كيف اتعامل مع الخدامة هانفجر خلاص

[#الماسه#]

السلام عليكم اخواتى انا جديدة بالمنتدى وعاوزة اعرف رايكم فى تعاملى مع الخدامة فانا عندى خدامتين سيرلانكية وهندية عمرهم 38 و 35 اعاملهم باحترام ودائما مبتسمة معهم ولما اطلب شي اقولهم لوسمحتى جيبى اوالله يرضى عنك نظفى وينامون براحتهم ومع ذلك دائما مكشرين ولما اناديهم لايردوا الا لما اروحلهم ويعملوا نفسهم مشغولين يعنى احس فى تعاملهم بعدم الاحترام المشكلة لوتشوفوا اخت زوجى كيف تعامل خدمها تستغربون فكلامها معاهم دائما اوامر وهواش ولو تاخرت احداهم فى الرد عليها او تنفيذ اوامرها تكفخهم طراقات على طول ولما تخرج لو التفتت ولم تجدها وراهم تمسح بيهم الارض لو احكى لكم موقف هاتعرفوا ليه انا هاطق من اللى عندى مره كنت عندها جالسين نسولف وطاح الشبشب من ريلها وهى تضع ريل على ريل فوجدت الخدامة تسرع وتاخد الشبشب وتضعه فى ريل اخت زوجى وهى بتكمل كلامها عادى ولا كان فى شى وان عيونى كانت هاطق من مكانها ولما شافتنى مستغربه قالتلى ان ده عادى وهى معلماهم على كده وانه لازم الشدة والحزم مع الخدم شايفين هى بتعاملهم ازاى وهما بيعملوا اية واللى عندى بيتصرفوا ازاى انا مش عارفه مين الصح انا ولاهى فى التعامل انتوا رايكم ايه وازاى بتعرفوا تتعاملوا مع خدمكم وهل فعلا الشده والهواش لازم مع الخدم

 

[**سهام**]

الحزم مطلوب لكن طراقات وهواش لا هذا راح يخليهم يحقدون وممكن لا سمح الله يضرونها وانتي احسن شي لج انه كل ما لاحظتي شئ مو عاجبج في تصرفات خدامتج تنادينها بهدوء وتفهمينها ان هالشئ مو عاجبج وما تبينه يتكرر وكرري الكلام عليها ليما تتأكدين انها فهمتج عدل. أماالخدامة اللي مو راضية تتعدل أو تعاند و دايما ترفع ضغطج هذي احسن شئ تودينها المكتب وتطلبين غيرها .

 

[غرام زوجي]

حبيبتي وين قاعدين الله مايرضى هم هذول بشر من حقهم انج تحترمين انسانيتهم مو تستعبدينهم
انا عني كوني حازمه باوقات محتاجه الحزم والوقت الباجي خلج طبيعيه هم هذولا بشر ومتغربين ودام ماسوو شي جايد مولازم تعنفينهم وتستعبدينهم بطريقة اخت زوجك

 

[توتو_الحلوة]

حبيبتي انا رأيي لأنج عاطيتهم عين فتمادوا كوني حازمة معهم وبنفس الوقت لا تعصبين عليهم يعني خليهم يسونلج الف حساب بدون طق شنو وين قاعدين حرام يطقون الخدم اهما مو بشر ، المهم مثل مايقولون شدي وارخي


بس نصيحة لا تدلعين الخدم زيادة ترى مو كفو >>> عن تجربة

 

[PuPa^^SWeeT]

اسلوبها اهيي غلط ( لأنه ممكن يسممونها ولا يذبحونها واهي نايمة )

انتي همن اسلوبج غلط ( يعني ما يمنع انج اتهاوشينها اذا شفتي شي غلط منها

مثل عدم الاحترام هذا مو مقبوول

اذا احنا بشغلنا كلمنا المسئولة علينا بندية تقعد اتورينا نجوم القايلة

انتي نفس الشي لازم اتعرفينها انه فيه اتيكيت و في احترام
واذا ماحترمووج انتي لا تحترمينهم و خلي ريلج يهاوشهم بعد مو انتي علشان اتخاااف

 

[سكر فتافيت]

الله يعينكم على الخدم ومشاكلهم
الوسطيه افضل شىء
والمهم تشوف شغلها وممكن تكأفى الى تحسن التصرف فيهم
لتحفذيهم على العمل

 

[برميتا]

خليج حازمة من غير زف وهواش
وتعاملي معاهم برسمية وعطيهم أوامر
لا تدلعين وايد ولاتشدين وايد

 

[غلا الروح79]

الله يعينج حبوووبه والله ماادرى شقوولج الخدم اذا دلعناااهم ابتلشنا واذا حقرنااهم هم ابتلشنا والله
يعينج حبوووبه

 

[#الماسه#]

اشكركم اخواتى على ردكم وانا هاحاول اكون اشد فى التعامل معاهم مع انى بحس بالخجل لما اهاوشهم يمكن لانهم اكبر منى فى السن بس انا هاتابعهم فى شغلهم واشوف يمكن الشده تجيب نتيجة معاهم بس اكيد طبعا بدون تكفيخ او طق لانى مستحيل اعرف اعمل ده

 

[Zen&7ala]

الخدم لا تدلعينهم يتمادوون و لا تعطينهم ويه والله ولا تسولفين معاهم خليهم جنهم موظفات

و وقت دوامهم مثلا يخلص الساعه 10 بس و يستلمون معاشهم و يخدمونج

اما سوالف و تنهوص و مادري شنو لا و لا تدلعينهم

ترى اهم عندنا بخير و نعمه نايمين ماكلين و كل شي عندهم و بديرتهم حتى سرير ماعندهم فلا تحاتين انتي

كاسبه فيها اجر لانج مسكنتها عندج و تخدمج و معطيتها معاشها