كويتية وردي محتاجتكم

[كويتية ورديه]

:0bee2e8d89:

قوه بنات شلونكم



بنات انا حدي متضايقه والله .. دكتورتي وصفت لي ابر منشطه وصار معاي فرط بالاباضه وطلعولي اكثر من بويضه وخافت الدكتورة وماعطتني ابر تفجير :0bee2e8d89: قالت اخاف يكبرون وينفجر المبيض عندج يعني بس كبرتهم من غير ماطلعهم !! بنات انا قبل اخذ ابر تفجير وكان يصير معاي جيس ماااي ماتنزل البويضه لأن عندي سمك بغشاء البويضه واااي بنات منو شنو يصير جذي يعني ليش غشاء البويضه يصير سميك ماينفجر طبيعي ولا وحده تعرف شنو السبب وشنو الحل !! انا خايفه يصير معاي اجياااس لان اكثرمن بويضه وبالاذات انا معاي تكيسات نفسيتي حييييييييل تعبانه وخايفه ومتوتره .. وقالت لي الجماع يوم وترك .. وريلي موعاجبه الوضع يبي يوميا شسوي تكفون ساعدوني

 

[أنوار البحرين]

مراحب اختي
اولا ماعليج شر إنشاء الله
ثانيا نصيحتي لج الحجامة تركي عندج الحبوب والأبر وصدقيني شهر عن شهر راح تلاحظين انتظام الدورة يعني انتظام التبويض والرف رش اللي راح تحسين فيه
دعوتي الدائمة للجميع بالذرية الصالحة والصحة والعافية والحمد لله على جميع النعم

 

[غيـ الناس ـر]

غيري دكتورتج حبيبتي .. يعني الطبيبه اللي تبلش معاج بابر وما تتابع معاج صراحه ما عندها ضمير .. المفروض تبلش بحبوب واذا شافت التبويض نازل تعطيج ابر مو سيدة جذي تدش بقوه اصلا مو زين تنزل اكثر من بويضتين وله 3 بالشهر يصير تضخم وتكيسات واحتمال ينشال حتى المبيض ..


غيريها ووكلي امرج لرب العالمين

 

[عزالعوازم]

حبيبتي لاتحاتين دام فيه رب العالمين كلشي بصير بس ادعي وحطي ايدج على بطنج وقولي الفاتحه 7 مرات وانشالله مالج شر

ترا التفكير اهوا يلعب لعب بالبني ادم

 

[كويتية ورديه]

غيري دكتورتج حبيبتي .. يعني الطبيبه اللي تبلش معاج بابر وما تتابع معاج صراحه ما عندها ضمير .. المفروض تبلش بحبوب واذا شافت التبويض نازل تعطيج ابر مو سيدة جذي تدش بقوه اصلا مو زين تنزل اكثر من بويضتين وله 3 بالشهر يصير تضخم وتكيسات واحتمال ينشال حتى المبيض ..


غيريها ووكلي امرج لرب العالمين

حبيبتي انا استمريت 9شهور على كلوميد وماحملت ..

 

[كويتية ورديه]

مراحب اختي
اولا ماعليج شر إنشاء الله
ثانيا نصيحتي لج الحجامة تركي عندج الحبوب والأبر وصدقيني شهر عن شهر راح تلاحظين انتظام الدورة يعني انتظام التبويض والرف رش اللي راح تحسين فيه
دعوتي الدائمة للجميع بالذرية الصالحة والصحة والعافية والحمد لله على جميع النعم

حبيبتي لاتحاتين دام فيه رب العالمين كلشي بصير بس ادعي وحطي ايدج على بطنج وقولي الفاتحه 7 مرات وانشالله مالج شر

ترا التفكير اهوا يلعب لعب بالبني ادم

مشكورين يقلبي ويزاكم الله الف خير ولاتنسوني بدعائكم ..

 

[غيـ الناس ـر]

عادي حبوبه الكلوميد اذا جسمج يتفاعل معاه وتكبر البويضه معناه ان ماشي وياج ..

وفي ناس تاخذه سنين ما تحمل لان الله مو كاتب لها ان تحمل بهالشهر ..

 

[كويتيه مذهله 87]

الحين صار الي صاار
ومثل ماوصيتج شرب حليب كامل الدسم وان شالله مايصير فيج تضخم

هو شهر وشهر

شهر يستجااب وشهر مايستجاااب التبويض

وخليها ع الله

 

[أم لطووف]

بعد عمري والله ما أعرف يبهالسوالف بس ربي يشافيج ويعافيج إن شاء الله

 

[ريحانه33]

الله يرزقج الذرية الصااالحة

 

[mememoon]

لا تحاتين حبيبتي عادي كا اللي بيسون لهم حقن مجهري يعطونهم ابر وايد ويطلعون 7 لي 9 بويضات اشلون ينفجر المبيض لا وما يسحبونهم كلهم .. انا صارلي مثلج بس صار معاي تظخم بالمبيض اليسار والحمداللة ريحت 3 اشهر بدون علاج لمن راح ..ماتشوفين شر حبيبتي وتوكلي على الله ..

 

[bint_al8omar]

انا نصيحتي غيري الدكتوره وان شالله مافيج الا كل خير ويارب يرزقج هالشهر من غير اعلاج

 

[رووح حبيبي]

حبيبتي انا صار معاي تضخم
وعطتني الدكتورة ابرة تفجير
ودخلت بعدها العنايه 12 يوم
نصيحه ريحي على الاقل 3 شهور
بعدين ابدي علاج
الله يرزقج ويرزقنا معاج

 

[madam_cake]

الله يرزقج الذرية الصالحة يارب وتوكلي على الله
وان شاء الله مافي الا كل خير

 

["*آآآنؤؤؤقهـ*"]

عمرررررررررررررررررري تكفين تراج غاليه عندي


لاتحورفيييييين بعمرج ترا الا الرحم غاااااااي


وقفي علااااااااااااج انسي الحمل فتررررررررررره


سوي حجااااااااااااامه

ارتاااااااااااااااااحي كم اشهر


وترى الجماااااع يوميا موزين

ويقلل من فرص الحمل

انا قبل كله مثلج كل يوم يبي بس الشهر اللي طاف كل 3 اياااااااااااااااام احسن لج والله نصيحه


ووكاني حامل بلا دكاتره بلا بطييييييييييييخ

اقري اقري على مبااايضج حصنيهم

والله يرزقج

 

[كويتية ورديه]

يابنات انتو تقولون لي وقفي انا وقفت علاج 4شهور تقريبا وتوني راجعه حق العلاج مره ثانيه . يعني توني راجعه وصار معاي جذي .. [color="darkorchid"]انيقه [/color].. حبيبتي انا معاي تكيس المشكله ماتنزل الدوره ولااحمل بسبب التكيس ..
غير الناس .. واااي الكلوميد وايد متني تعبت منه والله ..من جذي غيرت وقلت ابي ابر


بنااااااااااااااااااااااات شنو يعني غشاء البويضه سميك ليييييييييش يصير سميييييييك منو تفديني

 

[كويتية ورديه]

يعني الغشاء مايتفجر لأن عند سٌمك بغشاء البويضه

 

[سمسومه]

أنا بعد صارلي نفسج ... خليت مل الأدويه و التلقيح و كل شي وبديت بعلاجي بالقرآن (( البقره )) ثم (( البقره )) ثم (( البقره )) حطي أدينج على رحمج و أقري البقره كامله إذا تقدرين باليوم ... وأخذي ماي زمزم و أقري عليه الفاتحه سبع مرات وميسحي فيه مكان الرحم و المبيض ... و كثري من لسيتغفار و خلي جماعكم عادي وتوكلي على الله .. ماكو إلا العافيه ..الله يرزقني و إياج يارب

 

[غيـ الناس ـر]

الغشاء سميك اذكر رفيجتي جذي نفسج كان غشائها سميك .. عطتها الطبيبه ابره تفجير ولا تفجرو البويضات وردت عطتها مره ثانيه عقب يومين يالله تفجروو

 

[كويتية ورديه]

أنا بعد صارلي نفسج ... خليت مل الأدويه و التلقيح و كل شي وبديت بعلاجي بالقرآن (( البقره )) ثم (( البقره )) ثم (( البقره )) حطي أدينج على رحمج و أقري البقره كامله إذا تقدرين باليوم ... وأخذي ماي زمزم و أقري عليه الفاتحه سبع مرات وميسحي فيه مكان الرحم و المبيض ... و كثري من لسيتغفار و خلي جماعكم عادي وتوكلي على الله .. ماكو إلا العافيه ..الله يرزقني و إياج يارب

الغشاء سميك اذكر رفيجتي جذي نفسج كان غشائها سميك .. عطتها الطبيبه ابره تفجير ولا تفجرو البويضات وردت عطتها مره ثانيه عقب يومين يالله تفجروو

مشكورين بنات ماقصرتوا ... غير الناس المشكله هالتكيسات اللي تالفتني والله .. والدكتورة ماعطتني هالشهر ابر تفجير علشان صاير معاي فرط باللاباضه فقالت ماينفع افجرهم .. الله كريم وبقدرة قادر ينفجرون يالله يارب ..