كيس دهن.!

[ريـ 1985ـم]

السلام عليكم ورحمة الله وبركاته

أنا قبل فتره طلعلي كيس الدهن في منطقة الثنيه اللي بالفخذ من فوق وهي صايره جمب المنطقه الحساسه

ولكنها بالثنيه عند عضمة الحوض واذا لمستها او ضغطت عليها تعورني..

وبعد فتره راحت والختفت..

والحين رجعت بنفس المكان ولكن بالجهه الحوض المقابله ..ونفس الشي تعورني اذا ضغطت عليها ..

رحت وفحصت عليها قالي انها كيس دهن ولازم اسوي عمليه وعطوني موعد

يعني اللي مجربه تنصحني اني اسويها ومالها اضرار حتي لو ماسويتها اهيا مشكلتها بكل مكان تطلع

بين فتره وفتره اخاف اسوي عمليه وتروح وتالي اترد بمكان ثاني هم اسوي عمليه .!!

واللي يعافيكم فيدوني اسوي ولالا.؟!

 

[كل شي فيني اكتمل]

للرفع

 

[miss t]

حبيبتي ترى امرها هين انا سويتها بعيني شلت ثنتين بوقت واحد وسولي تخدير موضعي

واعرف وحده طلع لها بين الاندر ارم والابط وشالتها

والطبيب نفسه مايقدر يحدد اذا بتطلع لج مره ثانيه او لا

لانها تجمعات دهنيه

وانا الي عند عيني كانت تلتهب مع الغبار ولا شي وتعورني واعالجها وتخف لييين كبرت وصارت واضحه رحت شلتها

ماعليج شر ان شاء الله

وعلى فكره من اسباب الاكياس الدهنيه العين يعني ارقي نفسج وسبحي بماي بحر كل اسبوع او اسبوعين مره

وهم الاكل الدهني والفاست فود حاولي تنظمين عمرج فيه

انا صرت كل ويكند اذا هفت نفسي خذيت

وان شاء الهل باقي البنات يفيدونج