كيس حمل واقف النمو

[عليك توكلت]

السلام عليكم ورحمة الله وبركاته
اشلونكم كويتيات انا صارلي فتره مادخلت المنتدى
لظروف خاصه فيني والحين الحمدلله كل شي اوكي
عندي استفسار وابي مشورتكم يزاكم الله خير
انا دورتي الحمدلله مضبوطه وتيني بموعدها ماتاخر ولا يوم
الشهر اللي فات دورتي دوم واحد انزلت وغسلت منها وعقب يومين نزل مني مثل الخيط دم كرم الله النعمه وكرمكم مثل خيط الزغفران دم
وعقب يالي الم في خاصرتي اليسار الم وعقب اسبوع يالي الم قطع بطني من شدة الألم بخواصري مثل السچاچين فتره بسيطه وراح يعني نص يوم وخلاص راح رد لي الم خاصرتي اليسره رحت لطبيبة نساء بتاريخ 3/14 قبل الدوره باسبوع
افحصت علي من تحت وقالت كل شي زين وحولتني لطبية السونار وسوتلي سونار مهبلي قالت في كيس بالرحم
كيس حمل قياس الكيس7.2
واخذت علي تحليل حمل رقمي مافي حمل قالت عيل يمكن هذي لحميه اسويلج تنضيفات اليوم تاريخ 3/19 انزلت الدوره بموعدها بالضبط لانها تيني كل يوم 19 من كل شهر
بس حيل قليله
اشرايكم بنات بكلام الطبيبه اهيا طبيبه استشاريه بعد ما اغسل من الدوره بروح اطلب منها سونار مهبلي بشوف وضع الرحم شنو
احد منكم بنات مرة عليه حاله مثل حالتي ؟؟

 

[عليك توكلت]

اشلون حمل واقف النمو قبل الدوره باسبوع مايمدي اصلن

 

[عليك توكلت]

احد مرت عليه نفس حالتي

 

[عليك توكلت]

بنات انطر ردودكم على احر من الجمر انا بره الكويت عايشه

 

[عليك توكلت]

بنات 214 مشاهده ولا رد واحد ليش كويتيات ماتوقعت هذا. منكم

 

[@سيدة نفسي@]

استخيري ربج وسوي تنظيفات البنات ماراح ينفعونج لأن وضعج خاص بس انا مستغربة شلون ماشكيتي

بالحمل لأنج تقولين دورتج الأولى يوم واحد فقط واللي أعرفه ان الألم بالخاصرة حمل خارج الرحم بس طبعا

الدكتورة أبخص مني ومسوية سونار وشايفة الرحم من داخل واذا تبين تتطمنين أكثر روحي دكتور ثاني وشوفي

شيقولج والله يشافيج ويعافيج ان شاءالله

 

[نجمة فجر]

اذا مافي هرمون حمل مافي حمل
والدكتوره اعلم

الله يعوضج خير