كيس حمل بدون جنين

[Fash!on Queen]

السلام عليكم

مرحبا بنات.. بغيت اعرف اذا وحده صار لها مثلي و شسوت..؟؟

الله يسلمكم انا حامل بالاسبوع الثامن و لين الحين ما بين الجنين و لا حتى نبضه..و الدكتورة قالت لي ان عمر الجنين في السونار 6 اسابيع و المفروض هالوقت يكون فيه نبض بس مب مبين الا كيس الحمل!

قالت لي نطري اسبوع و اذا ما بين بنزلج اياه

شرايكم؟؟ انا قلت بنطر اسبوعين و بعدين بروح اسوي سونار بس الموضوع شاغلني وايد و نفسيتي صارت زفت

 

[مدمنة ككاو]

وايد مستعيله هالدكتوره شفيها !!!

ما عليج منها نطري لي الاسبوع التاسع او العاشر وبعدين روحي سوي سونار وبتسمعين النبض ان شاء الله بعض الاجنه ما يبينون بسرعه
انا بهالحمل تاخر نبض الجنين عادي

 

[ام بوحنة +]

رد : كيس حمل بدون جنين

لا حبيبتي نطري اشوي

يمكن الحمل متاخر واقل من 6 اسابيع

النبض يبين من الاسبوع السادس الى التاسع تقريبا

 

[Fash!on Queen]

جزاكم الله خير طمنتوني ..

 

[+ Gloom +]

رد : كيس حمل بدون جنين

انشالله خير ويارب يطمن قلبج ويفرح قلبي بالتوم الصالح يارب

 

[*Little**Angel*]

انا صار لي مثلج بالضبط
رحت بالاسبوع 8 وقالت ماكو نبض وما في جنين والكيس حجمه 6 اسابيع
وعلى حسبة الدورة ومتى حللت تبويضي مو متاخر
وقالت لي هذي حالة اجهاض منسي وخلال ايام راح نزل عليج دم
بس بخليج اسبوعين احتياط
وبعد يومين بالضبط نزل علي دم ورحت المستشفى وقالوا لي نفس الكلام

وبعد اسبوع زاد الدم وسويت تنظيفات

 

[cherry67]

اذا مافي جنين والكيس فاضي معروف تنظيفات على طول من غير حجي الأني مرة حملت وصارلي 3شهور ولما راجعت الطبيبة وسوت لي سونار شان تقولي ما في نطفة ولازم تنظيفات وكان كيس فاضي وحتى سالتها واذا ما سويت التنظيفات شان تقولي مو زين حقج لأن بيأثر على صحتج وسويت عملية تنظيفات على طول

 

[احب المنتدى]

رد : كيس حمل بدون جنين

الله يعوضج

 

[virgo88]

عسى الله يطمن قلبج يااارب

 

[كويتيه مذهله 87]

يمكن تبويضج متأخر

نطري بعد اسبوعين لا تستعيلين

,,,

 

[بقايا شهد]

ياقلبي نطري
اقل شيء الاسبوع التاسع يبين الحمل والنبض
انا مابين الا نهاية الشهر الثاني

 

[حبيبي عبووودي]

رد : كيس حمل بدون جنين

لا لا تستعيلين اكيد ما يبين شي انا توني داشه الشهر الثالث وسويت سوناري يطلعلي جيس صغيرون بس حتى اللي داخله ما يبين عرفتي بس اللي طمني انه شفت النبض القلب يدق لا تستعيلين نصيحه روحي حق دكتورة معصومه بدار الشفا وتاكدي وانشالله خير يا رب

 

[دانة الغواص23]

رد : كيس حمل بدون جنين

لاحياتي ماعليج منها عاااادي انا ماعندي خبرة بس انتي نفس رفيجتي قالولها مافي نبض بالمرة وهي بالثامن ولازم ننزل الكيس بس سبحان اللة خيرة ان طاف موعدها وماراحت لهم وبس راحت مستشفى خااااص قالولها فيج بنت حررراااام بنات مقدرت تمسك نفسها بجت بجي يقطع القلب وقالت لو انا رايحة حق الجزارين جان نزلوة حسبى اللة عليهم اصلن ماهمهم تقولون حاملين بعصافير موبشر وهذى يصير ياقلبي لان الجنين يكون هادى بالبطن ونايم على قولت امي خخخخخخخخخخخخخ

 

[sweet fashion]

والله ماادري
بس انا كنت جذي مثلج ورحت لماجده اليتامي وقالت لي ماكو جيس اساسا طلع اجهضته
بس نطري اسبوع وجيكي علي نفسج ان شاءالله خير لاتتشائمين
دام ماينزل عليج دم اجل انتي بخير ان شاءالله

 

[Fash!on Queen]

فديتكم بنات والله ريحتوني و رفغتو معنوياتي..و صح كلامج اختي Sweet fashion مادام ماينزل علي دم ان شاءالله ما يكون اجهاض

 

[رحمانكq8]

رد : كيس حمل بدون جنين

حبيبتي والله حاسه فيج الله يصبرج يارب

رفيجتي سمعتها مره تسولفلي عن حملها ان ماشافت جنين ونبض لي الثالث

وفي وحده قريت عنها ببمنتدي اهني بين معاها بلاسبوع العاشر

نطري وصبري ةخليج قويه يعني لا تعشمين وايد عشان ما تحبطين ولا تصيرين متشائمه ربي يرزقج وصدقيني ان نزل اكيد فيه اذي لج والله صرفه عنج*

 

[BiiShOoO]

انا صار معاي جذي بس نطرت بروحه و بعدين نزل سبحان الله و الله يعوضني ان شاء الله

 

[سُوالفي حلوة]

شوفي حبيبتي انا حاسه فيج مررررريت بهل سالفه اول موعد اخذته عند الدكتور سويت سونار قالي كيس بس مافي جنين تدرين بغيت استخف برج من عقلي طاااااااار والله امشي وكلم نفس اتعرفين حتى النساة اتنسى عادي ولوعه وقالي خلال اسبوعين راح ينزل عليج دم مروو اسبوعين ومانزل الدم رحت دكتور ثاني نفس الكلام بس عطوني فرصه بعد اسبوع ويمر الاسبوع وسوي سونار بعد مافي نبض وجذي لين وصلت الاسبوع العاشر سويت سونار عند وحده مختصه قالتلي ولاتخلين نفسج لازم اتروحين المستشفى وهم ينزلزنه وفعلا رحت وهناك شافو التقرير وسولي سوناااار وحطولي تحاميل نزل علي اقطع اقطع دم لين ثاني يوم بعدها الدتور كشف علي وطاح الكيس وسولس سونار يبون يتاكدون اذا في بقايا قالو في لازم تنضيفات وسولس التنظيفات وبعد التنظيفات ابي اتبول تكرمين احس بحرقه فالفازلين كان اطخخ الحرق والحمد لله على كل حااااااااااااااااااااال شوفي نفسج لاكن اذا خلاص بعدها قالولج لاوم ينزل الكيس فلازم عشان صحتج ماتدرين الخيرة وين صدقيني الله يحبج.

 

[Fash!on Queen]

بنات نزل علي دم اليوم الصبح :eh_s(11):

طبعا حسيت ان خلاص قلبي بيوقف و قلت هاي اكيد اجهاض..والخيرة في ماختاره الله

رحت الطوارئ الظهر و سو لي سونار و قالت لي كيس فاضي بس موجود في مكانه نطري اسبوعين بعد!!!

طيب و الدم الي لين الحين م وقف؟؟!! قالت مب شرط اجهاض هاي يصير احيانا :bbbiu:

بنات الدم الي ينزل مثل دم الدورة و الم مثل الم الدورة!!! والله احترت و تعبت و النفسيه في الحظيظ

لا حول و لاقوة الا بالله

 

[Fash!on Queen]

تذكرت اني خذت بندول اكسترا امس :eh_s(2): تتوقعون منه ؟؟؟؟