كيف اتعمل معهم

[رهف الالمعي]

كل وحده فيكم تقول كيف تتعامل مع عدوتها اذا كانت مستحيل تواجهك لكن تقوم تكيد لك وانتي غافله ودي اشوف نصاءحكم وتجاربكم

 

[آخـر إْلـعنقود]

للأفس الشديد

مآ اقدر افيد بنصآيح او تجآرب ..

لأن ما سبق لـي حدث معاي هالامر .. وصج يكيدون بس ما اعرف اتعآمل . :eh_s(10):

ولا عندي خبرة ..

نسمع من البنآت ونشـوف :ggdw:

 

[الأميرة كيرارا]

نصيحتي لج وهي نصيحة أمرنا فيها دينا
و شفت دكاكترة نفسانيين ينصحون فيها في برنامج أوبرا
سامحي من قلبج بينج و بين نفسج و انسي كل الي صار و انسي العداوات والله
و آنا أقولج إياها عن تجربة بترتاحين
ماراح يضيق خلقج إذا شفتي أعدائج و لا تكتأبين
و سبحان الله يمكن يصيرون أصدقائج

 

[كويتيه برونزيه]

حبوبه انت احسني النيه تجاها وخليج احسن منها

واذا سلمت ردي السلام

والله احنا ضيوف على هالدنيا

الله يهدي قلوبهم يارب

 

[أم توتو]

قولي هالدعاء (اللهم من ارادني بسوء فاشغله في نفسه ) احسن ماتدعين عليهم ترى مجرب والله يبعد عنج كيدهم

 

[Atooma.q8]

ما أتذكر أن مرة صار فيني هالموقف ..
بس لو صار فيني كنت راح أواجهها .. بس أكيد مو جدام الناس ..يعني مثلا أتصل عليها وأكلمها


يسلمووو الموضوع :ggdw:

 

[ޢޢޢإيمانޢޢޢะۣۨ>]

أسلم عليها وابتسم على طول وما أخليها تحس إني انضريت أو تضايقت
وشوفي شلون تنقهرررر​