كويتي مطلق!

[لتين ~]

السلام عليكم
شلونكم كويتيات ؟
الله يعلم شكثر غالين علي وشكثر احب هالمنتدى واستفدت منه كثير
ابي استشيركم في شي بعد الله واتمنى ترشدوني
انا سعوديه مطلقة بدون اطفال خطبني كويتي مطلق وعنده بنت
انا محتاره بكذا شي اولا انه مطلق واخاف بعدين يقارن بيني وبين زوجته الاولى؟
وبنته صحيح مع امها بس خايفه من هالشي ياثر؟؟
فارق العمر مو كبير بس انا خايفه لاني مريت بتجربه قبل
وماادري هل اوافق او لا بعد الاستخاره طبعا!!
ابي نصايحكم وتجاربكم عدوني اختكم

 

[shak!shoka]

تعوذي من ابليس ولا توسوسين

مو اول ولا اخر منفصلين يتزوجون

استخيري قبل كل شي
و خوفج طبيعي لانج مريتي بتجربه سابقه

وانشالله اذا لج نصيب معاه بتاخذينه اهم شي لا تخلين التجارب الفاشله عائق و تفائلي بالمستقبل

وما يضر انه عنده بنت ،،،،، لو كان بقلبه شي لطليقته جان ردها او ع الاقل ما فكر يخطب


استخيري حبيبتي وربي يكتب لج الخير و يوفقج و يسعدج

 

[لتين ~]

ياحياتي شكرا على ردك ودعواتك
والله يكتب اللي فيه الخير



الباقين وينكم

 

[اميره بكلمتي]

استخيري بالاول وشوفي
وعسى الله يوفقك

 

[مني يغارون]

ليش خايفه من المقارنات اذا تبين تتزوجينه خليك قدها
وثقي بنفسك اذا شافك وماخذك عن قناعه خلاص الحمدلله
لا تتخوفين من المقارنات و استقلي بسخصيتك
وبالنسبه للبنت حطي ببالك ممكن بيوم ترجع تعيش عند ابوها
فلازم تكونين متفهمه ومتقبله اي تغييرات

وقبل كل شيء خلي أهلك يسألون عنه زين واستخيري
وفكري بكل الجوانب
الله يكتب لك اللي فيه الخير يارب

 

[3tebeya]

اذا تشوفين تعليقي ياليت تتواصلين معاي ضروري جني عرفته اللي متقدملج ضروري تردين حبي

 

[لتين ~]

مشكوره حياتي
مو هذا اللي مخليني متردده ! البنت !
و الله يكتب اللي فيه الخير

 

[لتين ~]

اذا تشوفين تعليقي ياليت تتواصلين معاي ضروري جني عرفته اللي متقدملج ضروري تردين حبي

شوفي خاص

 

[Pink_Roses]

استخيري وتوكلي على الله

 

[Om_Ksha]

انا ماشوف فيها شي استخيري
ولانج مطلقه فرصه انه ايلج مو متزوج قليله ودامه مطلق ابرك من على مره المهم انتي وراحتج والله يوفقج

 

[نـعـومـه]

استخيري وشوفيه مافيه عيب ينرفض

 

[بدون بس مغتربه]

والله اذا راضين باخلاقه ودينه تزوجي وش اللي يمنع,,.؟ بنته مع امها وحتى لو معاه ماراح يضر يامها بنات عاشو مع زوجات ابوهم وصاروا سمن على عسل...

فما في خوف اذا تبين الاستقرار والامان مع زوج..

والله يكتب لكم اللي فيه الخير..

 

[yam_yam]

مطلق احسن من متزوج
و عنده بنت احسن من عنده ولد عالاقل لا جبتي ولد ينادونج ام فلان

و شكو خايفه من المقارنه بالعكس يمكن تطلعين انتي احسن منه و بحكم انه له تجربة سابقة راح يخاف من الطلاق الثاني و يكون احسن معاج من اللي قبلج

توكلي على الله و استخيري و الله يوفقج

 

[ammoonn]

ظلي استخيري كل يوم لين رب العالمين يكتب لج قدرج بس كل يوم استخيري

 

[جوري الغرام]

مطلق احسن من متزوج
و عنده بنت احسن من عنده ولد عالاقل لا جبتي ولد ينادونج ام فلان

و شكو خايفه من المقارنه بالعكس يمكن تطلعين انتي احسن منه و بحكم انه له تجربة سابقة راح يخاف من الطلاق الثاني و يكون احسن معاج من اللي قبلج

توكلي على الله و استخيري و الله يوفقج

عدل كلامها :eh_s(15):
واذا خايفه انه مطلق ليش متوقعه انج بتاخذين ولد ماسبق له الزواج !!
لا ياقلبي انتي مطلقه واهوا مطلق عادي يعني
واذا على المقارنات فهذي تصير في كل بيت موشرط الوحده وطليقة زوجها ..
الله يوفقج بحياتج الجديده ويطلع خوش رجال ينسيج ويعوضج عن طليقج اللهم آمييييييين :yaaaaaarb:​

 

[keka89]

توكلي على الله واخذيه فرصه حلوه ويتلج