كيس دهن تحت الجلد..

[MISS DaL3]

مرحبا كويتيات الموضوع من العنوان واضح
احس ان تحت جلد ايدي نفس الكورة من زمان وتعورني ع الخفيف عاد اليوم طلعت من دوامي مبجر قلت خل اروح اشوف شنوو هذا؟؟
قالي الدكتور كيس دهن ؟؟وعطاني موعد ب الحكومة شهر 5 طبعا ما راح اسويها بحكومة بروح خاص ...
بس بعرف انا توي صغيرة 18 سنة تنصحوني اسويها الحين ولا انطر..
واذا احد مجرب يشيل كيس الدهن من قبل يقولي تجربتة
بليز بنات​

​

 

[faded]

امممممممم

انزين لاتستعيلين سألي دكتور ثاني

ولا تدرين شلون

روحي مستوصف الجليديه الي بالفروانيه شوفي شنو يقولج

وبعدين دام حط لج موعد شهر 5 حكومه احسن من خاص

والله يشفيج ان شاء الله

 

[MISS DaL3]

مشكورة حبيبتي

 

[أم حمني المزيون]

بنتي عمرها 6سنوات ونص توها من شهر كان فيها كيس دهن في ظهرها وشلناه لها بمستشفى الأميري والبنج كان موضعي ب3 غرز تقريبا ..والحمدلله افتكينا وكان يقوللي الدكتور يمكن اذا ما شلتيه يكبر أو يلتهب أو يمكن يتم نفس ما اهوه بس آنا فضلت انها تشيله ونفتك .....وأي سؤال آنا حاضر حبيبتي...ترى كنت نفسج خااايفة على بنتي واهي هم حدها صغيره على هالشي بس طلع شي بسيط ولله الحمد....وعدت.....

 

[شندوخه]

عادي لاتحاتين شيليه وارتاحي وجيس الدهن موشي يخرع بس لاتنطرين لم يلتهب ويتعبج ويسببلج حراره

 

[ii DareeN ii]

عادي شيليه ترا سهاله حيل يشيلونه بالحوادث ساعات ويسونها صج حق اليهال عادي وسلامات مقدما

 

[MISS DaL3]

شكرا بنات ع ردودكم ..
ام حمني حبيبتي شلون صار شكل الغرز بعدها بفترة يعني يعلم وايد..
واتنوم فيها ؟؟مادري حدي خايفة