كيف استخدم التحليل المنزلي ؟؟علموني

[البارونة شوشه]

مرحبا بنات

ابي اسأل عن التحليل المنزلي كلير بلو كيف طريقه استخدامه؟ وعاد انا غشيمه كلش ماعرف في هالسوالف هل يعني احط التحليل في العلبه اللي فيها البول لمده خمس دقايق بعدين اشيله من العلبه لين يطلعلي خط ازرق في اطار التحكم واستنى عشر دقايق لين يطلع الخط الثاني والا كيف مومفاهمتله عدل
اللي جربته تفيدني
وان شالله تكون النتيجه ايجابيه مع ان باقي على دورتي 3 أيام بس التحليل شريته وايدي حارتني غصب طيب الا ابي اجربه باجر الصباح :dلانو عادي استخدمه قبل الدوره بأربعه ايام وبيصير وقتها باجي يومين على موعدها

دعواتكم بناااااااااااااات

 

[-_-Designer-_-]

حبيبتي ما عندي فكرة عن هالتحليل انا سويت تحليل منزلي بس نوع ثاني مادري اذا نفس الطريقه ولا لا , بس انا ما استخدمت علبه فيها بول يعني من غير علبه ولا شي عليه على طول و وما طولت معاي النتيجه اقل من خمس دقايق , الخط الثاني اول ما يطلع يطلع فاتح بعدين شوي شوي يغمج وبس يطلع يعني حامل انشالله , وبعدها عشان تتأكذين اكثر سوي تحليل دم تطلع النتيجه 100%

 

[noo7a]

كلير بلو مو مستخدمته من قبل
بس مستخدمه انواع ثانيه
و كلها نفس الطريقه
ان احط التحليل بالعلبه الي فيها عزج الله البول لمده ١٠ ثواني على ما اعتقد
بعدين اشيل التحليل و اسكر راسه و احطه على سطح مستوي راح يطلع اول الخط الاول
وبعدين خلال ٥ دقايق او اقل تطلع النتيجه اذا في خط ثاني


والله يرزقج انشالله

 

[فرفشه منعنشه]

حبيبتي الطريقه سهله تكرمين على بول الصبح واذا تبين علشان النظافه وضمان امتصاص كميه كافيه من البول تبولي بقلاص وحطي الاختبار 10 ثواني وشيليه وردي الغطا وخليه على سطح متوازي بشكل افقي وانطري بس يشرب تطلع معاج النتيجه اذا خط فمعوضه اما اذا خطين ما يهم حسب نوع الاختبار اما الخطين يم بعض يعني علامه = او في انواع تكون + والاثنين يعني حمل وعلامه الخط الواحده يعني عدم وجود حمل ويفضل تقرينه فقط من 5 دقايق الى نص ساعه بالكثير بعدها يمكن يطلع معاج خط خفيف وهمي يسمي الخط المتبخر وهو مو حمل مجرد خط اذا طاف وقت حيل طويل على الاختبار والله يرزقج الذريه ويرزقني البنت الصالحه يارب

 

[البارونة شوشه]

مشكورين حبايبي والله يسهل عليكم ان شالله ويرزقني يارب
والله يكتب الافيه الخير ان شاءلله
دعواتكم

 

[مسك اسود]

بالاول لازم يطوف على الدوره يومين على الاقل,وتقدرين تستخدمينه اي وقت موضروري الصبح لان اكثر الاجهزه تعطي نتيجه 99%
انتي حطيه في علبةالبول ونطري جم دقيقه وراح تظهر الخطوط بسرعه ما تطول ويارب تطلع النتيجه ايجابيه ويرزقج ربي الذريه الصالحه اااااااامين

 

[البارونة شوشه]

تسلمين غناتي على هالدعوه الحلوه وبالنسبه للتحليل اللي شريته مكتوب عليه عادي استخدمه قبل موعد الدوره بأربعه ايام وان شالله ان شالله خير بس تدري فيني ايدي حارتني ابي اجربه وان شالله ربي يفرحني قولي أمين

 

[حالة استنفار]

الله يفرح قلبج ياارب

 

[البارونة شوشه]

مرحبا
انا سويت تحليل منزلي اليوم الصباح وللاسف طلعت النتيجه سلبيه وتحطمت اشووووي بس باقي على دورتي يومين بس من العيله اللي فيني سويت قبل لان مكتوب عالتحليل ان عادي تبين النتيجه قبل موعد الدوره بأربعه ايام ,الحمدلله على كل حال
بس بعدين قريت الروشته اللي تبع التحليل وقريت ان اذا كانت دورتي مومنتظمه المفروض انطر لين موعد الدوره واحسب اطول فتره جاتني فيها الدوره اهو مافهمت الكلام عدل بس ارتحت اشوي لان دورتي مومنتظمه صايره تتجدم بالاربع خمس ايام ولما شفتها ماتجدمت عن الموعد اللي طاف فقلت يمكن حامل
وحاليا احس بألالام الدوره بتنزل بس مايندرى دي اعراض حمل والا دوره بس ان شالله تكون اعراض حمل بحق هالاذان اللي اسمعه لاني متفائله خاصه من حلمة اختي فيني وانا مستبشره خير ومومصدقه التحليل ليلحين وخاصه ريلي متحميس يبي ياهل وكل مااقوله احس بأعراض الدوره يقولي تفاشلي يكن دي اعراض حمل
بس ان شالله بنطر لين موعدها واللي كاتبه ربي لي راضيه فيه وان شالله ابشركم
دعواتكم بنات

 

[ورده عنابيه]

الله يرزقج ويرزقنا اللهم امين