كيراتين + رموش تركيب ست شهوور + سعر اله البخار الحار الي بالصوالين + تعالو عن الطلطله

[رتو الكيوت]

بنات ابي اسوي كيراتين شنو تجاربكم وياه ؟

كم المده الي يدومها ؟ بالغالب شنو اسعاره ؟



ابي مكان اركب رموووش دائمه مدتها ست شهور


تعرفون الاله الي نص دائره بالصوالين الي تطلع بخار حااار للصبغات وحمامات الزيوت ؟
هاذي بكم :eh_s(10): ؟


منو تحسن وخف التقصف بسبه انتظامها ع حمامات الزيوت ؟


وسلامتجكن :eh_s(7):

 

[رتو الكيوت]

ولييي القسم يهش ذبان !

 

[آهات الليل]

اب



اب

 

[انسه انيقه]

تعرفون الاله الي نص دائره بالصوالين الي تطلع بخار حااار للصبغات وحمامات الزيوت ؟
هاذي بكم ؟​

ب 25 تقريبا وتلقينها بنسايم
​

منو تحسن وخف التقصف بسبه انتظامها ع حمامات الزيوت ؟

انا تحسن شعري من حمامات الزيت وخلطات بعد
​

حياج الله

 

[زهرة الفردوس]

هلا اذا قصدج جهاز البخار للشعر في الصيني وفي الاصلي الايطالي
الصيني بحدود ٢٥ الي ٣٠ دينار
والاصلي الايطالي بحدود ٨٠ الى ١٢٠ دينار
انا استعمل الايطالي وعاجبني لحمامات الزيت والحنه
ولو تبين في واحد ايطالي مستعمل استعمال خفيف جدا وحلو ويستمر معاج جم سنه
لو حابه هذا رقمى ٩٩٢٤٨٨٨٥*

 

[مريانا ام ماريا]

حبيبتي بالنسبه للرموش الدايمه انا ادرس ببريطانيا مكياج ودرست كل انواع تركيب الرموش ماكو 6 اشهر اكثر شي 6 اسابيع بس تجددينها بالصيانه الدايمه انا مركبه الحين بس مو اي احد يضبطهم لج بس لمن تركبين تصيرين وحده غير وحده حلوه بدون مكياج

 

[MiSS B.K]

اب لعيونج

 

[رتو الكيوت]

مشكووووورين !!!!!!


والله وقعته غاالي

بروح اشتريه طااري

محد جاب طار ياكيراتين !

 

[أم و حلوة]

هلا حبيبتي الرموش ودي اجرب هم جذيه اللي لها فترة طويله بس ما ادري وين ؟؟مال البخار تقريبا من 15-30 جذيه و
و بالنسبة للكراتين انه مسويته في صالون مس ريجينا من شهر 1 فظييييع لما الحين اللمعه و النعومه فيه الحمد الله و بالنسبة للسعر اهما من 80 حسب طول الشعر بس مالهم البرازيلي الاصلي و اخذت معاه شامبو و ماسك بصراحه وايد بنات جربوه عقبي شافوا شعري و سالوني و قلتلهم

 

[سلطة]

أم وحلوة وين هذا مس ريجينا عطينا رقمه أو عنوانه ، تصدقين أختي كله تقول لي إذا سويتي كيراتين شعرج بسير أملس وبيلزق بقمة راسج صج كلامها؟ أنا أبي يثقل ويطلع شكله صحي لأنه شعري خفيف وفيه نفشه

 

[رتو الكيوت]

مشكورين

 

[sharoo_e5]

تركيب الرموش حرام حبيبتى

 

[سالم الروح]

الجهلز تحصلينه بنسايم

في موضوع بقسم العناية بالبشره عن الكيرانين

 

[غيــرة انثى]

تركيب الرموش انا ركبت بس قعدو تقريبا 4 لي 5 اسابيع عند صالون china queen
اللي بالجابريه ركبتهم اب 15 و الصيانه اب 5 حلويين حييل و اللي تركب صينيه يهبل شغلها بس لا تهتمين ما تفركين عينج و مايحوش رموشج زيت بس اذا عيونج حساسه او فيج حساسيه مو زين ترا الصمغ قوي و نصيحه اذا بتركبين لبسي عدسات عشان لا يحوش عيونج و هذا رقمهم لازم تحطين موعد 25355005

و الكيراتين انا سويت و شعري صار شحلااااته و في لمعه و نااااعم و انا شعري قبل بدون شسوار كشه بس الحين عادي اتسبح و انشفه بفوطه و اروح الدوام يصير جنه مسويته سترييت و مو ملحس و لازق بلعكس حلو و صحي حتى رفيجتي عبالها حاطه اكستنشن و سويته عند وحده جنه لبنانيه على كويتيه مادري شصلها بس يتلي البيت مغستها و اغراضها كلا معاها شغلها مرتب سوتلي شعري اب 60 و عطتني شامبو و ماسك كيراتين عندها الكيراتين برازيلي اصلي و مافيه ماده الفورماليد و هذا رقمها هم لازم تحطين موعد 60440724

و الحمام زيت استعملت مال زيت الحيه تلقينه بالنسائم يهبل و هم سمعت بحمام زيت الثوم فاشكول يمدحونه بس ما جربته و الاله تحصلينها بمجمع الاذينه اتوقع تلقين مكان ارخص من النسايم

وايد قرقرت سوري اتمنى اكون افدتكم بنات

 

[رتو الكيوت]

مشكووووووره