كيس داخل الرحم

[ماعرفتك زين!!]

السلام عليكم شلونكم بنات
امس رحت الطبيب بس جذي بجيك وناويه احمل ان شاء الله سوالي سونار خارجي ولايلقى كيس داخل الرحم(موتكيس عالمبيض ( لا كيس داخل الرحم ماادري فهمتوني ولا لا وبعدين قالي انتي حامل قلتله ماادري انا الدوره موعدها بعد 4 ايام ومو حاسه بشي وعطاني تحليل هرمون دقيق للحمل وقالي سويه وتعالي وطلعت مو حامل وبعدين سوالي سونار داخلي وقالي هذا الكيس شفتيه؟؟
وانا اول مره يصير فيني هالشي وعطاني حبوب اكلهم وقالي اذا نزلت الدوره تعالي لي
بنات شنو يعني كيس داخل الرحم؟وشنو سببه؟؟وهل ممكن اكون حامل وتحليل الهرمون مايبين؟مع انه حيل دقيق ؟؟ انا باقي على دورتي 4 ايام؟
تكفون طمنوني الله يطمن قلوبكم

 

[خشف العوازم]

ما ادري والله .. ان شالله البنات يفيدونج ~
سلامتج ماتشوفين الشر

 

[جديده 1]

جان صبرتي شوي يمكن حامل

 

[عروسة داجه]

والله مادري بس دخلت عشان ادعيلج
عسى ربي يوفقج و يرزقج بالذرية الصالحة
و اصبري هالجم يوم و عسى النتيجة خير

 

[حنان1983]

ممكن حمل حبيبتى انصحكج تروحين لدكتور زين واهو اللى يعرف اذا ممكن كيس جنين ومو مبين بالتحليل الحمل لانه فى اوله ولا شنو اهو ؟؟؟

وما يجيك الا الخير ان شاء الله

 

[لعبير]

حياتي تأكدي أخاف تكونين حامل الله يرزقج​

 

[chobits.19]

اعتقد قصده كيس بدون جنين
وشنو الحبوب الي وصفها لج ؟


ربي يوفقج ويكتب لج الي فيه الخير >>>

 

["*آآآنؤؤؤقهـ*"]

اييييييييي حاامل توج انتي .... انطري لمن تعدي موعد الدوره وحللي ..........

واذا مو حمل يطيح هالكيس مع الدوره عاااادي ...

 

[ماعرفتك زين!!]

شاكره مروركم خواتي وماقصرتو والله
بس انا بسالكم هل ممكن تحليل الهرمون الدقيق ممكن يخطي؟ مع انه الدكتور يقول دقيق 100 بالاميه !!

 

[غرام 2009]

بصراحه تحليل الهرمون دقيق وهذا كيس عادي بس ربي يعوضك ويرزقك بالذرية الصالحه لأني انا حملت وعملت تحليل هرمون الحمل من يوم عرفت انه الدورة متاخرة بيوم وبين عندي عالي بس فقدت حملي لان كان غير سليم بس التحليل سليم ياقلبي لا تحاتين ربج يسهل وربي مايقصر فديتج

 

[فرس86]

Hello
Am adoctor working in the obstetric and gynecology hospital
If u want u can send me ur report and i can tel u
This is most probably called mollar pregnancy !!
Bt before answering can u just tel me a little about the symptoms u r having
Am sorry but my ipad is not writing in arabic
Dr.frs

 

[&هند&]

حبيبتي لا تاكلين الحبوب رفيجتي جذي قالو في جيس والهرموني ما بين ونطرت عشرين يوم والحمدلله طلعت حامل وبالرابع ،،،،

 

[ابدا يالغالي مانساك]

ان شالله حامل نطري ليما تتاخر الدوره
عليج وعيدي التحليل

 

[لجين]

حبيبتي الكيس شي عادي ويصير باغلب الحريم ولو حامل يبين بالتحليل الهرموني

روحي اذا نزلت الدوره ونزلي الكيس بالادوبه والعلاج

والدورة هيا الفاصل واذا حمل الف مبروك

 

[روعة خيال]

و اذا تحليل حمل هرموني؟!

اخطأ فيني و في عمتي

و طلعنا صج حمّل بس انا اجهضت و عمتي تم حمالها

 

[وحش سعود]

حبيبتي اذا الدوا الي عطاج اياه الدكتور دوفاستون اكليه
اذا غيره لاتجازفين
انا تحليل الحمل الهرموني كان خطا معاي
لدرجه كنت تعبانه وقالت الدكتوره هذا مكان حمل او التهاب
سويت تحيل ماعندي التهاب وتحليل حمل طلع مافي قالت بعد يومين تعالي وعادت التحليل وبعد مافيه
وسبحان الله كنت حامل بولدي الله يحفظه
الله يرزقج الذريه الصالحه

 

[عطر الدوحه]

هم انا سويت تحليل هرموني قبل الدوره باسبوع طلع ماكو حمل

ونطرت لين تاخرت والحمدلله طلعت حامل

بس انتي لاتاكلين لاحبوب ولاتشربين شي ينزلها


لان اذا ككيس بالرحم موجود يمكن حمال

 

[أم زايد ويزن]

ممكن حمل حبيبتى

 

[@ام يوسف@]

ان شاء الله حامل اختي متأخره عليها الدوره واتحلل هرمون مافيها حمل والهرمون نازل واللحين الله يتمم عليها بالثامن

 

[زين ودلال]

حبيبتي نطري يمكن حامل لان تو الناس على الجنين على مايبين في ناس مايبين الا 8 9 اسابيع