كيس بالمبيض

[أفانين]

السلام عليكم عندي استشارةللي تعرف ياليت تقولي...امس رحت للطبيبةلان الدورةمتاخرة تقريبا10 أيام وسويت تحليل بالبيت مافي حمل....قالت المبيض اليسارفي كيس يمكن يكون كيس ماء اوالتبويض عندج عالي ننطراسبوع وسوي تحليل دم المهم اليوم انزلت الدورة ماادري شنواسوي؟؟؟هل انسى موضوع الكيس ولالازم اراجع؟؟وشنوممكن استخدم اعشاب معينه؟؟علماهذي اول مرةيصيرمعاي جذيه والحمدلله عندي عيال وياليت اذا ام خالدللاعشاب ترد علي وجزاكم الله خير

 

[مناي]

شربي عشبة المدينه وايد زينه
ولازم تراجعين الطبيبه عشان تتاكدين من الكيس عالمبيض

 

[nov-moon]

حبيبتي لا تهملين المضوع الجيس خطر يسبب تسمم شوفي يا يعطونج دوا و يروح او يشيلونة

ان شاء الله يروح مع العلاج

 

[لوراااا]

عادي انا كان فيني كيس ماي واخر الدوره وقال الطبيب راح ينزل معاها بس مانزل ورحت لمره الله يجزاها خير وسوتلي مرخ وانبط الكيس ونزل مني ماي بس مو على طول بعد 3ايام مرخ انبط بعد يومين بس كنت خالصه دوره وتقول الافضل تكونين باليوم الخامس عشان الرحم يكون لين وتقدر على الكيس بعدين سويت سونار عشان اتاكد والحمدلله راح

 

[أفانين]

جزاكم الله خيرعساكم ماتشوفون شر ....منواللي تمرخ؟؟

 

[لينا]

وعليكم السلام والرحمه
ماتشوفين شر يالغاليه.. دام الحمدالله نزلت الدوره دليل نزل معاها
بس انصحج ياختي لا تهملين روحج .. وحاولي تردين لدكتور اللى قال لج
وان شاءالله ما تحتاجين علاج

 

[منور الإماراتية]

والله ماعندي خبره

بس اتمنى الاخواات ايفيدوونج

^^

 

[سعودية بالكويت]

ماعندي فكرة بس من خلال ماسمعت

بعض الأكياس تنزل مع الدورة وبعضها

بعد المرخ سبحان الله تروح بس الأكيد اللي لازم

تسوينه تتابعينه عند الدكتورة وتشوفين رأيها

بالنهاية هي أبخص وتفيدك ..

والله يشفيك منه وتبشرينا قريب ..​

 

[hanona]

انا كان فيني كيس على المبيض اليسار لان الدورة كانت مثل النزيف وعوار وبعدين من راجعت الطبيبه عطتني علاج وتحاميل وحبوب منع الحمل عشان الكيس
وبعدين سوتلي كوي حق القرحة وعطتني بعدها كريم داخلي ولما اخلص من لكريم الداخلي احط تحاميل لمدة 6 ايام
والحين صارلي يمكن 10 ايام خالصة
بس وقت الجماع اموت من العوار وكله بطني اعورني من سويت الكوي علما باني المفروض اتشوفني الدكتورة بعد العلاج بس للاسف موموجودة صارلها اسبوعين انشالله السبت اشوفها
ادعونلي احمل صارلي الحين 4 اشهر متزوجة
ابي اعرف عوار البطن بعد الكوي عادي ولا لا

 

[لوراااا]

عندج ام ماجد العنزيه بالعارضيه عن تجربه انبط الكيس بامر الله ومن مرخها
لا تروجين طبيب ولا شي يلعبون فيج تحاميل وحبوب منع حمل حرام
بس روحي عقب المرخ وعقب ماينزل منج الماي انشالله عشان اتطمنين انه نزل

 

[مس يونيك]

لورا تكفين عطينيرقمها انا فيني تكيس

 

[لوراااا]

انشالله ادورلج رقمها بس انا كان فيني كيس مو تكيس يختلف الكيس اخف شوي