كوين مساج ولا معهد الكويت الصيني؟

[^^ROSE^^]

السلام عليكم

بنات قررت اسوي مساج تنحيف
طبعا طول النهار اقرر واهون لوووووووووول بس هالمره من صجي ان شاء الله ما اهون

بس ابي رايكم اروح كوين مساج ولا معهد الكويت الصيني الصحي؟

ابي تجاربكم معاهم و جم جلسه تسوون و الجلسات بجم واذا في وحده معينه اروحلها بدال لا يجربون فيني

يالله همتكم
ومشكورين

 

[^^ROSE^^]

احم احم
حد يعبرنا ياقدعان

 

[makhroosha]

كوين وايد يمدحونه وفي جوري سبا بالافينيوز هم عندهم مساج تخسيس

 

[shereeen.79]

كوين مساج انا علطول عندهم واذا قطعت مردي عندهم مره ثانيه
وبالنسبه حق جوري سبا مساجهم اوكي يضعف بس مستحيييييييييييل احد يتحمل الالم والعوار وهذا غير التشوهات والكدمات اللي اتكون ابجسمج طول ما انتي اتسوين المساج
انا الصراحه سويت ١٣ جلسه ووقفت وما قدرت اكمل قلت يالله اكيد العوار يخف طلع لا يبا كل ماله وللآسوآ
الصراحه وااااااااايد يذبح وما انصح احد فيه​

 

[الفدنه]

اب اب اب

 

[^^ROSE^^]

لا لا مابي جوري محد يمدحها وتعور

انزين كوين مساج بجم الاشتراك ويكون فيه جم جلسه؟

 

[omsaja]

انا جربت المعهد الصيني اللي بشرق بصراحه عجيب وايد حلو وكانوا مسوين عرض برمضان الي فات 15 جلسه ب100 وانا اشتركت فيه وبصراحه ااايد فرق علي وبين،، صج ما نزلت وايد لأني ما كنت أشرب الشاي اللي يعطوني ياه تدرون رمضان وما إلتزمت بس القياسات واااااااااايد فرقت معاي ،، حتى لولو اللي إهي تعتبر كبيرتهم بالمعهد آخر شي ما كان عاجبها وزني وتدري إني ما اشرب الشاي قالت لو غيرج بسرعه ينزل وزنه ،، جكتني ما شاء الله عليها !!!
وسلامتج

 

[^^ROSE^^]

مشكوره حبوبة
والله خوش سعر
يقولون لولو صارت المعزبه الحين ماتسوي بس تشرف عالباقي

 

[~{Danon}~]

كوين مساج و بسس ,,, بنت خالي مسويه عندهم و حدها ضعفت و انرسم جسمها ,,, و كان عندهم عرض قبل فترة ما ادري اذا للحين موجود و لا لأ ,,, 10 جلسات بـ 80 دينار ,,,

 

[^^ROSE^^]

جم رقمهم كوين مساج؟

 

[" أضـــــوى "]

جزاج الله خير

كنت ناويه اسال نفس السوال

بعد اذنج حبيبتي

ياليت البنات يعلمونا وين مكان كوين مساج ..؟؟ وشلون المكان من حيث النظافه والراحه ؟؟؟ وهل يعووور مساجهم ؟؟؟

 

[^^ROSE^^]

اخذي راحتج حبيبتي
الموضوع حق الكل
كوين مساج بالشعب بس بالضبط وين مادري
انا مثلج ناطره البنات يعلمونا

 

[^^ROSE^^]

دقيت على كوين سألتني عن وزني هم على حسب الوزن يتحدد السعر
قلتلها 77 قالتلي 10 جلسات 120
هذا الرقم 22657787

 

[zqertya]

انزين يسوون مساج حق كل الجسم ولا بس مكان معين ياخذون عليه السعر ؟؟؟

 

[^^ROSE^^]

اتوقع لكل الجسم

 

[^^ROSE^^]

بنات اللي جربوه جم مرة لازم اشترك؟ هو الاشتراك 10 جلسات
جم مره اكررهم؟

 

[فـرفـر]

تصدقين انا دقيت قلت وزني 64 قالت ب110 مافي فرق عنج


مادري انتي رحتي والا للحين انا مفكره بس مادري متي اروح

 

[^^ROSE^^]

انا بروح يمكن الاربعا او الخميس

 

[+بسبوسة+]

انا بعد بروح ان شاء الله الاسبوع الياي بشترك...

فرصة عيالي بفليكس وانا عندهم يعني غصب عني راح اللتزم

 

[so_what]

حبيبتي في موضوع بالقسم عنه بس حييل قديم دورته ما لقيته كنت قاريته قبل أنصحج تقرينه قبل ما تسوين