب. يلعبون. فيج

والله. يرزقج بالحمل

 

[البارونة شوشه]

تسلمون حبايبي عالنصايح والدعوات
والله يوفقكم جميــــــــــــــــعا يارب

 

[البارونة شوشه]

اقول بارونه انتي نفس حالتي صارلي سنه ونص متزوجه..
متلخبطه فوق تحت قبل العرس كانت شزينا..
روحي راجعي احسنلج لا تتعبين..
نصيحه من اخت لاختها..لان للحين ما حملت..
وترا يمدحون القسط البحري تاكلينه من اخر يوم دوره لي الدوره اللي بعده تنظمها تنظيم ..انا ناويه بس تنزل علي اكل القسط.
والله كريم خيتي..

انا فيه سنه من السنين تلخبطت علي الدوره وبعدها قريت في النت عن فوايد عشبه اكليل الجبل وشريتها من العطار وبعد شهرين من شربتها انتظمت دورتي بعد ماكانت متلخبطه فوووق تحت بس الحين بعد زواجي تلخبطت .
بس فيه ناس سمعت انها ماناسبتهم هالعشبه وسببتلهم تقطع في الدم
ويارب هالشهر تبشرينا وابشرج بالحمال يارب ياكريم :yaaaaaarb:

 

[ابدا يالغالي مانساك]

حبيبتي وانا بعد سامعه هالسالفه ان تجدمت
فيه حمال ان شالله
وبعديا انتي ماقول تتاخر
بالعكس تتجدم وهذا شي زين
وش لج بالاطباء والمراجعات والحبوووووووب
خليج
وربي يحفضج ويرزقج يارب

 

[اللولو الغالي]

البارونه
دايم يقولون الدوره اذا تجدمت او تلخبطت
تدور الحمل وانتي عروس
اكيد بعد النفسيه تلعب دور لان العروس كل شي حولها يتغير

نصيحه لاتروحين مستشفيات وخرابيط
الوضع طبيعي
شربي جاي برقدوش
ينظم الهرمونات اللي بالجسم كلها وما يضر
انا مجربته
سوي سيرش بقوقل وشوفي فوايده من هالناحيه
موفقه ان شاء الله

 

[alhnan]

البسي تراجي او خاتم ذهب تنتظم انشالله

 

[mama-dodo]

اكيد لازم تروحين الطبيب في حبوب تنظم الدوره
وانا سامعه ان اذا دورتج جذي صعب الحمل

 

[البارونة شوشه]

مشكورين فديتكم
بنطر هالشهر وان تجدمتلي بروح الطبيب اتطمن بس ان شالله ماتجيلي الا بعد تسع شهور لووول
يجزاكم الله الف خير يارب

 

[**شيخه**]

نصيحتي لاتروحين الطبيب ولا شي

يمكن دورتج كل 25 يوم مو كل 30 يوم فتصير كل شهر تجدم 5 ايام

ان شاءالله ماكو الا العافيه

 

[ورده عنابيه]

اذا تبين الحمل مالج الا الطبيب بس اذا مومستعيله عالحمل خلاص الوضع طبيعي تجدم يوم اوتتاخر جم يوم عادي