كويتيات من مر عليها كامرات الفيديو (سوني ) بماليزياااااااا تفيدني

[ليدي الحلوه]

:krkrkr:

حبيباتي ترا تنتفت وانا ماوصلت للحين ماليزيا ابي مساعدتكم ورايكم

لقيت كامرت سوني فيديو وفتوغرافي بحجم اليد 60 جيجا تصور اكثر من 45 ساعة فيديو وماراح احتاج الى سيديات او ميموري بتكفيني للسفر وسعرها 144,900 يعني 145 دينار وبصراحه مااقدر عليها وراي سفر ورمضان فهل اخذها اقساط من الغانم ولا اخذها من ماليزيا سمعت انها يابانيه تجميع ماليزي يعني اكيد بتكون ارخص ......
جزاها الله الف خير الي تفيدني او تدلني على احد يفيدني بسعر السوني في ماليزيا

على فكره ترا انا قبل ماليزيا بقعد يوم وليله في دبي اذا تعرف اسعارها في دبي اذا ارخص ............


واتمنى من الي تفيدني انها تدلني على السعر والمكان بالتحديد ,,,,,,, ولها مني جزيل الشكر مقدما وكثير الدعاء

:ggdw::klhfl:

 

[knafa-q8]

والله ماعندي فكره
ماحبيت اطلع من غير رد
انا ماخذتها من يوريكا
ان شاء الله كويتيات مايقصروون

 

[q8nina]

والله ما ادري

انا بكوالا لمبور الحين الساعه عندنا 9 ونص الصبح وطيارتي العصر لبوكيت ووالحين وبطلع لشارع العرب بشتري اغراض
شايفتهم اذا يمدي سألتلج وراح ارد لج خبر سواء اذا يمدي او لا ..

 

[نور النهار]

والله ما أدري ما عندي أي فكرة

 

[ليدي الحلوه]

كنافه كويتيه ......... ماقصرتي وبارك الله فيج

سيدة الاعمال ...... انتي سيدة الاخلاق وبصراحه كثرت عليج اذا بتروحين وتسالين علشاني ............. الله يوفقج ويردج للديره سالمه غانمه

نور النهار .............. نورتي وماقصرتي

 

[ArEEj]

شوفي بماليزيا الاجهزة الالكترونيه اسعارها نفس الكويت بالضبطططط
ويمكن اغلى
ما اتوقع فيه فرق
وان شاء الله ترد لج الخبر q8nina
او عطيني رقم الموديل انا اسئلج باجر لان في شكثر موديلات لسوني

 

[ArEEj]

ليدى ترى سالت لج
الى 4 غيغا ب 1400
واللى 60 غيغا ب 1900
1900 رينجت = 150 دينار تقريبا
يعنى نففففففففس الشي
عل الاقل اخذيها من الكويت فيها كفاله

 

[q8nina]

نبفس ماقالت الاخت نفس الكويت

ترا الغانم مسوي عرض على الكامرات

 

[ليدي الحلوه]

ماقصرتوا خواتي العزيزات

الله يوفقكم