كيس ماي عالمبيض

[HaNaN_kuw]

السلااام عليكم بناااات
انا كنت بسوي تلقيح صناعي للمرة الرابعه..وامس رحت الطبيب كان ثاني يوم دوره والا تقولي الدكتورة عندج جيس ماي عالمبيض حجمه 3.5 طلعلج من المنشطات لاني قبل شهرين اخذت 10 ابر منشطة.. اول مره اخذهم.. وقالتلي تعالي خامس يوم دورة اذا مانزل نعطيج حبوب منع الحمل عشان تنشفه
بنااات عفية شنو يعني جيس ماي انا من الصدمة ما سألتها شي
واااااااااايد قعد احاتي..
اسفه يمكن الكلام مخربط لان اول مرة اكتب موضوع

 

[ثنايا الورد]

حبيبتي عادي مايخوف وايد يصير عندهم اكياس علمبيض
ومع العلاج يروح انتي تابعي العلاج وان شاء الله يجيب نتيجه
وتسوين التلقيح وتبشرينا بحمالج يارب

 

[HaNaN_kuw]

حبيبتي مشكوورة الله يرزقج ويفتحها عليج ياارب.. بس بسالج اذا عطتني حبوب منع الحمل ماتاثر علي.. انا بروحه تبويضي ضعيف:eh_s(16):

 

[قمر كويتي]

الله يرزقج يارب بالحمل السليم بالقريب العاجل يارب

 

[hazel eyes]

حبيبتي عااادي انا كان فيني جيس ماي ع المبيض وعطتني الدكتوره حبوب ياسمين مالت منع الحمل وراحت
بس في طريقه ثانيه تخليها تروح والدكاتره مو معترفين فيها اهو انج تكثرين ماااااي شربي قد ماتقدرين ماااي ويروح الجيس

 

[HaNaN_kuw]

يزاااااكم الله خير بنات عسى الله يرزقكم كلكم يااااارب ويفتحها عليكم ويعوضكم بدرزن يهااااااااااال:eh_s(17):

 

[aseel &soso]

حبيبتي حنان انا كان عندي كيس ماي على المبيض نفس حجم الكيس مالك وقالتلي ينزل مع اول دوره تيجيكي بس سبحان الله صار حمل معي بنفس الشهر وما نزل وصار حجم الكيس يكبر مع الحمل بعدين بس دخلت الشهر الرابع عملت عمليه لازاله الكيس لانو حجمه وايد كبر مع الحمل الله يرزقك الذريه الصالحه

 

[boliana_q8]

انا صار فيني جيس من الكلوميد
بس كان يطيح مع الدورة
واخر مرة صار فيني على مبيضي اليمين جيس
بس الحمدالله طاح
انتي اخذي الحبوب عشان يروح الجيس
وبعدها اخذي ابر منشطة وان شاء الله تحملين

 

[حلوة الاخدود]

حتى انا اليوم يوم ١٢ الدوره ورحت اكشف لتبويض
ولا الصدمه دكتوري يقولي بمبيض اليمين ٣ بويضات اكبرهم ١٠ مل
وحاكرهم كيس ماي حجمه ٢ ونس والمبيض اليسار الحمدلله في بويضتين حجمهم يبشر بالخير
عطاني حبوب فيهم شريطهم مدور فيهم حبوب احمر وابيض قالي اخذي الحبوب الحمر من يوم١٤
لمن يخلصون وان شاءالله يروح الكيس ..وراجعه الدوره الثانيه ونشوف الكيس راح او لا .. حيييل احاااتي
وبعد قالي اذا ماراح يعطيني حبوب مانع لمدة شهرين ...

 

[عادت ذكرياتي]

الله يرقج الذرية الصالحة


أب

 

[HaNaN_kuw]

مشكوورين كل البنات اللي ردوا علي. الله يرزقكم باللي تمنونه يارب. باجر ان شاءالله موعدي ادعووووووولي ان يكوون نازل من روحه ومااحتاج حبوب مانع

 

[Hanan82]

اختي الله يوفقج يارب ويرزقج الذرية الصالحه ، ولا تخافي من الكيس لان في حريم وايد يحملون
فوق الكيس ، وان شا الله ربنا يرزقج وتزبط هالمره ، بس شو سبب فشل التلقيح ؟ وعند اي دكتور تساويه؟

 

[رووح ابووها]

الله يرزقج ان شاءالله

 

[HaNaN_kuw]

اختي الله يوفقج يارب ويرزقج الذرية الصالحه ، ولا تخافي من الكيس لان في حريم وايد يحملون
فوق الكيس ، وان شا الله ربنا يرزقج وتزبط هالمره ، بس شو سبب فشل التلقيح ؟ وعند اي دكتور تساويه؟

هلا حبيبتي ..اول مرة عند فوزية القطان .. والمرتين اللي عقب عنده دكتوره عندها لان فوزية ماكانت موجوده..
حبيبتي مافي سبب كل شي كان زين حتى الدكتورة مستغربة بس هذي ارادة الله..

 

[Hanan82]

ياللا اختي ان شا الله خير وربنا يرزقنا ويرزقج .

 

[dodo2011]

حبيبتي انا انصحج قبل لاتاخذين حبوب اوتسوين عمليه تروحين لوحده اسمها ام فيصل عندها علاج ينشف الكياس بنسبة ميه بالميه ماراح تخسرين شي جربي واذا مانفع معاج اخذي الحبوب انا وحده من جماعتنا سوت العمليه علشان تشيل الكيس وبعد ماشالوه قالولها طلع واحد ثانيوبعدين جبتلها علاج ام فيصل وقالتلي لو انها ماسوت العمليه كان راحت الاكياس بنسية ميه بالميه بس بعد ماتسوين العمليه تصير تنبت مره ثانيه بس حبيت اقولج وانتي على راحتج

 

[HaNaN_kuw]

حبيبتي انا انصحج قبل لاتاخذين حبوب اوتسوين عمليه تروحين لوحده اسمها ام فيصل عندها علاج ينشف الكياس بنسبة ميه بالميه ماراح تخسرين شي جربي واذا مانفع معاج اخذي الحبوب انا وحده من جماعتنا سوت العمليه علشان تشيل الكيس وبعد ماشالوه قالولها طلع واحد ثانيوبعدين جبتلها علاج ام فيصل وقالتلي لو انها ماسوت العمليه كان راحت الاكياس بنسية ميه بالميه بس بعد ماتسوين العمليه تصير تنبت مره ثانيه بس حبيت اقولج وانتي على راحتج

حبيبتي مشكورة عالنصيحه.. انا قالتلي الدكتورة حبوب منع ومايابت طاري العملية.. بنطر لي باجر ان شاءالله يكون نازل لان صج واايد قعد احاتي سالفة الحبوب