كويتيات عايشين بالشرقية في السعودية؟

[الجوهرة12]

السلام عليكم كويتيات
شلونكم عساكم بخير
هذي اول مشاركة لي و ان شاء الله مو اخر مره
مثل ماهو باين بالعنوان (و عذرا اذا حطيته بالمكان الغلط او مكرر)
بس حيبت اعرف في كويتيات متزوجات سعوديين و عايشين بالسعوديه و تحديدا بالمنطقة الشرقية (الخبر - الدمام - و المناطق المجاوره) ؟؟؟

انا ريلي سعودي و صارلي جم سنه اهني و الحمدلله مرتاحة بس مرات احس بضيجة يمكن من الوحدة و مو قادره اتأقلم على بعض الامور مثل قريبا انعدام التجمعات العائليه وماشوف احد الا بالمناسبات و مافي تواصل مثل بالكويت و اشتاق لاهلي و ديرتي و رفيجاتي وايد و ودي اروحلهم كل ويكند بس صعبه عشان دوام ريلي و الظروف و غيره، بس الحمدلله احاول اسوي لي جو و اشغل وقتي بالهوايات او نطلع نتمشى بالكورنيش و صراحة اتينن الشرقيه

منو من بنات ديرتي ساكنين قريب يمي و انا مادري؟ @@

اتمنى تشاركون فديتكم :eh_s(7):

 

[اختكم نونا]

ماشاءالله عليج قلبج قوي انا ماتحمل ما اشوف اهلي كل اسبووع

 

[الجوهرة12]

ماشاءالله عليج قلبج قوي انا ماتحمل ما اشوف اهلي كل اسبووع

مادري اذا قوه او الرضا بما كتب رب العالمين، هذا النصيب بس الحمدلله ترى اهلي يزوروني كل ما قدروا خو مو من بعد المسافه اشوه من اللي عايشين بالرياض او جده.. هههه و شكرا على مرورج ي عسل :eh_s(7):

 

[اميره بكلمتي]

صح صعبه تتأقلمين بس تبين الشرقيه وايد قريبه من عندنا يعني تقدرين اتيين الكويت كل بعد اسبوعين او ثلاث اسابيع تزورين اهلج والشرقيه ترا وايد حلوه وشرحه

 

[ماكنتوش 1988]

الله يكون بالعون الوحده تقتل بس الله يسعدج مع زوجج وينسيج الغربه ..بعد كم سنه زواج راح يكون زوجج هو كل شي بحياتج الاهل والعيال والرفيج وكل شي

 

[اختكم نونا]

مادري اذا قوه او الرضا بما كتب رب العالمين، هذا النصيب بس الحمدلله ترى اهلي يزوروني كل ما قدروا خو مو من بعد المسافه اشوه من اللي عايشين بالرياض او جده.. هههه و شكرا على مرورج ي عسل :eh_s(7):

الله يكتبلج الي فيه الخير بس انا احسها مخاطره خاصه اني شفت مشاكل وايد من كويتيات متزوجين سعوديين

هذا طبعا رايي الشخصي وعلى فئه معينه

بس الحمدلله دامج مرتاحه والحين التلفون يقرب المسافه كل البرامج فيها صوت وصوره وفيديو

 

[نور وشموع]

الله يسعدج

 

[نـعـومـه]

اشوه تقدرين تروحين لأهلج مثلا كل ويك اند أو اسبوع وترك ونص الأسبوع وقتج لج ولبيتج وزوجج في ناس نفس الديره بس مايتواصلون

موفقة