كيس بدون جنين

[مسك العطور]

السلام عليكم

منو صارلها انها سوت سونار وطلع كيس بدون جنين ؟؟ علي ست اسابيع

الدكتوره تقولي نعيد السونار عقب عشر ايام

 

[wardia]

حبيبتي ساعات ما يبين الجنين يكون بس جيس انا جذي سويت سونار بالاسبوع الخامس، كان بس جيس بعدين سويت بالاسبوع السادس كان كلش نقطه بالغصب بين فنطري وان شالله يبين

 

[مسك العطور]

بعد عمري ورديه علي ردج وان شاءالله تكونين صح انا حيل متوتره خاصه اني حملت قبل بكيس بدون جنين وقتها كنت بالثالث

انا رحت اليوم حللت هرموني في ابن سينا طلعت النتيجه 2168

عاد ما ادري هالنسبه حق اي اسبوع ياليت اللي تدري تقول بنات بليز
وبعيده عقب باجر عشان اشوف يتضاعف الرقم ياارب

 

[اختكم نونا]

متى اخر دوره لج

وعادي حبيبتي يمكن صغير مايبين الحين نطري عالاق الاسبوع الثامن يبين النبض

 

[مسك العطور]

هلا نونا

19 /2

يعني المفروض بالاسبوع الثامن؟؟؟

الله يسمع منج ويرزقني ويهون عليج

 

[اختكم نونا]

انتي متاكده اخر دوره لج ١٩/٢ ؟؟

لانه اذا اخر دوره لج بدايتها ١٩/٢

معناته انتي بالاسبوع الثامن والمفروض يبين النبض


روحي راجعي استشاريه احسن وشوفي جم عمر الجنسن بالسونار

 

[مسك العطور]

اي هذا اللي مضايقني ان الكيس فاضي
تقول يمكن صار التلقيح متاخر فباجر بسوي تحليل هرموني وتاكد تزيد النسبه او لا
مع انها قالت بالسونار مبين عمره ست اسابيع

انا ناويه اروح لدكتوره سكينه بعد التحليل الهرموني ان شاءالله

 

[mrs.abk]

طمنينا أختي شو صار عليج

 

[Princess S]

الله يرزقج الذرية الصالحة طمنينا

 

[مذهلة2013]

حبيبتي نطري جم اسبوع

 

[loolii.]

الله يطمنك عالجنين

 

[كوكيز بالكريمة]

الله يبشرج بالحمل السليم و كل من تتمنى يا رب

عادي ياقلبي صارت معاي و نطرت أسبوعين تالي بان معاي بالسونار و قالوا لي حمل متأخر بس أهم شي سوي تحليل هرموني تالي عيديه بعد ثلاث أيام وشوفي اذا ارتفعت النسبه معناته اكو حمل إن شاءالله

بس تطمني و ادعي الله سبحانه و طمنينا عليج

 

[عيوني لك~]

بالاسبوع الثامن يبين النبض ٫٫ الله يطمن قلبج يارب

 

[أم زايد ويزن]

عادي صارت معي
وعدت الكشف بعد أسبوع وبان النبض
لا تخافي