كيفية تنظيم ميزانية البيت تعالوا نتعلم

[حياة حقيقية]

السلام عليكم

مساكم الله بالخير ...

موضوع تم النقاش فيه مع احد المتزوجات .. وحبيت اثبت وجه نظري في الامر

اتمنى تفيدوني ابغى اعراف اني صح ولا غلط ...

ممكن تفيدونا بخبراتكم وافكاركم ..

كيف يكون تنظيم الامور الماليه ..

مصروف الزوجه كم .. وماذا يشمل . ملابس وعطورات ايضا ولا فقط خرج يد .. ماذا يعني مصروف للزوجه ؟ وهل هو كافي من وجه نظر الزوج والزوجه

ام قليل ام كثير ..الاشياء الضروريه الي تحتاجها الزوجه الشهريه والغير من ضمن
المصروف ولا توضع ضمن اساسيات المنزل ((سوبر ماركت ))

مصروف الاولاد في سن المتوسط كم يكون مبلغ معقول ,, مع وجود مصرف للجوال؟؟

مصروف للاطفال ..

نجي للبيت .. لو قسمنا ((مبلغ للايدامات )) -((مبلغ لسوبر ماركت ))- ((مبلغ للخضار ))

مبلغ للفواتير ..

الملابس للاهل البيت .. تأخذ شهريا ولافصل الشتاء .. وفصل الصيف ..
ولا حسب الاحتياج .. الكماليات متى يكون وقت شراءئها وكم يكون الانسان
معتمد مبلغ ..
منقووووووووووووووووووووووول لعيونكم
حبيت الموضوع وقلت ليه ماتكون لنا ميزانية محددة مثل الدول بحيث لانتجاوزها من اجل المظاهر فقط

 

[حياة حقيقية]

كثير من الزوجات ماعندها قلم وورقة لتسجيل ميزانية البيت الشهرية وتعتبر هذه العادة من اختصاص المصريين والسوريين مثل مانشوف في التلفزيون ؛ فليس هناك ولامشهد لخليجية تنظم ميزانية بيتها لماذا لانعلم ؛ لذا ياخذ الكثير من الجاليات عنا فكرة اننا جالسين على كنز نغرف منه مثل مانبي؛ وهذا الموضوع لتبادل الآراء في كيفية تنظيمك لميزانية بيتك بطريقة احترافية بدون ان تقصري عليهم ولا تفرطي بالفلوس ؛ وهذه قواعد بسيطة للمجالات التي تذهب فيها الميزانية
و تختلف الصرفية من شخص إلى أخر حسب
1- مبلغ الإيجار
2- أكل البيت أو المطاعم ( إلي يعتمد على أكل البيت أو المطاعم )
3- نوع السيارة ( ياباني إقتصادية أو أمريكي ( كابريس ) يصرف )
4- نوع الزوجة ( أسواق شعبية أو مولات و مجمعات ( ماركات ))
5- عدد الأطفال ( ولد واحد أو 7 أولاد )
واذا كان الموضوع قديم فليس هناك ضرر من إعادته للمتزوجات الجدد وكل واحدة تكتب لنا خبرتها في ادارة الاموال ودمتم بود
6- قضاء العطلات ( في البلد أو في الخارج )

و كلها تأثر على جيب الرجّال

 

[حياة حقيقية]

وهذا مثال توضيحي حسب ما ترغبين ..

رجل راتبه1150 دينارمثلاً ..

زوجته وعياله لهم ... خاصه بهم فقط للملبس ولأغراضهم اللي ماتخلص (250دينار )

اغراض البيت من ايدامات ومأكل ومشرب ( 300دينار )

فواتير هاتف وكهرباء وخلافه ( 200دينار )

اقساط جمعية وسيارة ( 250دينار)

مصاريف مطعم او تمشية اسبوعيه او اذا بغينا نكشخ عمرنا وقد يكون استقطاع للطوارىء (50دينار ).

وطبعاً فقير الله ( 100دينار )
...
وقد تتغير الخطه بتغيرات معينه حسب المناسبات ( زواج - خطوبه - عزيمه - احزان الله لا يجيب وهيك )


يالله خلونا نشوف مشاركاتكم*

 

[حياة حقيقية]

٦١ مشاهدة ولا في تعليق واحد ؛ ماعندنا نسوان تنظم ميزانية البيت يعني ؛ مين طيب الشاطرة اللي تدبر وتخطط لبيتها ياريت تدخل تفيد غيرها بانتظار مشاركاتكم

 

[miss swan]

اي والله ابي انظم مصاريفنا​

 

[قارورة عسل]

موفقة

 

[xxx]

موضوع مفيد

يعطيج العافية

 

[meshmeshaa]

السلام عليكم
بالنسبه لتقسيم المصرف ريلي عنده الخطه والتقسيمه
بس انا علي تقسيم مصرف البيت
اولا احنا عائله مكونه من 6 اشخاص 3 يهال وانا وريلي وطبعا الخادمه السادسه
انا عايشه بره الكويت بشكل موقت راتبي ينزلي مو كامل لاني مرافقه زوج لكن
يكفيني فعشان جذيه انا شايله نفسي ريلي يساعدني اذا ما عندي
بالنسبه لمصرف البيت يعطيني ما يعادل 300 دينار
انا اروح اول شي للسوبر ماركت الاسلامي عشان اللحم الحلال اشتري كل الاغراض
اللي ابيها لشهر من لحم ودياي وسمج وربيان واكون مسويه حسبتي جم كيلو ابي
وجم ديايه حسب ايام الشهر لان يوم السبت ما ناكل ايدام ريوق متاخر وخلاص
فتقريبا دايما يطلع حسابي 100 دينار الا شوي
فاشوف الفلوس الباجيه واقسمها علي اربع اسابيع تقريبا 50 لكل اسبوع
واهم شي عشان تلتزمين بالميرانيه تكونين حاطه جدول شنو بتاكلون بالاسبوع عشان
تشترين الاشياء المهمه وما اروح الجمعيه واخمط من غير ميزان واحاول اشتري 40 دينار
واخلي 10 دنانير لتناتيف الاسبوع حليب خلص او خبز
بالنسبه للخطه هي ناجحه 100 ٪ علي عددنا وخصوصا انا احنا بدوله اجنبيه يساعد انج
تشترين شوي مو نفس الكويت كراتين خضره وفاكهه وبالاخير كله معفن بالثلاجه
بس اي عزيمه حتي لو صغيره يعطيني ريلي بدالها فلوس خارج الميزانيه لانه حده حده
ومصرف اليهال يعطي كل ياهل 30 دينار يعني 120 دينار بالشهر
وفلوس للبانزين بالشهر 80 دينار :eh_s(10)::eh_s(10)::eh_s(10): اي 80 ادفعها علي مرتين
هني اترس السياره ديزل 40 دينار ومشاويري مو وايد
وبالنسبه لي انا ما اوفر اي شي معاشي طاير والحمدلله وريلي متكفل فيني بالاكل وفواتير التلفون
واذا نقصني شي للامانه ما يقصر
بالنسبه للتوفير هو ريلي يوفر من معاشه بتقسيمته
انا ما اساله عن اي شي مو عدم اهتمام بس ما يحتاج مساعدتي وتفكيري
بس اللي اعرفه انه يوفر مبلغ حلو
يعتمد بتوفيره علي الحرص يعني ما يشتري كل شهر ملابس واغراض وحتي اليهال دخله صيف او شتا
وملابس اذا في مناسبات
يشتري ماركات يقول اشتري جاكيتين ماركه ولا اشتري خمسه عاديين ويخربون بسرعه
يعني كل شي مدروس عنده :bbbiu: بالنسبه لي عكسه تماما ما اوفر وادبر الا بمصرف البيت
لاني اعتبره امانه

 

[هيفو777]

up up

 

[حياة حقيقية]

السلام عليكم
بالنسبه لتقسيم المصرف ريلي عنده الخطه والتقسيمه
بس انا علي تقسيم مصرف البيت
اولا احنا عائله مكونه من 6 اشخاص 3 يهال وانا وريلي وطبعا الخادمه السادسه
انا عايشه بره الكويت بشكل موقت راتبي ينزلي مو كامل لاني مرافقه زوج لكن
يكفيني فعشان جذيه انا شايله نفسي ريلي يساعدني اذا ما عندي
بالنسبه لمصرف البيت يعطيني ما يعادل 300 دينار
انا اروح اول شي للسوبر ماركت الاسلامي عشان اللحم الحلال اشتري كل الاغراض
اللي ابيها لشهر من لحم ودياي وسمج وربيان واكون مسويه حسبتي جم كيلو ابي
وجم ديايه حسب ايام الشهر لان يوم السبت ما ناكل ايدام ريوق متاخر وخلاص
فتقريبا دايما يطلع حسابي 100 دينار الا شوي

فاشوف الفلوس الباجيه واقسمها علي اربع اسابيع تقريبا 50 لكل اسبوع
واهم شي عشان تلتزمين بالميرانيه تكونين حاطه جدول شنو بتاكلون بالاسبوع عشان
تشترين الاشياء المهمه وما اروح الجمعيه واخمط من غير ميزان واحاول اشتري 40 دينار
واخلي 10 دنانير لتناتيف الاسبوع حليب خلص او خبز
بالنسبه للخطه هي ناجحه 100 ٪ علي عددنا وخصوصا انا احنا بدوله اجنبيه يساعد انج
تشترين شوي مو نفس الكويت كراتين خضره وفاكهه وبالاخير كله معفن بالثلاجه
بس اي عزيمه حتي لو صغيره يعطيني ريلي بدالها فلوس خارج الميزانيه لانه حده حده
ومصرف اليهال يعطي كل ياهل 30 دينار يعني 120 دينار بالشهر
وفلوس للبانزين بالشهر 80 دينار اي 80 ادفعها علي مرتين
هني اترس السياره ديزل 40 دينار ومشاويري مو وايد
وبالنسبه لي انا ما اوفر اي شي معاشي طاير والحمدلله وريلي متكفل فيني بالاكل وفواتير التلفون
واذا نقصني شي للامانه ما يقصر
بالنسبه للتوفير هو ريلي يوفر من معاشه بتقسيمته
انا ما اساله عن اي شي مو عدم اهتمام بس ما يحتاج مساعدتي وتفكيري
بس اللي اعرفه انه يوفر مبلغ حلو
يعتمد بتوفيره علي الحرص يعني ما يشتري كل شهر ملابس واغراض وحتي اليهال دخله صيف او شتا
وملابس اذا في مناسبات
يشتري ماركات يقول اشتري جاكيتين ماركه ولا اشتري خمسه عاديين ويخربون بسرعه
يعني كل شي مدروس عنده بالنسبه لي عكسه تماما ما اوفر وادبر الا بمصرف البيت
لاني اعتبره امانه
ماشاء الله عليش الله يبارك لكم في رزقكم ست بيت ممتازة وسند للرجل ياريت الحريم يتعلمون منك

 

[looksh]

خوووووووش موووضووع

بس دايما حطي ببالج قاعده

انا اذا شريت هالشي كم يبقى من معاشي وبكفيني لاخر الشهر

انا لما اسال نفسي هالسؤال اتراجع ومااشتريه او اجله للشهر الجاي

وموووفقه