كيف أعتني بنفسي أكثر !!

[‏ḾĭŜŝ•»ậήảツ«]

صبـاح الورد ...

أهنن حبايبي :eh_s(7):

ودي تخبروني حابه أعرفَ كيف عنايتك بالمنطقة الحساسه من ناحية الغسول وشنو احسن نوع من

الصابون لانو بعض الصابون تسبب حساسيه وماتندرين شنو الافضل لك وانا بنت ابغى اعرف كيف

أهتم بنفسي أكثر ...

أبغى تفيدوني في هالشىء ...

يعطيكمـ ألف عافيه خواتي

ــــــــــــــــــــــــــــ

 

[نورمن نار]

مادري والله حبيبتي

 

[رقـة الاحسـآس]

عندج غسول سيباميد 3.8
طبي و خفيف و ريحته حلوه

الملابس الداخليه خليها قطنيه و بيضا
و فالبيت لا تلبسين او عالاقل وقت النوم خلي المكان يتهوا ههه

بعد كل حمام كرمتي نشفي عدل ولو تنشفين كمن مره المهم تتاكدين ماشي رطوبه
والافضل تستخدمين فوط صغيره وتخصصينها لهالمكان و تغسلينها و تعقمينها اول باول

حطي بودره جونسون < خذي العاديه مب المعطره
وعادي سكربي المنطقه واعتني فيها مثل ما تسوين بجسمج بس بالهداوه


رطبي المنطقه من برا طبعا بلوشن مب معطر
واذا حابه تعطرين المنطقه
تقدرين تحطين نقطه مسك فثنيه الريل من فوق من الصوبين وتحت السره بس لا تقربين من المنطقه وايد


وقت الدوره استخدمي الفوط القطنيه
ابتعدي عن اولويز

وقت ما تطلعين من البيت استخدمي الفوط اليوميه عشان تحافظين ع المنطقه جافه

وطبعا حفي المنطقه خليها دايما نظيفه من الشعر

 

[Laidy n3ooma]

بالنسبه لي اخصص فوط معينه لهذي المنطقه

واغسل بغسول فيم فررررش ( وقت الشور )

ووقت ماكون بالبيت اهوي المنطقه مالبس ملابس داخليه او وقت ماكون نايمه ((( وحسييييت بفرررق كبييييييييييير صراحه من ناحيه الافرازات والروايح )) تكون المنطقه متهويه مو مكتووومه اذا المنطقه مسكره على طول تسبب روايح كريهه

تقدرين تستخدمين كير فري .. انا ماستخدمهم لان مالبس بالبيت ولما اطلع وارد البيت على طول اقطهم بالغسيل

اما بالسفرر غيير حلو تودين معاج لان احيانا طول النهار برع

 

[سميره مملوحه]

نفس عنايتهم بالظبط

بس انا احط كريم مرطب داربولين

 

[الغدق]

حبيبتي أنتي بنت يعني مااتوقع بيكون عندج مشاكل او افرازات مثل المتزوجة
بس اهم شي اتنشفين المنطقة اذا دشيتي الحمام تكرمين واتخصصين فوطة مو بكلينكس
لأن ممكن يسبب لج حساسية والفوطة أحسن
وعندج غسول انتيمايت تقريبا جذي اسمه نسيت المهم انه بالبابونج وريحته حلوة
واتحصلينه بالصيدلية استخدميه مرتين بالأسبوع مو أكثر
ونفس ماقالوا البنات لبسي قطن أحسن

 

[enta 3omree]

استخدمي الغسول الطبي " أنتيمات "

يقضي على الالتهابات و البكتيريا

 

[غلآ نوآف]

بشكل يومي اغسل المنطقة الحساسة بغسول حميمي ينباع بالصيدليات
مثل كيرفري او سيباميد او فيم فريش وغيرهم كثير

مرة باليوم يكفي
ممكن تحددي وقت لهذا الشي
كانه يكون قبل النوم
وبعدها تجففي المنطقة عدل من الموية
وتحطي بودرة اطفال جونسون كلاسيك
وتتركيها تتهوى (تنامي بدون كلوت)
ولماتصحين اليوم الثاني وتاخذين شور

استخدمي الماي الدافيء
مع ملح خشن تذوبينه بالماي من اليوم الي قبله
بعدين تتشطفين فيه بمسح المنطقة بالماء المالح
بدون ماترجعي تشطفيه بماء صافي
وجففي نفسج عدل

وبوقت اليوم العادي
لماتدخلي تكرمين للحمام
ضروري تستخدمي منديل وليس كلينكس قدر الامكان
ف تجفيف المنطقة بعد غسلها بالماء
تكون مثلا معاج منشفة صغيرة تخصصيها للمناطق الحساسة وتجفيفها بحمامج

واستخدم بعد فوط كيرفري
يتركون الكلوت نظيف
ويجففون المنطقة من الرطوبة


والاهتمام وقت الدورة او النفاس لوكنتي حامل او والدة ضروري
جدا وهو الي يبان تاثيره ع المنطقة وع المراة

يعني
وقت الدورة اشرب شاي بالقرفة المطحونة والزنجبيل وشوووووووووووية فلفل ابيض ليس الاسود
مع شوية زيت زيتون او خروع مقدار نصف ملعقة صغيرة
مرتين الى ثلاث مرات باليوم

وادفي رجولي بلبس دلاغ
ابتعد عن البرودة عن المكيفات
والتسبح اول ثلاث ايام دورة
وما اغسل شعري ابدا
اكون حاسبة حسابي قبلها اني اكون مغسلته خلاص
حتى ما اضطر اسبحه وهي فيني لان مو زين خطييييييييييييييييييييير

ابعدي عن الغازيات والحمضيات مثل الليمون والبرتقال والكيوي وغيرهم
والاكلات العربية اللزجة مثل الملوخية